منتديات يا حسين .. الصفحة الرئيسية
منتديات يا حسين .. الصفحة الرئيسية
موقع يا حسين  
موقع يا حسين
الصفحة الرئيسية لموقع يا حسين   قسم الفيديو في موقع يا حسين   قسم القرآن الكريم (تسجيلات صوتية) في موقع يا حسين   قسم اللطميات (تسجيلات صوتية) في موقع يا حسين   قسم مجالس العزاء (تسجيلات صوتية) في موقع يا حسين   قسم الأدعية والزيارات (تسجيلات صوتية) في موقع يا حسين   قسم المدائح الإسلامية (تسجيلات صوتية) في موقع يا حسين   قسم البرامج الشيعية القابلة للتحميل في موقع يا حسين
العودة   منتديات يا حسين > المنتديات العلمية والأدبية > الأدب والشعر > منتدى القصص والحكايات
اسم المستخدم
كلمة المرور
التّسجيل الأسئلة الشائعة قائمة الأعضاء التقويم البحث مواضيع اليوم جعل جميع المنتديات مقروءة

المشاركة في الموضوع
 
خيارات الموضوع بحث في هذا الموضوع طريقة العرض
قديم 02-07-2006, 02:13 PM
الصورة الرمزية لـ عاشقة اهل العترة
عاشقة اهل العترة عاشقة اهل العترة غير متصل
عضو نشط وفعّال
 

رقم العضوية : 18897

تاريخ التّسجيل: Jun 2005

المشاركات: 10,749

آخر تواجد: 04-07-2013 09:18 PM

الجنس: أنثى

الإقامة: بين بسمة الثغر و حزن النظر

و هذا الجزء (6)

عشوقة : بس عاد ذبحتوني ههههههههه

المخلصه ( عيونها تلمع من الفرحة ) : فديت روحج خيوو نورتي البيت و الله

سوسا : كنا خايفين عليج وايد ,,,, الحمد لله على كل حال

لمعت عيونها بالدموع ,,, تحس بأنها ساذجة و غبية ,, لأنها ما قدرت النعمة اللي اهي فيها

ظلت منزلة راسها تحاول تخبي الدموع اللي نزلت حارة و بللت ويها ,,,

بنوتة انتبهت لها : لا اله الا الله ,, البنية توها يايه و حصلت كل هالدلع و الله حالة لا و القهر آخر العنقود بعد

و احنا يعني خلاص صرنا طوفة هبيطة ؟ ههههههههههه

عشوقة : لا انتي الكل بالكل حبيبتي ,,, و بعدين صدق اللي تقوله لا تخلوني اصدق عمري وايد ههههه

سوسا : صدقي صدقي ,,, مو كل يوم عيد هههههه

عشوقة : ههههههههه

الام ليلى : حسبي الله على بليسكم خليتوني انسى اقول لاختكم عن ......

عشوقة : عن شنو يمــــــه ؟

الام ليلى : بنسافر هالسنة

عشوقة : صج و الله ؟

الام ليلى : ههههههههههه اي

عشوقة : وين بنروح ,,, لا يكون بتودونا هاواي هههههههههه

بنوتة : ما يضحك ها ها ها

المخلصه : ههههههههههه الحمد لله على نعمة العقل

الوالد محمد : عشوقة بنروح نيويورك

عشوقة : ونـــــــــــــــاسة ابي اروح السنترال بارك

بنوتة : اي حتى انا قلت جذي ,,, فديتج تقرين افكاري صدق ساحرة

عشوقة : ماما انا بروح اريح شوي تعبانة اوكي ؟

الام ليلى : ما عليه روحي بس لا تشغلين المكيف لا تزيد الحرارة

عشوقة : انشاء الله

المخلصه : خليتوني ابجي وايد ,,, احس بالكسل و الخمول الحين

سوسا : اي و الله حتى انا

الوالد محمد : اصلاً مبين شوفو روحكم ,,, هههههههه العيون متورمة الويه متنفخ

الكشه طايرة ههههههههه

بنوتة : يلا عاد بابا لا تقول جذي

الوالد محمد : ههههههههههه مادري عنكم فاتحين عزا ,, في البيت

المخلصه : هههههه انزين سمعوا انا في خاطري العب كرة قدم من يبي يلعب ؟

بنوتة : اكيد انا و سوسا بس ,, عشوقة لو تلعب ويانا احسن لان الحركة يمكن تخليها تشفى اسرع

المخلصه : اي ,,, اصلا اهي تحب تلعب كرة القدم تموت عليها بروح اشوفها

بنوتة : اوكي

المخلصه تطق باب الغرفة ( غرفة عشوقة )

عشوقة : ادخل

المخلصه بابتسامة >>> ابتسامة كريست تسوي دعاية حق المعجون خخخخخ

المخلصه : بنلعب كرة قدم ,,, فكرت فيج على طول اعرفج تحبين تلعبينها وايد

عشوقة بابتسامة اكبر : بلعب وياكم ,, بس بابا بيلعب ويانا ؟

المخلصه : مادري عنه بس اذا شافاج ويانا اكيد بيتشجع و بيلعب

عشوقة : هههههههه اخاف حتى امي تلعب هههههههههه

المخلصه : ههههههه الله يغربل بليسج ,,

نهاية الجزء (6)

شبصير في المباراة ؟ هل من الممكن تتعرض عشوقة لنكسة صحية شديدة مرة وحدة ؟

فطوووم بوافقون اهلها على السفر الى نيويورك ؟

منو الشخصية الجديدة اللي بتطلع في القصة ؟

شاللي بخلي القصة تتغير 180 درجة ؟

هل من الممكن تتبدل حياة عشوقة بهالسرعة ؟

هل بيتأجل السفر بسبب مرض عشوقة ؟

توقعاتكم لا تنسون تكتبونها هذا شي مهم بالنسبة لي ,,,

ترقبـــــــــــــــــــــــــــــــــــــــــوا الجزء (7) قريباً

التوقيع : كلــما رحــلتُ أعود لأسكــن هنا .. ! ...
...
هل هناك .. سمــاء ثامنة تلفظني .. ؟
و تكتبني بيــن الغيوم .. ؟ !
..
.. هــل نموتُ .. فــي تشرين الأمل ؟








الرد مع إقتباس
قديم 03-07-2006, 12:10 AM
المخلصه للعترة المخلصه للعترة غير متصل
عضو نشط وفعّال
 

رقم العضوية : 14178

تاريخ التّسجيل: Dec 2004

المشاركات: 4,884

آخر تواجد: 01-03-2014 10:48 PM

الجنس:

الإقامة: مملكة الله

بسم الله الرحمن الرحيم

اللهم صل على محمد وآل محمد الطيبين الطاهرين

داام القصة فيها لعب رياضة ولا كرة قدم حلووو

عشووقة بترتااح ما بيصيدها شيء في اللعب

فطووم أهلها بووافقوون على انها تساافر معااهم

عشووقة أحسها بتكون افضل لما تساافر

تحياتي الخيالية

التوقيع :
رحم الله من قرأ سورة الفاتحة إلى روح خادم الإمام الحسين (ع) سيد جعفر الموسوي و أرواح المؤمنين و المؤمناات
أصبحت مستشفى الإسلام يا وادي كربله
والطبيب الحـــــاذق حسين بن عقد الولــه
الطبيب اللي يداوي الناس لو عارض عرض
لابد يسأل عن علتي ولازم يجــس النبـــض
تربة حسين أبو اليمة مرهم إلكـــل مــرض
والدواء مجــــانه عنــده إليقـــصده إلـــه

الرد مع إقتباس
قديم 03-07-2006, 11:08 AM
الصورة الرمزية لـ عاشقة اهل العترة
عاشقة اهل العترة عاشقة اهل العترة غير متصل
عضو نشط وفعّال
 

رقم العضوية : 18897

تاريخ التّسجيل: Jun 2005

المشاركات: 10,749

آخر تواجد: 04-07-2013 09:18 PM

الجنس: أنثى

الإقامة: بين بسمة الثغر و حزن النظر

هههههههههههه انشاء الله تكون توقعاتج صحيحة

الجزء السابع بعد شوي

تحاياي السكرية

التوقيع : كلــما رحــلتُ أعود لأسكــن هنا .. ! ...
...
هل هناك .. سمــاء ثامنة تلفظني .. ؟
و تكتبني بيــن الغيوم .. ؟ !
..
.. هــل نموتُ .. فــي تشرين الأمل ؟








الرد مع إقتباس
قديم 03-07-2006, 11:45 AM
الصورة الرمزية لـ عاشقة اهل العترة
عاشقة اهل العترة عاشقة اهل العترة غير متصل
عضو نشط وفعّال
 

رقم العضوية : 18897

تاريخ التّسجيل: Jun 2005

المشاركات: 10,749

آخر تواجد: 04-07-2013 09:18 PM

الجنس: أنثى

الإقامة: بين بسمة الثغر و حزن النظر

عشوقة تركض ويه المخلصه يتسابقون على الدرج ههههه ,,, بس المخلصه عاد

من يتحداها ماشاء الله ,,, قدرت تغلب عشوقة في ثواني ,, أصلاً حتى مرض عشوقة ما كان

يساعد what ever ,,,,,

عشوقة و هي تتنفس بسرعة تملأ رئتها المكبوتة بالهواء : يوبا ؟

الوالد محمد : همممم ؟

عشوقة بمرح كبير : يوبا ,,, تلعب ويانا كرة قدم ؟

الوالد محمد يضحك عليها و على النشاط الزائد اللي فيها : هههههههه اوكي يلا

عشوقة تبتسم : اوكي يعني تقدر تقنع امي تلعب ويانا

الوالد محمد : ههههههههه امج مادري عنها و الله من زمان ما لعبنا بروح اشوفها

عشوقة : لا لا خلك انا بروح

الوالد محمد : عيل لحقينا احنا في الحديقة اوكي ؟

عشوقة : صار ,,,

عشوقة : يمــــــــــه ؟

الام ليلى : انا في المطبخ ( كانت تشرب ماي )

عشوقة : قومي بنلعب كرة قدم كلنا

الام ليلى : لا مافيني اتكسر او يصيدني شي ,,, بعدين انا عيزت كبرت على هالسوالف

عشوقة و هي تاشر على امها و تضحك بشكل مو طبيعي >>> لا تلومونها مستخفة ههه

عشوقة : ههههههههههه طاع هذي يمه توج شباب ما خطرتي ال 30 تقولين عيوز هههه

اكيد من بناتج مشيبينج و مطلعين لج قرون هههههههههههههه

الام ليلى : روحي لا الحين افلعج بالغلاص

عشوقة و هي تروح صوبها : افا الحلو زعل ؟

الام ليلى تتغلى >>> نذالة هههه : مو شغلج روحي لعبي فكيني من هالصدعة

عشوقة : يلا عاد يمه كنت امزح

الام ليلى : مادري عنج شوفي شتقولين

عشوقة : يلا عاد يمــــــــــــــــــــــــــــــــــه لا تسوين جذي

الام ليلى : انزين ابوج بيلعب

عشوقة : اكيد بيلعب ,,,

الام ليلى : عيل امشي ,,,

عشوقة الشريرة غمزت لها : ههههههههههههه صدقت عاد انج يايه تلعبين عشان سواد عيوني ,,,

قولي لان ما تقدرين على فراق الحبيب

لحقت وراها امها ,,, شوي الا عشوقة تدعم في الطوف ,,,

عشوقة : آآآآآآآآآآآآآآآآآآآآآآآآي يعور

الام ليلى : هههههههههههههههه زين عشان تتادبين ,, لسانج يبي له قص

عشوقة : حرااااااااااااااام انا ما قلت الا الحقيقة و الواقع

الام ليلى : و اللي يعافيج يا ام الحقيقة و الواقع طوفي جدامي اشوف ,,, اكيد ينتظرونا الحين

راحو الحديقة الا بنوتة تصارخ : هلموا اخواتي لنكسر رؤوسهم هههههه

عشوقة : لحظة لحظة ,, اول فريق فريقنا انا و بابا ويه امي في فريق

انتي و سوسا و المخلصه في فريق

بنوتة : انزين الا اهو يلا بنبتدي ,,,

سوسا : لااااا لحظة

بنوتة : شنو بعد ؟

سوسا : لازم فيه جائزة بدل الكأس

المخلصه : اي و الله ,,, صح اذا فاز فريقنا فريقكم بنفذ كل اللي نطلبه منه

و اذا فاز فريقكم احنا نفذ كل اللي تبونه ,,,

بنوتة : give me 5 sis

ههههههههههههه و الله حالة

و بدا اللعب

سوسا تشوت الكرة على المخلصه لكن الوالد قطعها >>>> يا عيني ماقدر انا ههههه

و يتقدم بسرعة و يعطي عشوقة الكرة و ذيك الهبلى تناقز كانها مينونة >> لا حول الله هههههههه

و تسجل غوووووووووووووول ,,,

عشوقة : yahoooooooooooooooooooooooo give me 5 dady

بنوتة عصبت و اخذت الكرة بسرعة عطت المخلصه و ذلاك العباقرة مستانسين بالغول >> ما يدرون بالدنيا

و تسجل المخلصه غوووووووول

بنوتة :

و تم الحال جذي آخر شي فازو فريق المخلصه ,,,,,,,,, هارد لك عشوقة

دخلوا داخل البيت

و الثلاثي المرح ( سوسا - المخلصه - بنوتة ) وحدة تطبل وحدة تغني وحدة تناقز >>>> ههههههههههه

المخلصه : ياهووووووووووو ماصدق ان احنا فزنا و الله

سوسا : ههههههههههههه اي كنا نستحق الفوز ضلوعي كلها تعورني

بنوتة تطالع عشوقة المنقهرة : ههههههههههه

كل واحد راح يسبح بعدين نزلوا ,,,,,,

المخلصه : يوبا ؟

الوالد محمد : همممم ؟

المخلصه : اتصلت في بيت خالي ؟

الوالد محمد : لا الحين بتصل فيهم

المخلصه : اي يوبا عفية ,,,,,

الوالد محمد : محد يشيل التلفون ,,, بطرش حق خالج مسج بنروح لهم في الليل

المخلصه : صج و الله ؟

الوالد محمد : هههههههه اي

المخلصه : بروح اقول لهم ,,,,

المخلصه طقت الباب و دخلت كانوا سوسا و بنوتة قاعدين يسولفون ,,,,

سوسا : بسم الله شلون طفرتي جذي ؟

المخلصه : هههههههههه بعد ,,, اقولكم ؟

سوسا : شنو ؟

المخلصه : بنروح بيت خالي تجهزوا

سوسا : يااااااااااااااي وناسة و الله

بنوتة : تعالوا انتو لا تنسون الجائزة مالت المباراة تشرطو على كيف كيفكم

سوسا : اي و الله ,,, انا نسيت السالفة بالمرة

هل من الممكن تتعرض عشوقة لنكسة صحية شديدة مرة وحدة ؟

فطوووم بوافقون اهلها على السفر الى نيويورك ؟

منو الشخصية الجديدة اللي بتطلع في القصة ؟

شاللي بخلي القصة تتغير 180 درجة ؟

هل من الممكن تتبدل حياة عشوقة بهالسرعة ؟

هل بيتأجل السفر بسبب مرض عشوقة ؟

توقعاتكم لا تنسون تكتبونها هذا شي مهم بالنسبة لي ,,,

ترقبـــــــــــــــــــــــــــــــــــــــــوا الجزء (8) قريباً جداً

التوقيع : كلــما رحــلتُ أعود لأسكــن هنا .. ! ...
...
هل هناك .. سمــاء ثامنة تلفظني .. ؟
و تكتبني بيــن الغيوم .. ؟ !
..
.. هــل نموتُ .. فــي تشرين الأمل ؟








الرد مع إقتباس
قديم 03-07-2006, 12:03 PM
الصورة الرمزية لـ عاشقة اهل العترة
عاشقة اهل العترة عاشقة اهل العترة غير متصل
عضو نشط وفعّال
 

رقم العضوية : 18897

تاريخ التّسجيل: Jun 2005

المشاركات: 10,749

آخر تواجد: 04-07-2013 09:18 PM

الجنس: أنثى

الإقامة: بين بسمة الثغر و حزن النظر

تكملة الجزء (7) بعد شوي

تحاياي السكرية

التوقيع : كلــما رحــلتُ أعود لأسكــن هنا .. ! ...
...
هل هناك .. سمــاء ثامنة تلفظني .. ؟
و تكتبني بيــن الغيوم .. ؟ !
..
.. هــل نموتُ .. فــي تشرين الأمل ؟








الرد مع إقتباس
قديم 03-07-2006, 12:41 PM
الصورة الرمزية لـ عاشقة اهل العترة
عاشقة اهل العترة عاشقة اهل العترة غير متصل
عضو نشط وفعّال
 

رقم العضوية : 18897

تاريخ التّسجيل: Jun 2005

المشاركات: 10,749

آخر تواجد: 04-07-2013 09:18 PM

الجنس: أنثى

الإقامة: بين بسمة الثغر و حزن النظر

تكملة الجزء (7)

راح كل واحد يتجهز ,,, اما عشوقة ما تدري بشي راحت بس تسبح حست بنشاط غريب

و حيوية ,,, كانها شخص ثاني ,,,, يمكن من اللعب ,,,,

كانت تحس بشوية تعب بس قالت ما بتنام لا تزيد الحرارة ,,,,

دخلت عليها سوسا

سوسا : عشوووقة بنروح بيت خالي

عشوقة : الحين ؟

سوسا : اي

عشوقة : اوكي يلا

بعد ما تجهزوا كلهم ركبوا السيارة و انطلقوا لبيت خالهم ,,,,

اهناك الجو عندهم ممل وايد ,,,,

فطوم قاعدة ويه اخوها لجنة الاستقبال يطالعون التلفزيون

فطوم : اففففف ملل حده

لجنة الاستقبال : ادري تخبريني يعني ؟

فطوم : تدري وين امي ؟

لجنة الاستقبال : لا مادري

فطوم : اصلا انت عن شنو تدري و لا شي

لجنة الاستقبال : تدرين شنو في خاطري ؟

فطوم : شنو ؟

لجنة الاستقبال : نسافر ,,, ذيك السنة الوحيدة اللي ما سافرنا فيها لازم نسافر هالسنة

انا ما اتحمل جذي صراحة

فطوم : آآآآآه يا ليت و الله ,,, تعال انت وين اخوك اكيد ويه ربعه هنيا له 24 ساعة برى البيت

مو احنه الحمد لله و الشكر

بدخلة اخوهم الكوثر

الكوثر : كاني سمعت احد يطريني ؟

فطوم : لا اله الا الله حشى مو اذن هذي ,, مكبر صوت

الكوثر : ها ها ها ارجوج ما اتحمل بموت من الضحك انا بطني يعورني >>> ههههههههههههههه

عطته نظرة و لفت ويهها تطالع التلفزيون ,,,,

بعرفكم شوي ببيت الخال

الخال علي و زوجته اسمها مريم

عندهم اولاد ثنين الكوثر اكبر واحد و لجنة الاستقبال هذا اصغر من فطوم

و بنت وحدة تعرفونها فطوم

شوي الا يطق الجرس ,,,,

الكوثر : فطوووم روحي شوفي الباب بليـــــــــز

فطوم : اففف ما فيني شدة

الكوثر : عرفت شفيج اكيد فيج ضمة

فطوم : هيهيهي عن يا زعم ينكت بروح اشوف الباب احسن لي

فطوم : منو ؟

الام ليلى : انا عمتج ليلى

فطوم : لحظة

راحت تلبس لها شيلة عن زوج عمتها

و بطلت الباب : هلا هلا عمتي ,,, حياكم تفضلوا

الام ليلى : زاد الله فضلج ,,

البنات شافوا فطوم كل وحدة تحضنها ,,, عشوقة تحس بالحرارة تزيد و الآلام رجعت مرة وحدة

بس ما قالت شي عشان لا يحاتونها >>> ما تستاهل مسكينة

العمة ليلى : اخباركم شباب ؟

الكوثر : الحمد لله بخير عمتي انتوا اخباركم بعد شمسوين ؟

العمة ليلى بابتسامة : نحمد الله

فطوم : بروح اشوف امي عن اذنكم

العمة ليلى : اذنج معاج بنيتي

فطوم : يمـــــــــه ؟

الام مريم : شفيج تصارخين ؟

فطوم : لا بس ابي اقولج ان بيت عمتي عندنا بالبيت

الام مريم : حياهم الله ,, الحين يايه لهم

فطوم نزلت : الحين يايه

العمة ليلى : انزين وينه ابوج ؟

فطوم : مادري عنه الحين بيي

بدخلة الخال : السلام عليكم

العمة ليلى : و عليكم السلام اخبارك اخوي ؟

الخال علي : الحمد لله بخير اسال عنج

العمة : سالت عنك العافية

فطوم : بنات تعالوا بنروح فوق غرفتي

المخلصه : اوكي يلا

عشوقة ما قدرت تقوم فضلت تقعد صوب امها

الخال علي : علامج عشوقة ؟ شكلج مو طبيعي

عشوقة : ممما كو شي خالي شوي صخونة ,,,

الخال علي : الله يعطيج الصحة و العافية

عشوقة : وياك الغالي

الوالد محمد : اممم علي ابي اقولك ليش احنا يايين ,,, هالسنة بنسافر ويه البنات

الخال علي : ماشاء الله على وين انشاء الله ؟

الوالد محمد : نيويورك ,,, بس البنات يبون بنت خالهم وياهم ,,,,

الخال علي : ما عندي مانع بس انا اقول نسافر كلنا احسن يعني احنا وياكمــ لان الشباب

قالوا يبون يسافرون هالسنة بعد ,,,

الوالد محمد : خلاص بنحجز لنا كلنا عيل ,,

الخال علي : توكلنا على الله

فوق عند البنات وحدة قاعدة على النت ( سوسا ) و وحدة تقرا قصة حق اغاثا كريستي ( بنوتة )

و ثنتين يلعبون سوني ( بلاي ستيشن ) و هم يسولفون ( المخلصه و فطوم )

فطوم : اقول المخلصه ؟

المخلصه : هلا ,,, آمري تدللي ,,,

فطوم : ما يآمر عليج عدو بس انا لاحظت ان عشوقة مو طبيعية ,,, علامها .؟

المخلصه : مريضة شوي

فطوم : اسم الله عليها شفيها ؟

المخلصه : صخونة شوي ,,,

فطوم : سلامات ما تشوف شر ,,

المخلصه : الشر ما اييج انشاء الله

* شاللي بخلي القصة تتغير 180 درجة ؟

هل من الممكن تتبدل حياة عشوقة ؟

هل من الممكن تطلع شخصيات اكثر في القصة ؟

توقعـــــــــــــــــــــــــــــــــاتكم مهمة بالنسبة لي لا تنسون تكتبونها ,,,,,

ترقبـــــــــــــــــــــــــوا الجزء (8) قريباً جداً ,,,

تحاياي السكرية

التوقيع : كلــما رحــلتُ أعود لأسكــن هنا .. ! ...
...
هل هناك .. سمــاء ثامنة تلفظني .. ؟
و تكتبني بيــن الغيوم .. ؟ !
..
.. هــل نموتُ .. فــي تشرين الأمل ؟








الرد مع إقتباس
قديم 03-07-2006, 08:54 PM
الــكــوثـــر الــكــوثـــر غير متصل
عضو نشط وفعّال
 

رقم العضوية : 19879

تاريخ التّسجيل: Jul 2005

المشاركات: 2,740

آخر تواجد: 15-06-2007 06:28 PM

الجنس: ذكر

الإقامة: الــكــويــت

تسجيل متابعه


الله يعطيج العافيه أختي عاشقة اهل العترة


بإنتظار الجزء الثامن


تحياتي ،،


الكوثر

التوقيع :
من كان أبصر دهراً ورأى عجبا ... فإني عشت دهراً لا أرى عجبــا
النـــاسُ كالناس والأيامُ واحــدةٌ ... والدهرُ كالدهر والدنيا لمن غلبا

الرد مع إقتباس
قديم 04-07-2006, 03:50 PM
المخلصه للعترة المخلصه للعترة غير متصل
عضو نشط وفعّال
 

رقم العضوية : 14178

تاريخ التّسجيل: Dec 2004

المشاركات: 4,884

آخر تواجد: 01-03-2014 10:48 PM

الجنس:

الإقامة: مملكة الله

بسم الله الرحمن الرحيم

اللهم صل على محمد وآل محمد الطيبين الطاهرين

فديتج عشووقة

قلت يمكن الصديق الخياالي الكوثر طلع ولد خالنا

اتوقع بتطلع شخصيات أكثر

فيني فضوول منو الصديق الخيالي

اتووقع ما بيتأجل السفر و بتتحسن صحة عشووقة بالسفر وبتتشاافى تماماً

تحياتي الخيالية

التوقيع :
رحم الله من قرأ سورة الفاتحة إلى روح خادم الإمام الحسين (ع) سيد جعفر الموسوي و أرواح المؤمنين و المؤمناات
أصبحت مستشفى الإسلام يا وادي كربله
والطبيب الحـــــاذق حسين بن عقد الولــه
الطبيب اللي يداوي الناس لو عارض عرض
لابد يسأل عن علتي ولازم يجــس النبـــض
تربة حسين أبو اليمة مرهم إلكـــل مــرض
والدواء مجــــانه عنــده إليقـــصده إلـــه

الرد مع إقتباس
قديم 04-07-2006, 04:07 PM
الصورة الرمزية لـ soosaa
soosaa soosaa غير متصل
عضو نشط وفعّال
 

رقم العضوية : 13160

تاريخ التّسجيل: Nov 2004

المشاركات: 10,382

آخر تواجد: 31-05-2016 09:45 AM

الجنس: أنثى

الإقامة: الكويت

ههههههه

يحليلج يا عشوقة ... أحداث مشوقة

أتوقع .. الأم راح تموت .. وتتغير أحداث القصة 180 درجة .. وما يسافرون
<< قامت تفاول عليهم

وراح تتبدل حياة عشوقة للأفضل لأن أمها ماتت .. وتصير خوش بنية وعلى طول تضحك ..
وتلعب ويا خواتها ..


وراح تطلع شخصيات يديدة .. لأن الأبو راح يتزوج وحدة ثانية .. ونبع الكوثر اهيه الزوجة اليديدة

التوقيع :

أسْدَلَ اللّيْلُ سِتآرَالألَمِ ... وكسَآ القَلْبَ بِجَمْرِ الظّلَمِ
قَدْ جَفآ النّوْمُ عُيوْنِي وَالفُؤآدْ سآهِرآً يَرقَبُ ضَوْءَ الأنْجُمِ
قَدْ وَجّدْتُ بِالسّمآءِ الذّكْرَيآتْ .. خِلْتُ أنّي فِي لَيآلِي القَدَمِ
وانْتَبَهْتُ والدّمُوعُ جآرِيآتْ .. إنّنِي أحيآ بِدُنْيآ العَدَمِ !!




الرد مع إقتباس
قديم 04-07-2006, 04:10 PM
المخلصه للعترة المخلصه للعترة غير متصل
عضو نشط وفعّال
 

رقم العضوية : 14178

تاريخ التّسجيل: Dec 2004

المشاركات: 4,884

آخر تواجد: 01-03-2014 10:48 PM

الجنس:

الإقامة: مملكة الله

هههههههه

شنو هالكلااام سوسا هههههههه


جذي إلا بتزيد حالة عشووقة

ننتظر جديد عشووقة

التوقيع :
رحم الله من قرأ سورة الفاتحة إلى روح خادم الإمام الحسين (ع) سيد جعفر الموسوي و أرواح المؤمنين و المؤمناات
أصبحت مستشفى الإسلام يا وادي كربله
والطبيب الحـــــاذق حسين بن عقد الولــه
الطبيب اللي يداوي الناس لو عارض عرض
لابد يسأل عن علتي ولازم يجــس النبـــض
تربة حسين أبو اليمة مرهم إلكـــل مــرض
والدواء مجــــانه عنــده إليقـــصده إلـــه

الرد مع إقتباس
قديم 05-07-2006, 08:30 PM
الصورة الرمزية لـ عاشقة اهل العترة
عاشقة اهل العترة عاشقة اهل العترة غير متصل
عضو نشط وفعّال
 

رقم العضوية : 18897

تاريخ التّسجيل: Jun 2005

المشاركات: 10,749

آخر تواجد: 04-07-2013 09:18 PM

الجنس: أنثى

الإقامة: بين بسمة الثغر و حزن النظر

مساء الخير ,, أخباركم ؟ شمسوين ؟

ونااااااااااااااسة فيه ردود جديدة ,,,

الكوثر : الحمد لله عجبتك القصة يعني ,,,

المخلصه : و فديت اللي تفداني انشاء الله تكون توقعاتج صحيحة مشكورة الغلا على المرور

سوسا : ههههههههههههههههه لا وين راح بالج بعيد وايد عالعموم اتمنى تكون توقعاتج صحيحة

مسامحة عالتأخير بس كان فيه خلل في النت و الحين الحمد لله اوكي عشان جذي

انتظروا الجزء ( 8 ) بعد شوي و مشكورين عالمرور جميعاً

تحاياي السكرية

التوقيع : كلــما رحــلتُ أعود لأسكــن هنا .. ! ...
...
هل هناك .. سمــاء ثامنة تلفظني .. ؟
و تكتبني بيــن الغيوم .. ؟ !
..
.. هــل نموتُ .. فــي تشرين الأمل ؟








الرد مع إقتباس
قديم 05-07-2006, 09:02 PM
الصورة الرمزية لـ عاشقة اهل العترة
عاشقة اهل العترة عاشقة اهل العترة غير متصل
عضو نشط وفعّال
 

رقم العضوية : 18897

تاريخ التّسجيل: Jun 2005

المشاركات: 10,749

آخر تواجد: 04-07-2013 09:18 PM

الجنس: أنثى

الإقامة: بين بسمة الثغر و حزن النظر

الجزء ( 8 ) و مسامحة عالتأخير

محمد الوالد : عشوقة ,, روحي شوفي خواتج بنمشي الحين

الخال علي : لا وين ؟ تو الناس تعشوا ويانا عالأقل

محمد الوالد : اسمحلنا عاد الخال ,,, بس مضطرين نمشي الحين ,, مرة ثانية انشاء الله

الخال علي : مسموح ,,, و حياكمـــ الله في أي وقت تشرفونا و الله

راحت فوق غرفة فطوم طقت الباب و دخلت

و بهمس جميل : بنوتة ,, سوسا ,, المخلصه ,, يلا بنمشي الحين

سوسا + المخلصه + بنوتة : يلا

و كل وحدة راحت تسلم على بنت خالها ,,,

فطوم : لا تقطعونا عاد

المخلصه : فالج طيب كل يوم طايحين عندكم شتبين بعد ؟ ههههههههههههه

فطوم : ما ابي الا سلامتج ,,,

نزلوا و سلموا على خالهم و زوجته و طلعوا ,,,

في السيارة

المخلصه تصاصر سوسا و بنوتة في اذونهم ,,,

مرة وحدة ,,, المخلصه : يوبا ؟

يوبا : همممم ؟

المخلصه : نبي نروج جسميز بعد اذنك يعني لا تنسى الجائزة مالت المباراة ,,,,

التم ليلى : لا اله الا الله ,,, و انا فكرت نسوا السالفة

الوالد محمد : ههههههههههههه ضحكتيني هذيلا ما ينسون شي فيه مصلحتهم يلا بنروح

جسميز ,, شنسوي بعد حكم القوي على الضعيف

بنوتة : يااااااااااااااهو

عشوقة مسندة راسها على الدريشة تطالع الشارع ,,, قاعدة تفكر في هاللحظات اللي قضتها مع اهلها

كانت وايد مستانسة و دليل هذا الشيء ان دانيال ما رجع ,,, يعني نفسيتها بدت تتحسن ,, الحمد لله

تذكرت السفرة الى نيويورك مستانسة وايد على هالشيء من زمان كان في خاطرها تروح نيويورك

و تشوف السنترال بارك ,,, لأن وايد يتكلمون عنه ,,, و تبي تشوف اشياء وايد بعد ,,,

وقفوا عند جسميز ,, الوالد نزل من السيارة يطلب لهم ,,,,,

سوسا لعشوقة : شفيج سرحانة جذي ؟

عشوقة بابتسامة : لا بس كنت أفكر في السفرة ,,, أحس بكون وناسة ,,,

سوسا : اي حتى أنا اقول جذي ابي اغمض عيوني و افتحها مرة ثانية الاقي روحي

في نيويورك لان تلوع جبدي من الطائرة ,,,

عشوقة قعدت تتذكر سفرهم الى لندن يوم كانت صف اول متوسط ( اعدادي ) شلون كان شكل

سوسا في الطائرة و فطست من الضحك : هههههههههههههههههههه اتذكر ذيك المرة

يوم نسافر لندن قبل لا تقلع الطائرة مغمضة عيونج بخوف تقرين على عمرج هههههههههههه

و انا كنت قاعدة اتضحك عليج هههههههههههه اسميج صدق نكتة

سوسا بمزح : يا السخيـــــــــــــــــــــفة سكتي فضيحة ما فيني يتطنزون علي

عشوقة زادت : ههههههههههههههههههه و اللهههههههههههههههههههههه ما ههه قدر ههه

اوقف ههههه

سوسا رفعت حاجب من حواجبها و نزلت الثاني : و الله حالة آخر زمن عشوقو تتطنز علي

ما دري من كان خايف من اللعبة اللي تدور هناك و قعدت تصارخ و تصيح هههههههههههههه

بنوتة و المخلصه يسولفون على فكرة ,,, عشان جذي ما انتبهوا

وقفت عشوقة عن الضحك و دموعها تنزل مو قادرة توقفهم من الضحك طبعاً : لا ههههه ما شفتي هههه

ذيك هههههههه كانت وحدة حامل و الله و الله خفت ههههههههههههههههههه انا صخيت

شوي يوم نزلنا تحت الا اهي تصارخ هههههههههههههههههههههه قلت جان ما تولد ههههههههههه

سوسا و هي تتذكر : ههههههههه هذا اذا ما ولدت و خلصت ههههه

رجع الوالد و في ايده العشى

راحوا البيت و تعشوا

عشوقة قاعدة على النت و سوسا و المخلصه و بنوتة يلعبون اونو ,,,,

عقب جم دقيقة قامت عشوقة من على الكرسي و راحت صوب غرفة الوالد الوالدة

عشوقة تطق الباب ,,, شوي و طلع لها ابوها

الوالد محمد : شفيها الحلوة لي الحين قاعدة ؟

عشوقة : يوبا ابي اسالك

الوالد محمد : عن شنو ؟

عشوقة تبتسم بمرح : عن السفرة متحمسة وايد ,,, ابي اروح باجر

الوالد محمد : ههههههههههههه احب فيج هالحماس يخليني اتحمس اكثر تصدقين بحجز عقب باجر

عشوقة : ماشاء الله شلون جذي بهالسرعة بتحصل ؟

الوالد محمد يغمز لها : افا عليج ,,, ربعي ما يقصرون عندي واسطة من كل صوب

عشوقة : ههههههههههههههههههه قول جذي من الاول ,,, لكن لحظة انت متاكد عقب باجر ؟

اخافك تاخذني على قد عقلي و تتطنز

الوالد محمد : ههههههههههه لا و الله مو جذي

عشوقة تطالعه بنص عيون : بنشوف يوبا ( باسته على خده )

و هي تبتسم بشطانة : تصبح على خير يوبا ,,,

محمد : و انتي من اهل الخير يوبا

عشوقة : بابا يقول عقب باجر بنسافر

بنوتة :

سوسا : شلون جذي بعدددد ؟

عشوقة : شدراني يقول عنده واسطات مو واسطة وحدة بعد

المخلصه : احسن و الله وناسة

بنوتة : ههههههههه اخاف الا قص عليج

عشوقة : يلا عاد ,,, شقالو لج ياهل ؟

بنوتة : لا بس بيبي ههههههههههههههه

عشوقة : انزين يلا ابي انام

المخلصه : خيبة تخيب العدو شوفي الساعة جم توها 12 وين تنامين

عشوقة : تعبانة شوي ,,, تعرفين الصخونة و ما تسوي ,,,,

المخلصه : كيفج

راحت تبوس كل وحدة على خدها : تصبحون على خير ,,,

سوسا و بنوتة و المخلصه : و انتي من اهل الخير ,,,

***** سوري ادري الجزء قصير بس بحاول اخليه اطول المرة اليايه السموحة منكم *****

و نفس الأسئلة :

شاللي بخلي القصة تتغير 180 درجة ؟

هل من الممكن تتبدل حياة عشوقة ؟

هل من الممكن تطلع شخصيات اكثر في القصة ؟

توقعـــــــــــــــــــــــــــــــــاتكم مهمة بالنسبة لي لا تنسون تكتبونها ,,,,,

ترقبـــــــــــــــــــــــــوا الجزء ( 9 ) قريباً جداً ,,,

تحاياي السكرية

التوقيع : كلــما رحــلتُ أعود لأسكــن هنا .. ! ...
...
هل هناك .. سمــاء ثامنة تلفظني .. ؟
و تكتبني بيــن الغيوم .. ؟ !
..
.. هــل نموتُ .. فــي تشرين الأمل ؟








الرد مع إقتباس
قديم 05-07-2006, 11:54 PM
الصورة الرمزية لـ soosaa
soosaa soosaa غير متصل
عضو نشط وفعّال
 

رقم العضوية : 13160

تاريخ التّسجيل: Nov 2004

المشاركات: 10,382

آخر تواجد: 31-05-2016 09:45 AM

الجنس: أنثى

الإقامة: الكويت

هههههههه
ضحكتيني والله عشوقة ... بس ترى أنا ما أخاف من الطيارة
بس تلوع جبدي بسرعة !! ههههه

أما الأسئلة ..
أنا أصر على توقعاتي.. بصراحة ..
بس أضيف شي يديد عليها ..
ان الأم راح تموت .. مقتولة ..

شكراً عشوقة عالقصة

وننتظر الجزء التاسع

التوقيع :

أسْدَلَ اللّيْلُ سِتآرَالألَمِ ... وكسَآ القَلْبَ بِجَمْرِ الظّلَمِ
قَدْ جَفآ النّوْمُ عُيوْنِي وَالفُؤآدْ سآهِرآً يَرقَبُ ضَوْءَ الأنْجُمِ
قَدْ وَجّدْتُ بِالسّمآءِ الذّكْرَيآتْ .. خِلْتُ أنّي فِي لَيآلِي القَدَمِ
وانْتَبَهْتُ والدّمُوعُ جآرِيآتْ .. إنّنِي أحيآ بِدُنْيآ العَدَمِ !!




الرد مع إقتباس
قديم 06-07-2006, 01:09 PM
الصورة الرمزية لـ عاشقة اهل العترة
عاشقة اهل العترة عاشقة اهل العترة غير متصل
عضو نشط وفعّال
 

رقم العضوية : 18897

تاريخ التّسجيل: Jun 2005

المشاركات: 10,749

آخر تواجد: 04-07-2013 09:18 PM

الجنس: أنثى

الإقامة: بين بسمة الثغر و حزن النظر

الجزء الـــ ( 9 ) ــــــــــتاسع

بدا الصبح ألذ من العادة وعطر الرطوبة مغذي للحيوية وعبق التربة الطرية المبلولة بفاعل المطر الخفيف منتشر مثل البخور المعتق والسما رمادية حاجبة شمس ناعسة

وغيوم مسكرة...

ظل راس عشوقة متوسد حافة الدريشة مال غرفتها ,,, كانت سرحانة ,,, و ما انتبهت الى

اختها اللي دخلت و قعدت على السرير الا لما صارخت صرخة

المخلصه : عشووووووووووووووووووقة ؟

عشوقة : هاه شنو ؟ منو مات >>> ههههههههه يالله صباح خير

المخلصه : ههههههههههههه اسم الله عليج محد مات شفيج ما نزلتي تحت تاكلين

لج شي ؟

عشوقة : ما اشتهي ,,, شبعانة

المخلصه : اعرفج تموتين على النسكافيه ,,, هاج يبت لج كوب

عشوقة : شكراً المخلصه ,,,,

المخلصه : العفو

عشوقة : عيل وين سوسا و بنوتة عنج ؟

المخلصه : ههههههههههههه سكتي لي الحين نايمين

عشوقة : بلللل هههههههه ماشاء الله كل هذ1 نوم الساعة جم ناموا امس ؟

المخلصه و هي ترشف رشفة من النسكافيه : امس امممم يمكن الساعة 3

عشوقة : لا اله الا الله هذيلا لازم يتعلمون ينامون مبجر مو زين جذي لهم ,,,,,

المخلصه : يلا شنسوي بعد ,,,, شفيج ؟ احسج مو طبيعية

عشوقة : مادري قلبي يعورني احس شي جايد بصير ,,,

المخلصه بابتسامة : لا لا تخلين الاوهام تسلل لقلبج هذا الشيطان ما غيره

عشوقة : اعوذ بالله من الشيطان الرجيم ,,

المخلصه : انا بنزل بروح اشوف امي يمكن تودينا السوق بعدين

عشوقة : اوكي ,,,,

خل نبتعد شوي عن بيت عشوقة و نروح لبيت الخال ,,,,

فطوم قعدت من النوم راسها منفجر عيونها متنفخة بسبة الرقاد >> فلبينو هههههه

الكوثر : الواحد يصبح بويوه سمحة ,,, مو هالويه المتنفخ >> يمزح ترى مو قصده

فطوم : و اللي يعافيك راسي شوي و بينفجر خلني ساكتة لا ارتكب فيك جريمة

الكوثر : اوف لهالدرجة ؟ انزين انا كنت امزح وياج

فطوم : اي و اكثر بعد ,,, لا دخيلك لا تمزح مزاحك ثقيل

الكوثر : ما عليه هذا و انا ياي اقولج شي بيونسج بس انسي خلاص

فطوم : افا حبيب قلبي اخوي ما يقول حق فطوم ؟ >> مصلحة

الكوثر : ما بقولج شي خليني بروح للجنة الاستقبال بقوله ما بقولج

فطوم مبوزة : و اهون عليك ,,

الكوثر : و لو انج ما تهونين علي بس ما بقول عشان تتادبين يام هلال

فطوم : اوجي ( اوكي يعني ) لا تقول لكن و الله ان قلت لي مرة ثانية ام هلال

براويك ,,,,,

عطاها نظرة و مشى ,,,,

بيت عشوقة و بعد الصلاة ,,,

رن التلفون

ترررررن تررررن ترررن ترررن

عشوقة رفعت السماعة : الو

...... : سلام عليكم

عشوقة عقدت حواجبها منو هذا ؟ : عليكم السلام

....... : اخبارج ؟

استغربت و عقدت حواجبها اكثر : الحمد لله بخير بس مسامحة ما عرفت منو انت ؟

....... فجأة و بدون سابق انذار : افا ما عرفتيني ؟ انا اخوج ناصر

عشوقة : !!!!!!!!!!!!!!!!!!!!!!!!!!!!!!!!!!!!!!!!!!!!!!!!

ناصر : الو الو عشوقة ؟؟؟؟؟؟؟؟؟؟؟؟؟؟

عشوقة و دمعتها تنزل بحرقة على خدها : لحظة شوي بنادي ابوي

ناصر : اوكي ,,,,

الوالد كان قاعد يطالع التلفزيون شوي يت له عشوقة و هي تمسح الدمعة بسرعة

عشان ما يلاحظ : يوبا

محمد : هلا ؟
عشوقة : في واحد يبي يكلمك في التلفون

محمد : اوكي

رفع السماعة و قعد يتكلم وياه و اهي واقفة عند الباب تسمعه ,,, و عرفت من كلامه

ان اخوها مثل ما يقول بزورهم ويه شخص ثاني بس ما عرفت منو ,,,,

راحت غرفتها و قعدت تبجي : يوم تحسنت حالتي و حسيت اني طلعت من عالم

مظلم مخيف انصدمت ,,, و رجعت لعالمي ,,, ليش الدنيا جذي ؟ كافي صدمات

انا ما اتحمل ,,, ما اتحمل ,,,,,

اذا كان الشخص حزين و تعبان اكيد بيذرف الدموع لين يقول بس لكن اهي مسحت

دموعها بعصبية و اخذت دفترها دفتر الخواطر و قعدت تكتب فيه :

أسأل نفسي يا أنا ما هو ذنبي في هذه الحياة ؟

لماذا الأحزان وحدها تتجدد ؟

لماذا الألم و كل الجروح النازفة ؟

يا أنتم يا سبب معاناتي ؟

من منا يلوم الآخر ؟

ألوم نفسي لأنني ترعرت في مكان لا أنتمي له أصلاً ؟

أم ألومكم لأنكم أعدتوا فتح الجراح ,,,

لماذا ؟ لماذا ؟

أجلس على شرفة نافذتي أبكي بصمت حزين و هدوء قاتل ,,,

ظلال سوداء تلفني ,,, و ظلام دامس يضمني اليه

لقد ملت نافذتي من أحزاني و من شكواي المستمر ,,,

لأرحل فقد عشقت الموت و الدفن تحت الثرى ,,,,,,,,,,,,,,,

أنا حزينة ,, حزينة اليوم جداً ,,,,,,

نامت بعمق بلا احساس بلا وعي ,,,, نامت بعمق و كأنها لم تنم منذ دهر طويل ,,,,

الساعة 30 : 4 مساءً

كان كل اللي في البيت يتحرك ينظف هذا و يرتب ذاك و كأن ملك من الملوك

راح يزورهم ,,,, البنات ما كانو يعرفون بشي كانوا يساعدون و بسسس حتى انهم ما

يعرفون منو راح يزورهم ,,,,

الوالد كان خايف على بنته يكون فيها شي كان يحاتي هالزيارة وايد كان متوتر وايد و هالشي كان يبين عليه ,,,,,

لكن عشوقة كانت في عالم ثاني نايمة في غرفتها متسكرة بطعم الراحة اللي ما ذاقتها

من فترة طويلة ,,, و بسبب الحركة في البيت نسى بنته تماماً ....

صحت عشوقة و هي ترمش بعيونها لضوء الشمس اللي كان موجه لها و بصعوبة

و ثقل انقلبت للجهة الثانية و هي تحس بحميمة الدفء اللي فيها بابتسامة بعد الكوابيس

اللي مرت فيها ,,, حتى انها ما تبي تتذكر اي شي يكفي حزن و هم جاثم على قلبها ,,,

تنهدت براحة و هي تردد : الحمد لله ,,, الحمد لله ,,,,

نزلت تحت و شافت الكل قاعد ينتظر الزوار ,,,,,,,,

بدا العد العكسي لوصول ناصر و الشخص المجهول اللي وياه بعد جم دقيقة سمعو صوت

الجرس ,,,, فراح الوالد يفتح الباب ,,,,,

* يا ترى منو الشخص المجهول اللي ويه ناصر ؟

شنو قصة هالاخو اللي طلع فجأة في القصة ؟

هل من الممكن يصير شي جايد للعائلة ؟

ترقبوا التكملة ,,,,,,,,,,,, تكملة الجزء ( 9 )

توقعاتكم لا تنسون تكتبونها هذا شي مهم وايد
تحاياي السكرية

التوقيع : كلــما رحــلتُ أعود لأسكــن هنا .. ! ...
...
هل هناك .. سمــاء ثامنة تلفظني .. ؟
و تكتبني بيــن الغيوم .. ؟ !
..
.. هــل نموتُ .. فــي تشرين الأمل ؟









آخر تعديل بواسطة عاشقة اهل العترة ، 06-07-2006 الساعة 01:13 PM.
الرد مع إقتباس
قديم 07-07-2006, 03:08 PM
المخلصه للعترة المخلصه للعترة غير متصل
عضو نشط وفعّال
 

رقم العضوية : 14178

تاريخ التّسجيل: Dec 2004

المشاركات: 4,884

آخر تواجد: 01-03-2014 10:48 PM

الجنس:

الإقامة: مملكة الله

بسم الله الرحمن الرحيم

اللهم صل على محمد وآل محمد الطيبين الطاهرين

يمكن يكوون اللي مع نااصر الصديق الخيالي

ننتظر البااقي اتوقع يتأجل السفر

تحيااااتي الخيالية

التوقيع :
رحم الله من قرأ سورة الفاتحة إلى روح خادم الإمام الحسين (ع) سيد جعفر الموسوي و أرواح المؤمنين و المؤمناات
أصبحت مستشفى الإسلام يا وادي كربله
والطبيب الحـــــاذق حسين بن عقد الولــه
الطبيب اللي يداوي الناس لو عارض عرض
لابد يسأل عن علتي ولازم يجــس النبـــض
تربة حسين أبو اليمة مرهم إلكـــل مــرض
والدواء مجــــانه عنــده إليقـــصده إلـــه

الرد مع إقتباس
قديم 08-07-2006, 10:11 AM
الصورة الرمزية لـ عاشقة اهل العترة
عاشقة اهل العترة عاشقة اهل العترة غير متصل
عضو نشط وفعّال
 

رقم العضوية : 18897

تاريخ التّسجيل: Jun 2005

المشاركات: 10,749

آخر تواجد: 04-07-2013 09:18 PM

الجنس: أنثى

الإقامة: بين بسمة الثغر و حزن النظر

المخلصه مشكورة الغلا على المرور و التكملة راح اكتبها اليوم ,,,,

اتمنى تكون توقعاتج صحيحة ,,,,

تحاياي السكرية

التوقيع : كلــما رحــلتُ أعود لأسكــن هنا .. ! ...
...
هل هناك .. سمــاء ثامنة تلفظني .. ؟
و تكتبني بيــن الغيوم .. ؟ !
..
.. هــل نموتُ .. فــي تشرين الأمل ؟








الرد مع إقتباس
قديم 08-07-2006, 10:26 AM
الصورة الرمزية لـ لجنة ألإستقبال
لجنة ألإستقبال لجنة ألإستقبال غير متصل
عضو
 

رقم العضوية : 28853

تاريخ التّسجيل: Jun 2006

المشاركات: 2,370

آخر تواجد: 15-08-2009 05:41 AM

الجنس: ذكر

الإقامة: بعد الخبره والخرابيط اكتشفت العشق لله وحده بس

Talking مسلسل مكسيكي صار


انا صارلي 4 ايام مريض طايح بفراشي ولاتسألون عني

والله عنصريه على الاخوان<<<<<<<< :


اشوا بالقصه مؤدب <<<<<<

هذه مؤدب <<<<<<<<< يصير خير

فديتها اختي تذكرني بالخير

الرد مع إقتباس
قديم 08-07-2006, 10:38 AM
الصورة الرمزية لـ عاشقة اهل العترة
عاشقة اهل العترة عاشقة اهل العترة غير متصل
عضو نشط وفعّال
 

رقم العضوية : 18897

تاريخ التّسجيل: Jun 2005

المشاركات: 10,749

آخر تواجد: 04-07-2013 09:18 PM

الجنس: أنثى

الإقامة: بين بسمة الثغر و حزن النظر

الحمد لله احنا نذكر الناس بكل خير

و عشان خاطركم بحط التكملة الحين >>> صايرة كريمة وايد هالجم يوم

و الله انا ما اخاف الا من شي واحد ,,, هالكرم يمكن بسبب النوم لان توني قاعدة من النوم هههههههه

الموهم فيه شي يديد بيعجبكم

بحط في توقيعي شوي من الجزء الياي يعني الحين بكمل الجزء التاسع مو ؟

الجزء العاشر بكتب شوي منه في توقيعي و تقدرون تعلقون عليه ,,,,,,

لا تنسون تكتبون توقعاتكم

بعد شوي التكملة

تحاياي السكرية

التوقيع : كلــما رحــلتُ أعود لأسكــن هنا .. ! ...
...
هل هناك .. سمــاء ثامنة تلفظني .. ؟
و تكتبني بيــن الغيوم .. ؟ !
..
.. هــل نموتُ .. فــي تشرين الأمل ؟








الرد مع إقتباس
قديم 08-07-2006, 11:03 AM
بنوتة الخليج بنوتة الخليج غير متصل
عضو نشط وفعّال
 

رقم العضوية : 23266

تاريخ التّسجيل: Oct 2005

المشاركات: 6,514

آخر تواجد: 20-01-2010 09:46 PM

الجنس: أنثى

الإقامة: البحرين

مشكوووووووووووووووووووووووووووووووورة على القصة

وياريت تكملين بأسرع وقت

التوقيع :
كـ ل ـما احترت بع ـــالمي ... أتفرــع وأعـ رج الى وادي ( يا حسين ) ...

حتى اذا سألني السائل ... أجيبه: نعم الصديق هذا الوادي !!

^^... والص ــدي ــق عند الضـ ي ـق ... ^^

أليس كذلك؟

،،،،،،،،،،،،،،،،،،،،،،

مجنونة المهدي يشرفني أخلي هالصورة لاني أحب السلحفاااة

الرد مع إقتباس
قديم 08-07-2006, 11:05 AM
الصورة الرمزية لـ عاشقة اهل العترة
عاشقة اهل العترة عاشقة اهل العترة غير متصل
عضو نشط وفعّال
 

رقم العضوية : 18897

تاريخ التّسجيل: Jun 2005

المشاركات: 10,749

آخر تواجد: 04-07-2013 09:18 PM

الجنس: أنثى

الإقامة: بين بسمة الثغر و حزن النظر

فتح محمد الباب و دخل ناصر ويه حرمة ,,,,

دخلوا الميلس و قعدوا كلهم ,,,

اما عشوقة النبض احتفى منها ,,, بسبب الخوف حتى الوهن لفاها و زاد عليها

المرض ,,,,,

سوسا عاقدة حواجبها : شفيج مو طبيعية ,,, اذا تعبانة خل امي توديج المستشفى

عشوقة : لا لا ما فيني شي شوية ارهاق ,,,

سوسا : بس روحي عشان تتاكدين

عشوقة : و الله ما فيني شي ,, اذا تعبت اكثر بقولها

سوسا حست ان عشوقة تعرف شي بس ما بينت : على راحتج

المخلصه و بنوتة مكيفين هههههههههه يلعبون سوني ( بلاي ستيشن ) >>> هذا وقته ؟

بنوتة : انا تعبت ,,, بروح اييب عصير تبين ؟

المخلصه : اي بس مو وايد

بنوتة : اوكيك يا كيك

المخلصه عطتها نظرة و كملت لعب

في الميلس كان محمد قاعد صوب ليلى و ناصر قاعد صوب الحرمة اللي وياه

الهدوء كان سيد الموقف ,,, محمد متوتر وايد لدرجة ان العرق تيمع على جبينه

و تم يمسح فيه بهدوء ,,,,

بدت الحرمة في الكلام : انت تعرف يا محمد ليش احنا يايين

محمد عقد حواجبه : اي اعرف بس مو انا اللي يقرر ,,,, اذا تبون تشوفونها بروح اناديها لكم

طلع من الميلس و هو يتنفس بصعوبة كانه رايح ماراثون لا اله الا الله >>> لهالدرجة عاد ؟

رفع راسه و شاف عشوقة في ويهه جان يناديها ,,,

محمد : عشوقة تعالي شوي ابيج

عشوقة الالم زاد عندها بتموت : نعم يوبا

يود ايدها و سحبها وياه الميلس

يوم دخلوا الميلس و شافت ناصر

شهقت شهقة خفيفة ( لانها مو حاطة شي على راسها ) راحت تنخش ورى امها >>> ههههههههههههه

محمد خف عنه التوتر شوي و هو يشوفها جان يضحك على طفوليتها : هههههههههه

لا تخافين عشوقة هذا اخوج

تردد الصوت اكثر من مرة في اذونها : هذا اخوج ... هذا اخوج ..............

تنهد محمد و بدا يشرح لعشوقة السالفة : عشوقة ما يحتاي اوصيج اعرف انج كبيرة كفاية عشان تفكرين

بعقلانية و هدوء ,,,, سمعي : الله يسلمج هذي ( ياشر على الحرمة ) تصير امج يوم كنت مسافر

ادرس في الخارج تزوجت ليلى ,,, و عشنا حياتنا عادي لكن شفت امج مغتربة ما عندها احد هناك

و بروحها ,, عشان جذي تزوجتها لاني احس ان رجولتي فرضت علي هالشي ,,, و مرت الايام

و يبنا ناصر كان اول ولد حقي و ذاك الوقت كنت مستانس وايد لان عندي ولد من زوجتي الثانية ,,,,

مرت الايام بعد و يبنا المخلصه و سوسا و بنوتة ,,, لكن كنا لازم نرجع البلاد في ذاك الوقت نظراً

للظروف و يوم رجعنا ,,, امج طلبت الطلاق كانت مصرة على هالشي ,,, طلقتها و لكن تفاجأت

بقرارها انها تشيل ناصر وياها !!! كنت اعرف انها حامل و في شهرها الاخير بعد و هذا كان

مخوفني وايد عقب جم يوم ربت و يابتج ,,, لكن هالمرة انا ما تنازلت عنج و قررت آخذج وياي

عشان جذي هذي امج و اخوج

* على فكرة ترى الام اسمها زهرة

عشوقة تطالعهم بصدمة : لا تعليق

المفروض تستانس ,,, لان كل واحد يتمنى يكون عنده اخو صح ؟ سند في هالحياة من بعد الوالد

الله يحفظه ,,,,

* شبصير في عشوقة الحين ؟

البنات اذا عرفوا السالفة شبتكون ردة فعلهم ؟

يا ترى عشوقة بتترك البيت و بتروح ويه امها و اخوها ؟

ترقبوا الجزء العاشر قريباً من عشوقة و مذكرات عائلة ,,,,,,,,

و لا تنسون تكتبون توقعاتكم ,,,

تحاياي السكرية

التوقيع : كلــما رحــلتُ أعود لأسكــن هنا .. ! ...
...
هل هناك .. سمــاء ثامنة تلفظني .. ؟
و تكتبني بيــن الغيوم .. ؟ !
..
.. هــل نموتُ .. فــي تشرين الأمل ؟









آخر تعديل بواسطة عاشقة اهل العترة ، 08-07-2006 الساعة 11:08 AM.
الرد مع إقتباس
المشاركة في الموضوع

يمكن للزوار التعليق أيضاً وتظهر مشاركاتهم بعد مراجعتها



عدد الأعضاء الذي يتصفحون هذا الموضوع : 1 (0 عضو و 1 ضيف)
 
خيارات الموضوع بحث في هذا الموضوع
بحث في هذا الموضوع:
 
بحث متقدم
طريقة العرض

قوانين المشاركة
لا بإمكانك إضافة موضوع جديد
بإمكانك إضافة مشاركات جديدة
لا بإمكانك إضافة مرفقات
لا بإمكانك تعديل مشاركاتك

كود [IMG] متاح
كود HTML غير متاح
الإنتقال السريع :


جميع الأوقات بتوقيت بيروت. الساعة الآن » [ 09:17 PM ] .
 

تصميم وإستضافة الأنوار الخمسة © Anwar5.Net

E-mail : yahosein@yahosein.com - إتصل بنا - سجل الزوار

Powered by vBulletin