تويت
قصيده عن القاسم عليه السلام
بالقاسم يانور العين ** ابرز دافع عن حسين
أعلن نصرك ** وابذل نحرك ** ابرز دافع عن حسين
************************
1- يبني يقاسم عندي ألك هذا الخبر يايمه
بيه ارداخبرك يالولد واسمعني چلمه چلمه
هاذي وصية والدك وانطيها الك كل همه
يايمه وصاني الحسن وابريها أريد ألذمه
* احملها يايمه آسنين واليوم أحس حان الحين
احزم أمرك ** وابذل نحرك ** ابرز دافع عن حسين
2- هاذي وصية والدك يايمه هاك أقراها
من أيدي خذها يالولد وبحضنك اتلگها
افتحها يانور المقل وأتذكر الوصاها
وطبقها هليوم أبعزم واسري على مسراها
* اقراها يمه بتمعين واسري أعله مسرى الطيبين
ثم أتحرك** وابذل نحرك ** ابرز دافع عن حسين
3- يايمه هاي المعركه ومتحشدين العسكر
وحسين وحده ويالعدى يرجه معين ومنصر
بيه حاطت الگوم ابغدر وعليه يايمه تفتر
وهاللحضه حانت ساعتك جابه ييمه أهل الشر
* شتتهم أشرار البين واقسم جمعهم نصين
وكلمن أشرك ** وابذل نحرك ** ابرز دافع عن حسين
4- اهجم يشبل المشتبى لن يومك أوليدي حان
اهجم على أفلول البغي والبس سلاح الأيمان
بسم الحسن يمه ارتجز وبقوه طب للميدان
وناديهم أبصوت الغضب ياعابدين الأوثان
* ناديهم ابئسم الدين أبيا أمر محتشدين
واطلب ثأرك ** وابذل نحرك ** ابرز دافع عن حسين
5- خليني أودعك يالولد للمعركه من أتروح
لن ادري يبني ماترد يالساكن أبنص الروح
ادري دمع عيني يصب بعدك ودم يمه أيفوح
وادري أبروحي ما تكف من النحب ومن النوح
* خليني أشمك يمه وخل گلبي يبرد دمه
ظالم دهرك **وابذل نحرك ** ابرز دافع عن حسين
الخادم أبو أيمان المجراوي