تويت
لسان حال رقيه ع//ابو ايمان
بويه حگي لو متت . گبالي راسك بالطشت
**********
بويه يا خيمة نجاتي وشمعتي . يا أمل بيه انه أعيش بدنيتي
لو غبت عني وبقيت بغربتي . منهو غيرك يستمعها شكوتي
وانته غايب وانه بالغربة طحت
***********
حگي لو تنزف دمعتي موجره . يمّي راسك بالطشت بويه أنظره
يا حنين ويا عشگ بالدم سره . من اصد راسك أنوح ألمنظره
بعالي صوتي يا لعزيز انه صحت
*************
يا ذخر انه ذخرته الها لزمن . يا وطن مثلك فلا يحصل وطن
گلبي حن بويه الحظرتك گلبي حن.لحظه عن ذكرك يغالي ما سكن
والأجل طاف أعله روحي أوّافقت
*************
بويه يا منية حياتي بها لعمر . يا فرح بيه گلبي يا غالي انغمر
ما اصدگ هسه فرّگنه الدهر . وانه أتيتم يبويه منا لصغر
وانه شمعه بويه با لعبره ذبت
*************
أنضر الراسك يبويه وأنتحب . ودمعي من عيني على راسك يصب
ما بگألي أعيون بويه ولا گلب . وانته تدري بحالتي بهذا الغرب
من مسير الليل مُر انه أجرعت
**********
