تويت
قصيدة للأمام الحسين(ع) بمناسبة الأربعينية
قصيدة للأمام الحسين(ع) بمناسبة الأربعين0
ياعتبة وعلــــــــــيه إمـﭽاتل الزوار
تطﮒ ﭽتف إبـﭽـتف وتجيبك إتدّفع
كتـلوه الحسين وراح كلشي أوياه
مايـدرون همَّ إبكل شـــبر نبّع
تدري بربعــين حسين شنهو إيصير
شاب أوشــيب كلها إلمرقـــده تفزع
شلون الناس يمّك ماتجـــــي وتزور
والحجي الحجيته إلهسه ظل إيشّع
حرية إزرعتها لليجي بعديــــــــــن
بقه منجل حصـــــادك للظلم يشـلع
لون بالغاضـــــــريه شيعتك مولاي
لويناه الشوارب لوي بس تــــطلع
شمر شنهو عمر شنهو عبيد الله
ﭽان إرﮔابهم طحنالها إتگـــطـــّع
مثل حال المهر من رد بلا خيــال
وبيوم أربعينك نبجي عالمــصرع
وأنت إستنصرتهم ما إجو ويــاك
يارخــــص الزلم لحسين ماتسمع
يا إبن النبي وبن الوصــي الكرار
وياإبن البتول إعليك مانهجــــــع
ﭽن اليوم زينب ردت أوي الروس
ولذيج السبايه إنواسي بالمدمـــع
صحيح إسحگت صدرك خيل ذيج الگوم
وصحيح العطش أثّر حيل بالرضّع
راسك شاله رمحه لو عكس يحسين
أكيد إلحضرتك ذاك الرمح يخـــضع
راسك بالبـــــــــــــداية ﮔبل الروس
حتى إبهاي راسك رفـــض مايرجع
ﭽم شخصيه إجت إتزورك إعله الصيت
وبس يوصل حضرتك سيدي إتشيّع
گلت هيهات أبايع وآني الحســـين
وآني بدين جدي الخاتمه أومطلع
لأن شايل صبر وإيمان كل الكون
أوجدك كل صفاته بـيك تتــــجمع
هيهاتك شعار إنردده إبكل حين
نلهج بالشعار أو أبد مانهجــــع
لتگلي الحسين الكوفه غدرت بيه
ولتگلي بعد ماﭽان يـــــــــتوقع
لاجنه الخلود إيريد نفحة جود
وإنت الجود يمّك سيدي إتوزع
أولأن الدين ﭽان يريد دم يرويه
وماكو غيرك إنت سيدي اليدفع
ظافر الشمري