تويت
بالكوفـــة شصار شصار ودوا لهاشم اخبــــار
منقـــــــــــول
بالكوفة شصار شصار ودوا لهاشم اخبار
مسلم رد جيش الكوفة وحده بحومتهه تشوفه
ينخى بعمه الكرار
ودوا لهاشم اخبار
انهض ياللي تخبر وروح لـ عدنان
واخبر هاشم باللي جرى وصار بكوفان
مسلم وحيد اصبح مابين العدوان
صارت الكوفة بيهه حومه وميدان
مسلم شد على الگوم ويومه المامثله يوم
جيوش گباله وشتتهه وحده ودمر شيمتهه
بس يعينه البتار
ودوا لهاشم اخبار
هيه الهواشم وانتوا مابين الناس
الكم الشهرة بالشرف والنوماس
مسلمكم اصبح وحده مابين ارجاس
و بوگـفته عزة وهيبة وشيلة راس
بـ دار طوعه ويشوف تعتني بطوفه يطوف
بتاره اليلعب بيهه يذب الزلزال عليهه
وابن الاشعث محتار
ودوا لهاشم اخبار
مثل ابن الاشعث ينتخي بـ ابن زياد
يطلب العون يريد منه الامداد
يودي السرايا ولنهه كلهه تنباد
مايدري هذا أبن الشرف والامجاد
مسلم ويا حي بيه حامي الجار مربيه
هذا اللي رباه حيدر بالكوفة عود خيبر
وهالشمرة لحامي الجار
ودوا لهاشم اخبار
شمرة علي من طبر هامة مرحب
اصبحت عند مسلم وسيفه اليلهب
مايثني برووس الفوارس يلعب
وابعدوا عنه وبعد ياهو اليگرب
راواهم يوم الفيل وسفه اليمطر سجيل
والابطال وعسكرهه مثل الفيل مكورهه
سجيل بسيفه ونار
ودوا لهاشم اخبار
والكتب ذكرت خبر واحنه النحچيه
هالخبر عن حرب مسلم ترويه
وتگول كل من بالحرب يگرب ليه
مسلم يرفعه چان بيده ويرميه
ذب جسوم على جسوم موت وعالكوفه يحوم
صاحت كلهه بميدانه عود موسى بثعبانه
يلكم كل الاسحار
ودوا لهاشم اخبار
موسى بعصاته ومسلم ببتاره
ظلوا فراعين القصر واشراره
ثعبان موسى اللي تسمع بـ أخباره
شافته الكوفه واصبحت محتاره
وابن زياد على هالحال كل ساعه يودي رجال
تعود رجاله وفرسانه وقصره اهتزت اركانه
ظل محتار الغدار
ودوا لهاشم اخبار
*****