تويت
وينه اليباري المحملي
وينه اليباري ألمحملي وهز رأسه گال أتدللي
هالساعه أريده يحضر ويشاهد بيا مظهر
صرت انه عگبه چافلي
******************
حين الطلعنه من الوطن وانه بحضوره اتباها
يبرا لي بمسير الظعن وعيونه صوبي أنطاها
حاچاني وانه أعله الهزل وچلماته ما أنساها
گلي يزينب بالنفس افدي معاشر طه
واعدني وانطاني عهد وانه على ذاك الوعد
ولجيته انه اتنطر ويشاهد بيا مظهر
صرت انه عگبه چافلي
ياليت لو رمز ألوفه يحضر يشوف الحره
ويشوف حالتها عگب عينه ويشيل ألعبره
عباس أحشمنك وانه ملهوفة وجذب حصره
وبغربه منتظره الآمل وبگلبي ناري وجره
بعيوني اصد لمشرعه وهمومي بيّه أموزعه
وكل لحضه خويه أتحصر ويشاهد بيا مظهر
صرت انه عگبه چافلي
انه ادري يا راعي اللوه تسمعني حين أترجاك
وأدريها كل صيحة تهل بالدم مدامع عيناك
أدريك يبن المرتضى ما تحني رأس وحاشاك
چا شنهو عني العوگك يا بالفضل من انخاك
ترضاها يا بن والدي أختك عليها يعتدي
جيش ألضلاله والشر ويشاهد بيا مظهر
صرت انه عگبه چافلي
يبن النجيبة الطاهرة ورمز الشرف والعفّه
حگي إذا بيك انتخي جرحي من أندبك يشفه
انته الغيور الغيرته للخلگ صارت وصفه
وانته الشجاع ألما تكل أمتونه كلها أتعرفه
نشمي يبن خير الوره ووارث شجاعة حيدره
يا قسور ابن القسور ويشاهد بيا مظهر
صرت انه عگبه چافلي
عباس روحي ما هدت والگلب تلهب ناره
وعيوني يا ساچي الظعن دمعاته تتجاره
بالبيده يا خويه همت وحزناني هم مطاره
لا والي ضل ولا اخو وين اتجه محتارة
عگبك تغيّر وضعي وعيني عمّت من دمعي
ليوين اضللن اصبر ويشاهد بيا مظهر
صرت انه عگبه چافلي
**************
أبو أيمان