تويت
للاكبر دموعي اتسيل//ابو ايمان
للا كبر أدموعي أتسيل *** تجري أبنهار اوبلليل
بعدك ييمه أشگد نحت ** وأعيوني أعمن من رحت
تجري أبنهار اوبلليل
* * * * * * * *
1- يالاكبر أبحين الصبح يوم المحرم يبني
صبّحت والدمعه جرت وبدمها ندت جفني
جيت وگصدت ألخيمتك وهمومي أتصاحبني
وأبالي چانت شوفتك هيه التفرج حزني
* بهالشوفه دم صار ابچاي وأعليه كثرت بلواي
وشنهو الاصنعه انه حرت وأعيوني أعمن من رحت
**********
2- يوليدي اصدلك والگلب من صدري نيته يطلع
لن يدري يبني لو رحت للمعركة ماترجع
گلبي يالاكبر دم نزف وبحزنه يمه أتبضع
وشلون انه اصبر بعد وبليلي اسكن واهجع
* گلبي ينوح الفرگاك يصعب علي حيل أجفاك
وبحصره يوليدي صحت واعيوني أعمن من رحت
**********
3- للحومه أصدن والحزن يمليني يابعد الروح
وهاجس يسولف بالعگل ويزيد أبروحي النوح
ياليله يخبرني الولد للمعركة ناوي أيروح
دگي ونحبي وعالوجه خلي الدمع دم مسفوح
* سيلي الدمع من العين ياليله وابچي أبكل حين
وانه أبدمع دم أذرفت واعيوني أعمن من رحت
***********
4- متسلحه واسلاحي الصبر و انظرلك أسلاحك موت
ودموعي أبخدي جمر واصرخ عليك أبكل صوت
يالفارگتني يالولد لوردت للحومه أتفوت
وادعني لن گلبي بعد مايرضه يصرخ بسكوت
* گلبي نوه أبصوته يصيح يالاكبر ودمعي ايسيح
اكبر مصاب انه شفت واعيوني أعمن من رحت
**********
5- يبني انه دلالي انگطع وعيوني من دمعي عمت
واظلوعي من نوحي أنحنن واللوعة بي نار أنشبت
يايمه بالي منذهل وأفكاري كلها أتشتتت
والحيل من عندي ركد والحصره أبصدري غفت
* مدري ييمه أبدنياي من بعدك أصفه أبيا رأي
دليني يوليدي تهت واعيوني أعمن من رحت
*********
الخادم أبو أيمان المجراوي
