منتديات يا حسين .. الصفحة الرئيسية
منتديات يا حسين .. الصفحة الرئيسية
موقع يا حسين  
موقع يا حسين
الصفحة الرئيسية لموقع يا حسين   قسم الفيديو في موقع يا حسين   قسم القرآن الكريم (تسجيلات صوتية) في موقع يا حسين   قسم اللطميات (تسجيلات صوتية) في موقع يا حسين   قسم مجالس العزاء (تسجيلات صوتية) في موقع يا حسين   قسم الأدعية والزيارات (تسجيلات صوتية) في موقع يا حسين   قسم المدائح الإسلامية (تسجيلات صوتية) في موقع يا حسين   قسم البرامج الشيعية القابلة للتحميل في موقع يا حسين
العودة   منتديات يا حسين > المنتديات المتنوعة > المنتدى الصوتي والمرئي > قصائد حسينية كتابةً
اسم المستخدم
كلمة المرور
التّسجيل الأسئلة الشائعة قائمة الأعضاء التقويم البحث مواضيع اليوم جعل جميع المنتديات مقروءة

الموضوع: قصائد حسينية كتابةً الرد على الموضوع
اسم المستخدم الخاص بك: إضغط هنا لتسجيل الدخول
عنوان الموضوع:
  
نص الموضوع - إذا لم تكن عضواً لن تظهر مشاركتك إلا بعد مراجعتها من قبل المشرفين:
أيقونة المشاركة
يمكنك إختيار أيقونة خاصة بموضوعك من هذه القائمة :
 

الخيارات الإضافية
خيارات متنوعة

إستعراض المشاركات (الأحدث أولاً)
07-10-2017 09:14 PM
وهج الإيمان شكر الله لكم

سبحان الله وبحمده
01-01-2016 12:31 AM
زائر (غير مسجل)
إقتباس:
صاحب المشاركة الأصلية: علي هادي
اللهم صل على محمد و ال محمد

هذا الموضوع افتتحه لكي اضيف به
القصائد الحسينية
كتـــــــــــابةً








17-11-2015 01:21 AM
مله علي الزيرجاوي اشكرك على هاذي القصايد
10-08-2008 03:25 PM
علي هادي
اخاف من اعوفك بعد مااشوفك****اذا ماتجيني اقدر ضروفك

طويله رحلتي واخاف برجعتي
بعد ماشوفك

ياعباس اختك انا ولاتبارحني****جنت انت تمسيني وتصبحني
فركتك ذي التي وشوفك يفرحني****كلامي الشامت بفركاك يجرحني
ياريت الموت اخذ روحي ويريحني****واذا انساك الله لايسامحني
اخاف اشتكيلك واعذب دليلك****واريد بدموعي ابرد غليلك

تودعك دمعتي واخاف برجعتي
بعد مااشوفك

اودعك يابن ابويه ولليسر اطلع****واعوفك بدر غايب ابنور بالمصرع
مثل جسمك تودر كلبي وتكطع****كلامي وياك صارت ترجمه المدمع
اذا ارجع ياخويه اش راح اتوقع****اذا ارجع اشوفك بعد من ارجع
اباصر دليلي سفرتي ورحيلي****كلتله عجيبه افارك كفيلي

على فكدك حسرتي واخاف برجعتي
بعد مااشوفك

اصيحن واليموت اش ينفع الصايح****اسكتت ودموع جدول عن وجه سايح
غصب عني اعوفك والضعن رايح****بلا توديع اتركك عن نهر طايح
تعاتب لا تعاتب والعتب جارح****تودني واليود من شيمته يسامح
وعن نبره واحه يريد السماحه****تسير الضعينه ونينه ونياحه

تنشدك مهجتي واخاف برجعتي
بعد مااشوفك

انشدك لو مشيت بضاعني واتيسر****تكدر تنهض التشد الضعن تكدر
اذا بسياط اخصمك يضرب الخدار****تكدر تحمي وعلا وسايره بهل البر
اذا جتالك بمجلس شتم حيدر****تكدر تجي اهناك اتدافع واتحضر
اذا وكفونا بمجالس عدونا****حرم واحنه نسمع يشتمون ابونا



اش ينشف عبرتي واخاف برجعتي
بعد مااشوفك

اذا مسبيه من يمك رحت وامشيت****وعني ماكمت ياابا الفضل حاميت
اذا مجلس دخلتي وحايره ضليت****اذا حشمتك وللنخوه مالبيت
العذر مقبول منك خويه لو ماجيت****شلون اتكوم وانت بس جسد ضليت
يا جمرة حنيني يعذرك ونيني****عسه من نكطعك يساره ويميني

اش يرجع لهفتي واخاف برجعتي
بعد مااشوفك

اش خلت ساحت الطف خذت مني احيود****شاجي وياالنهر والسهم والعمود
فطر جبدي العطش من نار سهم الجود****اذا تسكن لحد اسكن ياخويه الحوم
للطف يابن ابويه ضعن مني ايعود****اخافن مااشوفك لو رجعتي اردود
يطول غيابي واجيك بمصابي****اذا ما لكيتك تزيد عذابي

تهيج جمرتي واخاف برجعتي
بعد مااشوفك

اخاف من اعوفك بعد مااشوفك****اذا ماتجيني اقدر ضروفك
طويله رحلتي واخاف برجعتي
بعد مااشوفك
10-08-2008 03:22 PM
علي هادي
امك انا يا حسين طفلك وين دليني ** صار الجرح جرحين بالطفلين واسيني
محسن دليني ينوح وبطفلك المذبوح ** صار الجرح جرحين بالطفلين واسيني

هايه الوديعة ابنار الفجيعة بالطف اجت هاليوم
كايد هاهمهة وبجفهة صمها لزمة ضلع مهشوم
بديجة البوادي تنعة وتنادي اه يا ابي يا مظلوم اه يا ابي يا مظلوم
حيرني وضعك يا ابي واسمعك تحجي ويا هاي الكوم

طفلك تريد الماي شنه الراي يا وليدي ** اعصر الك عينك ما يحجاي لو بيدي
عليك الكلب مجروح والطفلك المذبوح ** صار الجرح جرجين بالطفلين واسيني

حين اعتنيتك حاير لكيتك شايل طفل عطشان
ما احد يطيعك يرحم رضيعك لاترتجى العدوان
خلهيب كضامي اسمع كلامي رضيدني للصيوان

امك وجيت الخال واترجاك بالعبرة ** اخدت طفل وياك امه اهنا تنطضره
عليك النظر مشبوح والطفلك المذبوح ** صار الجرح جرحين بالطفلين واسني


حساب الحسابته بالطف عرفته واتوقعت هالحال
طفلك تصوب بالدم تخضب دمه على جفك صار
سهم المنيه اتر عليه ادري السهم جتال ادري السهم جتال
هايا انا مثلك ابجي على طفلك اتمرض الدلال

عبد الله روحي تحوم تجري دموم عبراتي ** وعيوني جنهه غيوم تمطرلوم دمعاتي
عليك الدمع مسفوح والطفلك المذبوح ** صار الجرح جرحين بالطفلين واسيني

وحدك اشوفك واشلون اعوفك بين العده ومحتار
يا حسين اخبرك لمن انظرك ذكرني بالكرار
مثلك تحير حاله وتغير من هجمه وعلى الدار
عبد الله شفتة محسن ذكرته ذكرني بالبسمار ذكرني بالبسمار





عبد الله راسي شاب كلبي ذاب واتالم ** واتذكرت بالباب ضلعي انصاب واتهشم
المحسن حزين الروح والطفلك المذبوح ** صار الجرح جرحين بالطفلين واسيني

اوليدي تدري عذبني دهري مفجوعه بالاولاد
محسن هضمني طفلك يهمني ما ناغوب امهات
والموت اخذهم واحرمني منهم صبر الكلب مافات
هاج وتاتر ضلعي وتكسر هل الليله كسره انعاد

ضلع الصبر مسنوت كلت تهوت اهاتي ** ما ادري راح تعودلت يردود لو عاتي
زاد على ضلع النوح والطفلك المذبوح ** صار الجرح جرحين بالطفلين واسيني

يا حسين اريدك تنطيني بيدك طفلك وبات وياك
واكعد واساهر يمه اناطر جاهز يفك عيناك
واحجي لحالي هضم الليالي بيه اش عمال فركاه
واعصر لمدمع والجفني يدمع يغفه على جرح الاه

اعصر دمع واسكي وتناغيه وناتي ** تسهرمهجتي عليه وتباري حسراتي
لاجلك حملت جروح والطفلك المذبوح ** صار الجرح جرحين بالطفلين واسيني

كطعو وريده منه اليعيده لو شائت الاقدار
ياحسين اودعك لاتجري دمعك ماتنفع الاعذار
سلمني ابنك هالصوغه منك انطيها للمختار
جدك ينضره ويراوي نحره للخالق الجبار


خيل وزلم حاطو ولفجعو بولادو ** بالجنه ينتضرو والكانو اجدادو
يالهادي جده ايروح واطفلك المذبوح ** صار الجرح جرحين بالطفلين واسيني
10-08-2008 03:15 PM
علي هادي
انا الزهراء و ما اداري كسرك اصعب لو كسري
بين امصا بك وامصا بي*****ياحسين انسيت اصو ابي
من لحدي انفضت ترا بي*****وتعنيتك من كبر ي

اناالزهراء وماادري كسرك اصعب لوكسري

جيتك للطف مهمومه*****شفت اضلوعك مهشومه
ونحرك من شفت دمومه*****هيج احزاني وقهري

اناالزهراء وماادري كسرك اصعب لوكسري

شفتك مخظوبه بالدمك*****صبيت المدمع يمك
راسك ماشفت بجسمك*****ياحسين اتحير فكر ي

اناالزهراء و ماادري كسرك اصعب لوكسري

ناديتك راسك وينه*****جسمك ليشى امودرينه
ليش بالدم مغسلينه*****جاوب ياشمعه عمري

اناالزهراء و ماادري كسرك اصعب لوكسري

متغسل جسمك بالد م*****ومجفن بتراب الهم
وصدرك بالخيل امهشم*****وبالباب اتهشم صدري

انا الزهراء و ماادري كسرك اصعب لوكسري

محتاره باامري وامرك*****ونهشمن صدري وصدر
يابني ومن كطعو نحرك *****جان كطعو بالطف نحري


اناالزهراء وماادري كسرك اصعب لوكسري

انا امك اناالزهراء*****اصرخ وبعيني العبره
وليشى اموسد عالغبره*****وعاكاعد دمومك تجري

اناالزهراء و ماادري كسرك اصعب لوكسرك

دمعاتي ودمك تسفع*****وبجروحك كلبي مجرح
لوشفت بعيني المذبح*****لاشك جنت افكد صبري

اناالزهراء ماادري كسرك اصعب لوكسري ياحسين

كل سهم امصابك يابني ***** مثلك جان ايصوبني
مصا بك بالطف عذبني*****هيج نيراني وجمري

انا الزهراء وماادري كسرك اصعب لوكسري

10-08-2008 03:12 PM
علي هادي

ياشيعتي رغم اعداي وكت العطش ذكروني

كلما تشربون الماي وكت العطش ذكروني

ياشيعتي وكت الشرب ذكروني دلالي ضامي

عدواني من ماي العذب حرموني حرمو ايتامي

انا الذبيح بلا ذنب سلبوني والجسم دامي

دمع الحزن والاشجان ياشيعه لاتنسوني

انا الغريب العطشان وكت العطش ذكروني

ياشيعتي نار العطش بين احشاي تلهم وتسري

كلبي انخمش فكري اندهش من دنياي واليدري يدري

فوك الترب خدي انفرش خيل اعداي هشمت صدري

ياشيعتي بجود الخيل عكب جاتل صعدوني

جمر العطش هد الحيل وكت العطش ذكروني

شيعتي لو يوم انفكت منكم شاب عنكم تاخر

ذكروني من شفت الولد جسمه انصاب بالدم تعفر

غابت الروح امن الجسد لمن غاب عن عين الاكبر

لافراكيلك ضل معلوم وانخمد نور اعيوني

انا الوحيد المضلوم وكت العطش ذكروني

10-08-2008 03:09 PM
علي هادي

باي ذنب دمي جرى*****والجسم مني فوق الثرى
ماغسلوني ماكفنوني*****بل قطعوني في البيداء

انه ريحانت محمد*****واقترن بالهادي اسمي
حيدر المغصوب ابويه*****وفاطمه المضلومه امي
اتوضت اسيوف المنايه*****علمنحري وطهرها دمي
صرت محراب الشهاده*****وصلت ارماح اعله صدري
فنال مني كيد العدى*****واحتز راسي سيف الردى

والشمر يدري**منحز نحري**في الطف تجري**أي دماء

اتوسد اعله الغبره جسمي*****وسلمت للباري امري
لن شمر بالسيف اجاني*****وللذبح ثنه اعله صدري
وشفته مد ايده اعله راسي*****ووسط السيف اعله نحري
وابتده يحزب وريدي***** وعالرمال دمومي تجري
فنال مني كيد العدى*****واحتز راسي سيف الردى

والشمر يدري**منحز نحري**في الطف تجري**أي دماء

بيده شايل راسي لاجن*****دمي ينزف حين شاله
ورمحه خلاهه بوريدي***** وعالرمح راسي تعاله
حاطت الناس اعله رمحه*****عن يمينه اوعن شماله
واحد الواحد يسلمه*****وراسي هذا ليه جراله
القوم من هم ومن انا*****يشال راسي على القناه
خطبي فضيع**راسي قطيع**جسمي صريع**دون رداء

رميه مابين الايادي*****وجسمي بحجوز المنيه
لن عشر خياله كصضت*****غايره وداسو عليه
اضلوعي بالطف هشموها***** مثل ضلع امي الزجيه
وماترك من جسمي مفصل*****حافر اخيول ال اميه
تناولتني نصولهم*****وفوق صدري خيولهم

لم يرحموني**فاوردوني**كاس المنوني**بدل الماء







للجسد بجدل تعنه*****لاجن ابسيفه اعتناني
وكطعت الخنصر دهتني*****والصخر يبجي اعله حالي
عكب ماجسمي تسلب*****عكب هالحال الجرالي
ابخنجر الجمال اجاني*****وكطع ايميني وشمالي
يدار راسي بين الملا*****والجسم ثاو بكربلاء

غدا سنحشر**والحق يظهر**وسوف نؤجر**في السعداء


باي ذنب دمي جرى*****والجسم مني فوق الثرى
ماغسلوني ماكفنوني*****بل قطعوني في البيداء

10-08-2008 03:04 PM
علي هادي

فكد الاهل غربه*****صعبه اشكتر صعبه
دلالي بالهم ذاب*****يافركة الاحباب

صعبه اشكتر صعبه

فكد الاهل ياناس*****غربه اومدله
والطفل دله يعيش*****لو راحو اهله
بالدمعه والحسرات*****يبكه اويتسله
لالا تلوموني*****من تهمل اعيوني
طال اعليه الغياب*****يافركت الاحباب

صعبه اشكتر صعبه

طفله اوعليله اوحيف*****عافوني وحدي
ودموعي دم اتسيل***** تجري اعله خدي
لاخبر جاني اليوم***** من اهلي ودي
وحشه وخليه الدار*****لاوالي عندي
اوياهم مشى كلبي*****عيوني بكت تربي
بلهفه تصد عالبال*****يافركة الاحباب

صعبه اشكتر صعبه

بس المهد بالدار*****خالي انضره
روحي عليه اتلوب*****كلمه اذكره
عبد الله وبفركاه*****كلبي شيصبره
سالم يرد ياريت*****عمري اعله عمره
تطفه وتشب ناري*****بس الصده بداري
دمعي دمه سجاب*****يافركة الاحباب

صعبه اشكتر صعبه

يا اهلي ماضنيت*****اصبح غريبه
وكلبي يضل ايلوب*****يسعر لهيبه
الراح بطريق الموت*****ياهو اليجيبه
بين انتضار وخوف ***** عشت المصيبه
من لوعتي وهمي*****ناحل صبح جسمي
بالمرض جسمي انصاب***** يافركة الاحباب

صعبه اشكتر صعبه

بس الجسم ضليت*****بارض المدينه
الطف كربلاء وديت*****كلبي وحنينه
والدي اصبح وين*****اوحامي الضعينه
وعبد الله وام كلثوم*****وامي وسكينه
اوعمتي وكمر هاشم *****والاكبر وجاسم
اوياهم الي اعتاب*****يافركة الاحباب

صعبه اشكتر صعبه

يابويه ليل انهار***** تابعه ابهمي
ولارجعلي اولا عاد*****الاكبر او عمتي
ناحل صبح منهوك*****امن المرض جسمي
ماضنكم اتعودون ***** ياهلي يمي
يلي نسيتوني*****ماضن تشوفوني
مارد عليه اجواب*****يافركة الاحباب

صعبه اشكتر صعبه

بين الامل والياس*****هالذبل عمري
وبيدي احفرت للموت*****ياهلي كبري
انه اهجس الحسرات***** تنهش بصدري
ياهلي اوللمعبود*****سلمت امري
محد سمع صوتي*****لمن كرب موتي
بكليبي اشجم اصواب***** يافركة الاحباب

صعبه اشكتر صعبه

فكد الاهل غربه*****صعبه اشكتر صعبه
دلالي بالهم ذاب*****يافركة الاحباب

صعبه اشكتر صعبه

10-08-2008 03:01 PM
علي هادي

اسمع صوت من كبرك يناديني
رقيه وين يا زينب اخبريني

صاح احسين ايا زينب**** صارت وين ايا زينب

اسمع صوت من كتر الكبر يضهر
رقيه وين يازينب بنت حيدر
اسمع كل بناتي اتنوح تتحسر
بس هيه يزينب ما تناديني

يزينب ما تناديني عليها اشصار
احجيلي اشجره يوم الضعنكم صار
عزيزه كلبي عنها مالفتني اخبار
شنهو الحال يختي بينها وبيني

تكله والدمع يتسايل امن العين
رقيه بالغرب ماتت يخويه حسين
اعله راسك عالطشت تالي لفاها البين
حين الشافته ماتت يضي عيني

بخرابه الشام نزلونه العده البيها
وجابو بالطشت راسك يخليها
ولمن نضرته الطفله انغمه اعليها
وما ادري الدهر بعد اشيراويني

جانت تنشد وكلبي يضل حاير
واكلها والدج يرويحتي امسافر
يوميه اكلها ايعود الج باجر
من تسالني عنك خويه تاذيني

امن اخبرك خويه عن حالته اتالم
جسمها امن السياط ازرك غده اموسم
تصحيها السياط وبيها ماترحم
وبدمع النضر جانت تحاجيني




هالطفله ادفنتها خويه بارض الشام
واجيتك بالضعينه امحمله بالالام
بينه مادريت اشلعبت الضل
يخويه اكعد يخويه واسمع اونيني

انشد راسك يخبرك ماسينه
هو الشاف شنهو الي جره اعلينه
من رحنه لحد ما خويه ردينه
محد جان وياي اويباريني

يكلها والونين اتسمعه يتعاله
مصيبتها جوتني وصعبه هالحاله
كلبي من سمع كطعتي اوصاله
اعله كبري يختي اكعدي اليوم واسيني


اسمع صوت من كبرك يناديني
رقيه وين يازينب اخبريني

10-08-2008 02:59 PM
علي هادي

يخويه شهالمصيبه*****تعوفوني غريبه
حرمكم من يحميها*****تعوفوني غريبه

يبن امي اخطارالدرب*****خويه تهون اعليه
لاجن يخويه بكربلاء*****سولفلي عاليلفينه
سفرة فرح لوموزمنه*****لو ينذبح والينه
يخويه ومن يحامي*****على ايتامي وخيامي
خيمكم من يضل بيها*****تعوفوني غريبه

خويه الكفلني بكربلاء*****سالم يضل ونشوفه
لو تنكطع عالمشرعه*****ياخويه منه اجفوفه
ولمن يسيرون الضعن*****علترب عيني تشوفه
ونضل بعده غرايب*****ننخيه ما يجاوب
وحرمكم كون اسليها*****تعوفوني غريبه

جاسم يخويه زفته*****بالحومه انسويها
نعلك اشموع بحوفته*****وعروسته ايخليها
وجفونه من دم ركبته*****ياخويه نحنيها
وتهلها الصوارم*****وتضل نومه الهواشم
ورمله كون اباريها*****تعوفوني غريبه

يخويه عبد الله الطفل*****نحره بسهم يرمونه
وامه تصيح وتنتحب*****شذنبه ابني ويفطمونه
خالي يضل منه المهد*****غارت جنيني اعيونه
تهز مهده بديها*****ودمعها يضل حجيها
صعب اسمع بواجيها*****تعوفوني غريبه

وتكله ليله بها السفر*****هم تمشي خويه ويانه
خافن يخويه تنفجع***** تدري بعلي ولهانه
ماعدها بس هذا الولد*****خوفي تضل دوهانه
علي اكبر رميه *****براضي الغاضريه
تنوح ومن يواسيها***** تعوفوني غريبه




يكلها يزينب هودي*****هالامر واجب حتمي
خويه الشهاده قسمتي***** دين النبي كون احمي
راسي يروح اعله الرمح*****عالثره يبقى جسمي
كفيلي انتي واسيره ***** تحفضين المسيره
اتعاتب ويه واليها*****تعوفوني غريبه


يخويه شهالمصيبه***** تعوفوني غريبه
حرمكم من يحميها*****تعوفوني غريبه

10-08-2008 02:55 PM
علي هادي

انه المحسن مارحموني*****بالباب الوادي معصروني

يارب انه المحسن اسمي*****عصروني وانا بطن امي
مضلوم واشرحلك ضلمي*****ياذنب العندي وجتلوني

جتلوني اعليمن يارب*****شنهو اشجان اوياهم ذنبي
اجنين اوسنو ضلمي وحربي*****وامي الضلموها اوضلموني

هيست الباب الدفعوها*****اعليه اعله امي اتحشم حيدر
ما واحد يدركها او يحضر*****لادركوها اولا دركوني

اسمعها اتحشم يا فضه*****صدري انصاب الضالم رضه
واضهر حقده وضلمه وبغضه*****من حملي اتنادي سكطوني

اسمع من صاحت سنديني*****ايا فضه وليج اخذيني
طيحو من احشاي اجنيني*****وتنادي الكوم اتولوني

هيست النار اللي شبت*****والعدوان ابحين الهجمت
فد فزعه الحيدر من فزعت*****مطروح امخضب عافوني

يارب اولو ما عدواني ***** السبط الثالث اصبح اني
من ضلم الاول والثاني *****يارب همه الي وادوني

10-08-2008 02:53 PM
علي هادي
عليمن يهمل الدمعه ***** ضلعها انصاب لوضلعه
صوت الفاجعه ينادي ***** خل نسال من الهادي

ضلعها انصاب لوضلعه

املاك الجليل النقلت الاخبار ***** صدر ام الحسن من هشمه البسمار
ارتفع صوت العويل ابجنه الجبار ***** وكلها اتنوح ويه المصطفى المختار
واملاك السمه السبعه ***** تون واتنوح عالبضعه
ماندري شنو السادي ***** خل نسال امن الهادي
ضلعها انصاب لو ضلعه

صوت الفاجعه اينادي يصدى العبره ***** شنهو الصار يلهادي على الزهره
ضلعك لو ضلعها انصاب بالعصره ***** وخلف الباب ياهوالي انهشم صدره
ينوح او يلطم انسمعه ***** وكلها يمه مجتمعه
وهذا الصوت ضل جادي ***** خل نسال امن الهادي

ضلعها انصاب لو ضلعه

كبل ماغيب وصيت الخلل بيها ***** وكلت يا ناس ياذيني الي ياذيها
يمش الكوم بعدي هجمت اعليها ***** وضلعها انصاب خلف الباب تاليها
ابهذبج الهجمه والفزعه ***** صكط محسنها بالدفعه
نبت بسمار البغادي ***** خل نسال امن الهادي

ضلعها انصاب لو ضلعه

حرب ام الحسن ياهل خلك حربي ***** روحي البين جنبي ومهجتي وكلبي
من كسرو جنبها كسرو جنبي ***** عليها اعيوني ضلت عالدرب تربي
بكيت اتنطر الرجعه ***** فراك البضعه شيجرعه
وياها الليله ميعادي ***** خل نسال امن الهادي

ضلعها انصاب لوضلعه



الوديعه استرجعت بعد الهضم والهم ***** رجعت والضلع ينضر له ينزف دم
شبكها ونادتها صدري تره امهشم ***** وركن حيلي ابغيابك طاح
عفتني وحدي متلوعه ***** العمر بعدك شنو نفعه وتهدم
صبحنه كلمن ابوادي ***** خل نسال امن الهادي

ضلعها انصاب لو ضلعه

كعدن فاطمه بين الابو والامها ***** وكامت تشرح ابدمع الحزن همها
وخديجه ابلوعة الفركه تكلمها ***** والصدره رسول الله غده ايضمها
ابدمع كلمن شرح وضعه ***** وصدى الاهات مرتفعه
شنو من فاطمه البادي ***** خل نسال امن الهادي

ضلعها انصاب لو ضلعه

عفت حيدر وحيد ومنفجع كلبه ***** جليس الدار بعدك بويه وبغربه
عليه كلبي يلوب وفركته صعبه ***** الجيته ابجنة المعبود اتربه
الاطفالي بكه يرعه ***** يتامه او بعد متروعه
ضهدني افراك ويلادي ***** خل نسال امن الهادي

ضلعها انصاب لوضلعه

عليمن يهمل الدمعه ***** ضلعها انصاب لو ضلعه
صوت الفاجعه اينادي ***** خل نسال امن الهادي

ضلعها انصاب لو ضلعه







10-08-2008 02:47 PM
علي هادي

لتودعوني لتودعوني
مااحمل فركه تعوفوني

فراكك ياحسين بجويني ***** جمره وتسعر وتا ديني
يحسين اسمعني وحاجيني ***** شيصبرني من تودعوني

منهو الوصيه برضعانك ***** وياهو الكلفته ابنسوانك
باجر لو حركو صيوانك ***** وعيالك كامو ينخوني

بين امي وشيغمض عيني ***** عطشانه اطفاله وتنخيني
لو حركو خويه اصواويني ***** لاوين اتوجه دلوني

بعيوني اعيالك ارعاها ***** وبروحي اداري ايتاماها
يحسين وانحبب وياها ***** منهو ينشف دمع عيوني

بين امي وباجر لو شفتك ***** وبدمع عيوني لو غسلتك
ولو بيدي خويه ماعفتك ***** عنك بالكوه يمشوني

احلف يحسين بخوتنه ***** واقسم بالزهره الربتنا
بعدك خويه مااتهنا ***** ولا تتهنا بنوم اعيوني

لتودعوني لتودعوني
مااحمل فركه تعوفوني

10-08-2008 02:45 PM
علي هادي

عليله وداب دلالي ***** خلص بالاه والونه
ابويه احسين فاركني ***** خبر لليوم مامنه
اخذ وياه كل اهلي ***** كطع رجواي والضنه
اريد وياك تاخذني ***** ياريح الهاب وتعنه

على النسمات ياريح خليني واشوف الوين وليان دليني
ضعنهم شال وانا بهل حال ضعنهم شال وانا بهل حال
ازور احباب غياب عن عيني ياريح الهاب وياك وديني
سفرهم طال وانا بهل الحال سفرهم طال وانا بهل الحال
ازور احباب وياك وديني

مشو ضليت عد بيته ***** نضر مايوش اتلمع
ترك بالروح حسراتي ***** نصب بالعين دم يسفع

علل وهموم والليل واليني سعير الشوك لو هاد لاليني
هجر جثال وانا بهل حال هجر جثال وانا بهل حال
ياريح الهاب وياك وديني ازور احباب غياب عن عيني
سفرهم طال وانا بهل حال سفرهم طال وانا بهل حال
ازور احباب وياك وديني

ياريح الهاب احجيلي ***** وانا الحسرات تشغلني
نذر انطيك كل عمري ***** لون وياك تحملني
اصوم اعليك بارينا ***** ضعن وليان وصلني
ابويه احسين لوشفته ***** ياريح الهاب نزلني

تراني الضيم والبين عاميني مثل حسبات مليت تجريني
اش يضل عالبال وانا بهل حال اش يضل عالبال وانا بهل حال
ازور احباب غياب عن عيني ياريح الهاب وياك وديني
سفرهم طال وانا بهل حال سفرهم طال وانا بهل حال
ازور احباب وياك وديني

10-08-2008 02:43 PM
علي هادي
يا ابن امي وداعا وداعا يا ابن امي وداعا وداعا

لاتزل ايها الليل عني فاغدا يملا الدمع عيني
حيث يقطع راس الحسين ورؤوس الكرام طباعا

ايها الليل اقصدجناحا انا ملا اريد صباحا
فبصبحك ابدي النياحا وابراحي تزيد تساعا

أي عز لانافي الحياة ادهم فريق رمز الابات
ثم نغد اسار الطوغات يالها حسرات وقياعا

من عامل كون يجل الظلما من يميت الطوغات لللاما
من مين الظلم يوي اياما لو جدار اوداق تداعا

يا ابن امي وداعا وداعا يا ابن امي وداعا وداعا

10-08-2008 02:41 PM
علي هادي
أنه امك يابدر التام
أه يوليدى ياجسام

ناديتك بدموعي التجري ياجاسم يازهرة عُمري
يمحير دلالي وفكري مني اشلون يخطفك دهري
يل عفت أُمك بالالام أه يوليدي يا جسام


أعتب بدموعي المسفوحه بكليبي ولجات اجروحه
من يرحم دلالي او نوحه كبلك ريت انهَ المذبوحه
ولا انتاعله الغبرة اتنام اه يوليدي يا جسام


ياجاسم من يرحم حالي ومن يدري ابون دلالي
شبيدي وراح امنيدي الغالي انته اوليدي وانت الوالي
تخليني لظيم الايام اه يوليدي يا جسام


امك اني ويا بعد امك بهمومي احتاريت اوهمك
راح امشي وياهو يظل يمك عالغبرة اشلون اترك جسمك
تحديني اشلون ظلام اه يوليدي يا جسام


اكعد يلغائب من عيني اكعد باصرني وحاجيني
بهمومي اشلون اتخليني للموطن ياهو ايوديني
يا وسفه وعرسك مادام اه يوليدي يا جسام


من اعتب لا تلوموني دم لو سالت حكها عيوني
ما خابت وياك اضنوني انت الي وفيت اديوني
وانت الحققت احلامي اه يوليدي يا جسام


اصبح بالطف خالد عرسك العمك يلضحيت ابنفسك
للشبان اتوضع درسك نورت الافكار اب شمسك
وابجالك مرفوع الهم اه يوليدي يا جسام
10-08-2008 02:38 PM
علي هادي واذبيحاً غسلتهُ الماضيا ***** وا حُسيناه
واقتيلاً كفانتهُ الداريات ***** وا حُسيناه
واذبيحاً غسلته الداريات ***** وا حُسيناه
واقتيلاً كفانتهُ الداريات ***** وا حُسيناه

واصريعا الجسم والخد تريب ***** وا حُسيناه
واقطيعا النحر والشيب خطيب ***** وا حُسيناه
وكسير الصدر والجسم سليب ***** وا حُسيناه
واصريعاً سحقتهُ العاديات ***** وا حُسيناه

واسليماً كان من اهل العبا ***** وا حُسيناه
وا غريبً سادا امً وا ابا ***** وا حُسيناه
البس الاسلام عزً وايباً ***** وا حُسيناه
واساريباً مرملاً بالفالوات ***** وا حُسيناه


واخطيباً بالدماء فوق الصعيد ***** وا حُسيناه
وا وحيداً مات محزوز الوريد ***** وا حُسيناه
واشهيداً بابي أي شهيد ***** وا حُسيناه
ندبتُ مصرعةً شمس الحياة ***** وا حُسيناه


واقتيلاً جدهً الهادي الامين ***** وا حُسيناه
كان غوثاً للناس دنياً والدين ***** وا حُسيناه
فالنُنادي يالاثاراث الحسين ***** وا حُسيناه
ترتجز تار قتيل العبرات ***** وا حُسيناه

طالباً الترى غسيلً بالدماء ***** وا حُسيناه
ذوبت احشاءُ النار الضماء ***** وا حُسيناه
ما سؤال المرتجى يحمي الحماء ***** وا حُسيناه
يا مغيثاً الخلق يوم النكبات ***** وا حُسيناه
10-08-2008 02:33 PM
علي هادي لبيك يا حسين***لبيك يا حسين***لبيك يا حسين ***حسين حسين حسين

هة صرخة با سمك سيدى ارفعناها *** حسين حسين
وعهود عدنا وياك وفيناها *** حسين حسين
دم الجروح النازفة اكتبناها *** حسين حسين
لو ناشدونا عن اصل معناها *** حسين حسين
نخط كل مكين نخط كل مكين نخط كل مكين *** حسين حسين حسين

لبيك يا حسين***لبيك يا حسين***لبيك يا حسين ***حسين حسين حسين


تحت السيوف اعداك لو خلونا *** حسين حسين
النار يا ابن الهادى لو حر كونا *** حسين حسين
لو بالرياح العا تية يدرونا *** حسين حسين
لبيك نهتف خلهم يسمعونا *** حسين حسين
لو قطعو اليدين لو قطعو اليدين لو قطعو اليدين *** حسين حسين حسين

لبيك يا حسين***لبيك يا حسين***لبيك يا حسين ***حسين حسين حسين


لبيك صرخة من الكلب تتفجر *** حسين حسين
واللة عن دربك فلانتا خر *** حسين حسين
تتمنى بس اطلب يا وارث حيدر *** حسين حسين
داك الدى بحملاتة ضلل العسكر *** حسين حسين
كاليث فى حنين كاليث فى حنين كاليث فى حنين *** حسين حسين حسين

لبيك يا حسين***لبيك يا حسين***لبيك يا حسين ***حسين حسين حسين
10-08-2008 02:29 PM
علي هادي
واحسينا واحسينا واحسينا واحسينا
واحسينا واحسينا واحسينا واحسينا

شيعتي مهمه شربتم عذب ماء فاذكروني

تنذبوني صارخينا واحسينا واحسينا


اوسمعتم بقتيل او شهيد فانذبوني

قطعوا مني الوتينه واحسينا واحسينا


فانا السبط الذي من غيرجرم قتلوني

وبحق عارفينا واحسينا واحسينا


وبجود الخيل بعد القتل عمدا سحقونى

دون حام او معينا واحسينا واحسينا


ليتكم بيوم العاشر تنظروني

هكذا تنذبوني واحسينا واحسينا
هذا الموضوع يحتوي على أكثر من 20 رد . إضغط هنا لعرض كامل الموضوع.

قوانين المشاركة
لا بإمكانك إضافة موضوع جديد
بإمكانك إضافة مشاركات جديدة
لا بإمكانك إضافة مرفقات
لا بإمكانك تعديل مشاركاتك

كود [IMG] متاح
كود HTML غير متاح

جميع الأوقات بتوقيت بيروت. الساعة الآن » [ 04:22 AM ] .
 

تصميم وإستضافة الأنوار الخمسة © Anwar5.Net

E-mail : yahosein@yahosein.com - إتصل بنا - سجل الزوار

Powered by vBulletin