تويت
يبن الحسن يالغالي //ابو ايمان
يهدى ثوابها الى روح المرحومه العلويه
ام الرادود السيد كاظم رحمها الله
*************
**************
يبن الحسن يا لغالي . يا ضنوتي وآمالي
عمك وسط عدوانه . ضل وحّدّه أبميدانه . يا ضنوتي وآمالي
***********
يبني ويزهرة عمري . يا نفحه ناغت روحي . بجمل لحن ناغتها
ثمرة سنيني وصبري . يالتبره بيك جروحي . يا فرحتي ودمعتها
يا خاطري وكل فكري . يبني الحرايب توحي . لو زمجرت عادتها
بيض الاسل من لاحت . بيها البواسل طاحت
واضح إلك عنوانه . ضل وحّدّه أبميدانه . يا ضنوتي وآمالي
***********
يا ذخري هاي الساعه . عمك اريد اتعينه . واحله العمر تفديله
اتعنه وابدي الطاعه . ضحيله ونصر دينه . وأصبح شهيد ألليله
خلصت چتل إتباعه . يبني انته صير أيمينه . من حيلك أنطي ألحيله
ضل وحده يبني يقاتل . لا الأكبر ولا ألچآفل
يبني گضت أعوانه . ضل وحّدّه أبميدانه . يا ضنوتي وآمالي
***********
وصّاني يبني الوالد . واحمل وصيته ابصدري . من ذاك يومه اليومك
واليوم اشوفك راشد . بعيوني اصد لك وادري . ما تنحني لخصومك
منّي اخذ يالماجد . يا من فديتك عمري . وفدوه رحت لرسومك
للحومه طب وهاجم . وارضي الحسن يا قاسم
وابن الحسن صيح انه . ضل وحّدهّ أبميدانه . يا ضنوتي وآمالي
***********
يبني السمر مشروعه . وأهل الظلال اجتمعت . صارت تحاصر عمك
باسم الغدر مدفوعه . وأعله الحسين اندفعت . تملي الحرايب خصمك
گوم اطفي نار اللوعه . وسرالعيون الدمعت . وسر عيني يا بعد امك
گوم ادخل الميدانك . صول ابجمع عدوانك
هد الشرك واركانه . ضل وحّدّه أبميدانه . يا ضنوتي وآمالي
***********
جاسم يگرة عيني . لبن الوديعة أتقدم . لترابه طش اسنينّك
بيك افتخر خليني . بين الخلگ يمسلّم . يا ضنوتي انصردينك
يا عمي صيح سنيني . منذوره الك وتبسم . وحبس دمعها العينك
يا عمي صيح ابصوتك . رخصه اطلب امن امروتك
واقسم عليه بيمانه . ضل وحّدّه أبميدانه . يا ضنوتي وآمالي
************