تويت
لسا حال العباس ع //ابو ايمان
من دنه الموت. هتف صوت . يحيدر يا علي
انهض وشوف . با لچفوف . فديت انه الولي
بويه حيدر . بويه حيدر
****************
للوفه دموم . انه اليوم . أقدم نيّتي
وأوصل الماي . ألي رأي . ورد بجربتي
ناوي اسحگ عالخطر . وانه ابن فارس مضر
ما اطخ رأس . للارجاس . عليهم اعتلي
بويه حيدر . بويه حيدر
*************
ناده عباس علي بحين . وصّل للمشرعه
جودي أمليه . وارد بيه . لوائي رافعه
ما أهم جمع الكفر. لو أضحي بالعمر
وانه عباس. على الناس . فرضت أشهود إلي
بويه حيدر . بويه حيدر
**********
اگلب الكون يكرار على أفلول الرجس
واگطع أدروب عليهم وألقنهم درس
اعبر أحدود ألعده . واسحگ اخشوم ألرده
اگطع الروس . والنفوس . بييه تبتلي
بويه حيدر . بويه حيدر
**********
اسحگ الموت وفوتن واضحي بالنفس
واخطف أرواح إذا أصول بالحومه وأجس
سيفي عنوانه الأجل . وافتك أبأهل الدجل
گاع الطفوف . بالجحوف . انه أمليها ملي
بويه حيدر . بويه حيدر
**********
ألزينب الروح انه اليوم أقدمها أبفخر
واذبح الراد بالأوغاد يجي أيمسها بخطر
دمعه ما اقبل تهل. وانه چافلها أضل
ألها بالسيف . أرد حيف . واگلها أتدللي
بويه حيدر . بويه حيدر
