تويت
گوم يا عباس//ابو ايمان
گوم يا عباس زينب ندبتك
**********
زينب بصوت النحب تندب اجت . يا أبو فاضل أعيالك أنسبت
گوم يا عباس والصيحة اعتلت . ندبتك زينب تريد أحمايتك
***********
يا شبل حيدر يچأفل هالضعن . بين عدوانك بگت زينب توّن
ها يراعي الزود نادت بالحزن . وين أبو فاضل تحشّم عترتك
***********
وين يا عباس جودك والعلم . وين چفينك يصّگّار الزلّم
وين وعدك بالمدينة يا شهّم . من جبتني وجيت خويه بصايتّك
***********
بصايتك جيت وعلى هزلّي أركبت . منالمدينه الكربله خويه اطلعت
ليش عني بها لمحل هسه غبت . يا مصيبة خويه عني البعدتك
***********
صدگ عالتربان يم ألمشرعه . منفضخ راسك واديك أمگطعه
سهم عينك خويه يا هو ألطلعه . والعطش عباس فتت چبدتك
***********
يا گمر هاشم يبن حيدر علي . يا چفيلي إخلاف عينك منهوه إلي
عگب عينك منهوه يحدي بمحملي . أشلون ترضاها يخويه غيرتك
***********
يا عجيد ألگوم يا نشمي وأغر . يا شبل حيدر علي فارس مضر
همّي بصدري عگب عينك كبّر . يالتشيل الرأس بألطف صولتك
***********
گلبي ذايب والحزن بيّه نمه . وعيني من دمعة نحيبي امسلهمه
المن أعيوني تصد بالموزمه . يا عضيد حسين سرني بطلعتك
***********