تويت
عيني بالمدمع سلّيني
عيني بالمدمع سلّيني عيني بالمدمع سلّيني
**********************
يعيني ودمعتچ بالدم سيليها مصباح ومسيه تجري خليها
على اجفوني وخل نارچ تچوّيها تراني منالحزن ما هايد اونيني
عليچ الله الدمع من دم تسيلينه وعلى اجفوني يخط لا لا تمنعينه
عمري بالدمع ارد اگضي اسنينه وانه وياچ خل نگضي العمر عيني
يعيني وذكرياتي الهسه في بالي شلون انسه اليعيش بعمري يبرالي
على حالي بقيت وعشت انه بحالي وصفت نار الحزن بالهم تغذيني
الدمع والنوح اصبح سلوة اجروحي وصرت منبع يعيني الصرختي ونوحي
هامت ما بقت في جسمي انه روحي تصيح ابصوت يا زينب اتركيني
حرت وتحيرت يحبابي بهمومي غدت تسكن وسط گلبي معه ادمومي
بالونه ونحيب الفاجعه يومي اخلصنه وناطر ساعتي وحيني
من هول المصايب ما هدت نفسي ومن عالي النحايب ما گطع حسي
بالامه الدهر بجروحي ضل يقسي وجروح النوايب كثره تاذيني
****************
ابو ايمان