عرض مشاركة مفردة
قديم 10-08-2008, 03:25 PM
الصورة الرمزية لـ علي هادي
علي هادي علي هادي غير متصل
عضو نشط
 

رقم العضوية : 11396

تاريخ التّسجيل: Jun 2004

المشاركات: 657

آخر تواجد: 23-10-2015 07:12 PM

الجنس:

الإقامة:

اخاف من اعوفك بعد مااشوفك****اذا ماتجيني اقدر ضروفك

طويله رحلتي واخاف برجعتي
بعد ماشوفك

ياعباس اختك انا ولاتبارحني****جنت انت تمسيني وتصبحني
فركتك ذي التي وشوفك يفرحني****كلامي الشامت بفركاك يجرحني
ياريت الموت اخذ روحي ويريحني****واذا انساك الله لايسامحني
اخاف اشتكيلك واعذب دليلك****واريد بدموعي ابرد غليلك

تودعك دمعتي واخاف برجعتي
بعد مااشوفك

اودعك يابن ابويه ولليسر اطلع****واعوفك بدر غايب ابنور بالمصرع
مثل جسمك تودر كلبي وتكطع****كلامي وياك صارت ترجمه المدمع
اذا ارجع ياخويه اش راح اتوقع****اذا ارجع اشوفك بعد من ارجع
اباصر دليلي سفرتي ورحيلي****كلتله عجيبه افارك كفيلي

على فكدك حسرتي واخاف برجعتي
بعد مااشوفك

اصيحن واليموت اش ينفع الصايح****اسكتت ودموع جدول عن وجه سايح
غصب عني اعوفك والضعن رايح****بلا توديع اتركك عن نهر طايح
تعاتب لا تعاتب والعتب جارح****تودني واليود من شيمته يسامح
وعن نبره واحه يريد السماحه****تسير الضعينه ونينه ونياحه

تنشدك مهجتي واخاف برجعتي
بعد مااشوفك

انشدك لو مشيت بضاعني واتيسر****تكدر تنهض التشد الضعن تكدر
اذا بسياط اخصمك يضرب الخدار****تكدر تحمي وعلا وسايره بهل البر
اذا جتالك بمجلس شتم حيدر****تكدر تجي اهناك اتدافع واتحضر
اذا وكفونا بمجالس عدونا****حرم واحنه نسمع يشتمون ابونا



اش ينشف عبرتي واخاف برجعتي
بعد مااشوفك

اذا مسبيه من يمك رحت وامشيت****وعني ماكمت ياابا الفضل حاميت
اذا مجلس دخلتي وحايره ضليت****اذا حشمتك وللنخوه مالبيت
العذر مقبول منك خويه لو ماجيت****شلون اتكوم وانت بس جسد ضليت
يا جمرة حنيني يعذرك ونيني****عسه من نكطعك يساره ويميني

اش يرجع لهفتي واخاف برجعتي
بعد مااشوفك

اش خلت ساحت الطف خذت مني احيود****شاجي وياالنهر والسهم والعمود
فطر جبدي العطش من نار سهم الجود****اذا تسكن لحد اسكن ياخويه الحوم
للطف يابن ابويه ضعن مني ايعود****اخافن مااشوفك لو رجعتي اردود
يطول غيابي واجيك بمصابي****اذا ما لكيتك تزيد عذابي

تهيج جمرتي واخاف برجعتي
بعد مااشوفك

اخاف من اعوفك بعد مااشوفك****اذا ماتجيني اقدر ضروفك
طويله رحلتي واخاف برجعتي
بعد مااشوفك

التوقيع :
اللهم صل على محمد و ال محمد
*************************************************
النفسُ تبكي على الدنيا وقد علمت *** أن السعادة فيها ترك ما فيها
لا دارٌ للمرءِ بعد الموت يسكُنهـا *** إلا التي كانَ قبل الموتِ بانيها
فإن بناها بخير طاب مسكنُـه *** وإن بناها بشر خاب بانيها
************************************************** *******
المحبة هي التي تبعث الألوان للزهور..
وتغمر الكون روعه وعطاء..
إذا كانت محبة لا يشوبها الفسق والمجون ولا الحرام ..
من عالم المحبة ارسم الحياه جميله وعشها..
وهذه المحبه التي تعيش بقلبك..
ابعثها نسائم باردة للقلوب النقية
*************************************************
ليس من الصعب أن تضحي من أجل صديق .. ولكن من الصعب أن تجد الصديق
الذي يستحق التضحية

الرد مع إقتباس