بابتسامة ... نستقبل 2008 والان باپتسامة ... نودع 2008

[صندوق العمل]

السلام عليكم ورحمة الله وبركاته

- محشش سالو شنو اقوى حيوان بالعالم؟ گال النمله گالوله ليش؟ گاللهم قبل فتره ردت اطلع نمله من سويج الكهرباء بالشيش شالتني ولطتني

- محششين گاعدين بالگهوة فالأول گال اني عندي فلوس اشتري بيها امريكا الشمالية كلها , چان الثاني يگول لعد اني عندي فلوس اشتري بيها امريكا الشمالية و الجنوبية , الثالث گال : اهوووو گاموا ينفخون هسه منو گال اني اريد ابيع.


- كردي وياباني اتراهنوا منو الاغبى الياباني گال احنه الغبي مالتنه يعرف يسوي موبايل فگال الكردي احنه الغبي مالتنه رئيس جمهورية


- قزم شارك ابرنامج من سيربح المليون قبل ميصعد على الكرسي طلب مساعده الجمهور


- سكران رجع متأخر گالتله زوجته وين ليهسه؟ گلهه كنت ألعب شطرنج. گللتله لتكذب ريحة حلگك كلهه عرگ.... گلهه لعد شتردين تطلع ريحة شطرنج؟


- مره سالو كردي الثعلب يجيب لو يبيض؟ ..... چان يگللهم : والله هازا كلاوچي كلشي يسوي


- فد يوم كردي يغني بحفلة والجمهور يصيح -سحابك مفتوح -گال هسة هسة اغنيها


- سألوا مام جلال (جلال الطالباني) ياهو الاحسن الشمس لو القمر گال القمر طبعا... سألوا ليش..؟ گال ..لان القمر يطلع بالليل ينور الظلمة بس الشمس تطلع الصبح اكو ضوة شنو فايدة

- دليمي كمشتة سيطرة وهمية گالولة انطينة هويتك گال ماشايلهة ، گالولة ليش ، گاللهم آني دليمي وانتوا تعرفون الوضع.

- كردي راح يشتري دوش گال لابو المحل عندك مكينة اتسوي المي مثروم؟


- من المفاهيم المنتشرة عند المسلمين انه اذا أكلت الطعام بدون ماتبسمل فإن ابليس يأكل وياك.
فد واحد بخيل هذا صبح وليل ماياكل غير بس برغل ، بعد بخيل ومايريد يصرف ، فد يوم هو ودياكل طلعلة ابليس وگالة : يمعود مو خيّستها لبطني بالبرغل ، لو تغير الاكل لو تگول بسم الله قبل ماتاكل.

[مغربي حر]

و الله ما فهمت آخويا و لا شيء

هموما غادي ندير ليك خاطرك و غادي نبتسم

[صندوق العمل]

بودي اساعدك اخوية مغربي حر
بس لو تتعلم عراقي هواية اسرع مما لو ترجمتها للفصحى.

[علي البابلي]

السلام عليكم
عاشت الايادي اخي الكريم صندوق العمل النكت كلها حلوة
وكل عام والجميع بالف خير .

[يقين زينب]

بسم الله الرحمن الرحيم
اللهم صل على محمد وآل محمد وعجل فرجهم

وعليكم السلام ورحمة الله وبركاته ..

نكت طريفة ، ولكن منها ماليس واضحاً من ناحية المعنى ...

أعجبتني ..

-

محشش سالو شنو اقوى حيوان بالعالم؟ گال النمله گالوله ليش؟ گاللهم قبل فتره ردت اطلع نمله من سويج الكهرباء بالشيش شالتني ولطتني
- محششين گاعدين بالگهوة فالأول گال اني عندي فلوس اشتري بيها امريكا الشمالية كلها , چان الثاني يگول لعد اني عندي فلوس اشتري بيها امريكا الشمالية و الجنوبية , الثالث گال : اهوووو گاموا ينفخون هسه منو گال اني اريد ابيع.

- من المفاهيم المنتشرة عند المسلمين انه اذا أكلت الطعام بدون ماتبسمل فإن ابليس يأكل وياك.
فد واحد بخيل هذا صبح وليل ماياكل غير بس برغل ، بعد بخيل ومايريد يصرف ، فد يوم هو ودياكل طلعلة ابليس وگالة : يمعود مو خيّستها لبطني بالبرغل ، لو تغير الاكل لو تگول بسم الله قبل ماتاكل.

________________________

و الله ما فهمت آخويا و لا شيء
هموما غادي ندير ليك خاطرك و غادي نبتسم

سنساعدكم بما يضمن لكم فهم وترجمة أي كلمة يكتبها الأخ الكريم صندوق العمل أو غيره من الاخوة العراقيين .. ولكن بعدها نرجوا أن تساعدونا أنتم في فهم ما كتبتموه أعلاه ... وتحديداً الكلمات التالية .

هموما :
غادي :
ندير ليك خاطرك :
غادي نبتسم] :
____________________________

أما بالنسبة لنكت الأخ الكريم صندوق العمل فأظن أن السبب الرئيسي في عدم فهمكم لما يكتبه باللهجة العراقية يكمن في استخدام الحروف مثل ..

گ وتنطق ق

چ وتنطق ش

القاعدة :
قم باستبدال كل كلمة ورد بها حرف من الحروف السابقة أعلاه بما تعنيه في الحروف الهجائية وتنطق به ما ووضحناه لكم أعلاه ، وسوف تستطيع قراءة جميع النكات وفهم بعضها على الأقل .

مثال :

گال النمله = قال النملة

گالوله ليش؟ = قالوله ليش ؟


گاللهم قبل فتره = قال الهم قبل فترة .

چان الثاني = شان الثاني .




هذا وشكراً جزيلاً لكم أخي الكريم على النكات الطريفة .

وفقكم المولى لرضاه .

[فراشة لبنان]

للاسف لم افهم كل الكلام

بس ابتسم خلص

[مغربي حر]

سأشرح لك كل كلمة على حدى

هموما كنت أريد كتابة عموما و من فرط السرعة أخطأت

غادي ندير ليك سوف أعمل لك

خاطرك الخاطر يعني ما تحب

و غادي نبتسم و سأبتسم

[nosifatima]

هههههههههههههههههههه
صدق حلوات النكت
عاشت ايديك عمي صندوق

تحياتي
كل عام وانتم بخير
نوسه

[صندوق العمل]

شكرا لجميع الأخوة والأخوات على كلماتهم الطيبة.
وارجو من المشرفة الاخت سيناء الرافدين ان تُبقي على الموضوع في الاسرة لانه خاص لزرع الاپتسامة لأعضاء قسم الاسرة.

الرد القادم سيحمل قصة نعال ابو الاصبع ، وهو مبيوگ من ايميلي.

[صندوق العمل]

[صندوق العمل]

ونقلب الان الى الرومانسيات ونهدي هذي الموسيقى لكل مجروح فؤاد او فاقد حبيب او رابح يانصيب ، (شنو علاقة ابو اليانصيب )

الموسيقى هي معزوفة مسلسل (عازف الليل) ، الجيل الوسط مثلي والاخت سيناء نعرفها وقد عُرِضت على تلفزيون بغداد بداية الثمانينات ، وهو مسلسل عاطفي لبناني يمثل بطولته عبد المجيد مجذوب.

www.googleux.net/3azef.mp3

[صندوق العمل]

مسلسل مكسيكي العراقيين دبلجوه ... شوفوا شصار ...

كفا هراء ............ (ماكو هيج بطه تلعب شناو)
ما هذا ............. (خايب شني السالفه)
ستدفع الثمن غاليا ............... (اسلگ ابوك اليوم)
كيف فعلت ذلك ................ (خرب عرضك)
تبا لك ............ (انعلبوك)
هزمتك شر هزيمة ............. (سحلتك وعلي)
احذر يا هذا ......... (وعلي اذا اطكك إب بوكس)
اخفض صوتك .......... (لتوذن)
دعك من هذا الكلام ........ ( ولك شدتخربط )
دعني و شأني ...... (دفك ياخة عني)
هيا بنا ....... ( دفضنا دمشي عاد )
كذاب ( أنهجم بيت الباميه)

[صندوق العمل]

الشعر في زمن الاحتلال
أياذا القلب لا تحزن فذاك الحب Infection
فلن تجدي عقاقير ولن تشفيك Injection
فكم من عاقل فطن مضى بالحب Direction
ستنكره وتنساه ولن يبقى له Mention
فلا تنظم له شعراً ولا تكتب له Section
ولا يحزنك من باعك فقد أخطأت Selection
ولا تبدي له أسفاً ولا تبدي له action
فإن الحب منزلةٌ لبعض الناس exception
فبعض الناس إن هجروا فلا حزنٌ ولا tension
وبعض الناس إن هجروا يظل ويبقى connection
فوصل الروح له فعل وما أحلاه reaction
بدعوات بقلب دجى لها أثر و affection
فان لم يبق لي شيئ فلا حب و لا Passion

فلا أسف على دنيا لك وعليك conversion

[سيناء الرافدين]

نكتك جميعها حول الاكراد لو اكو اكراد معانا جان زعلوا

فد يوم شيخ صعد عل المنبر اشوهذا ضرب مثل بالاكراد وحجى عليهم يعني هيج حسبة امثالك بعدين قمت بارسال

رسالة للشيخ واخبرته انت على المنبر شلون تجيب طاري الاكراد

هذا الشيخ عباله اني كردية وعترضة صعد عل المنبر وقال

ياجماعة موقاصد شئ والله هذولة الاكراد اخوانة وحبايبنة وماكو شئ يناتنة اني بس حبيت انكت

هسة ولا حسبتك كل نكتك على الاكراد


ملاحضة : هذا ثالث رد الك وانت تلمح لعمري ليكون فاتح ملفي الشخصي وانا اما ادري

لكن اقول بكل بساطة لست ذكيا

[ماتت الذكرى]

الموسيقى لكل مجروح فؤاد او فاقد حبيب
www.googleux.net/3azef.mp3

بعد ما فقدته و راح
و انتهى الي بينا
ما أظن الموسيقى
تريح
او
تفيد
او
تخفف



كل ما يهم
الآن
وقت دخول
القبر