اوجر هالزمان وياي يا عباس

مسبيه صرت وتصد عليه الناس

هضم المر عليه بلاك ما ينقاس

صار الهم يردس بجلانه



وينك يبن ابوي اليوم خويه ووين

رايات الهواشم والطهر وحسين

عين الما تشوفك تعمه هاي العين

من دونك طايح صيواني




اجيتك وادري عندك يبن ابوي عتاب

وانه ادري العفت جفين الك وخضاب

مغصوبه وحك هضم الضلع والباب

جتفوني الكوم وجرّوني






من بعد الذبح مسبيه كوم حسين

وثارات ال اميه الواحد بعشرين

ابن امي وحيد وعالنهر جفّين

واهل الحك تاهت بالحومه








جبت اهلك يبو اليمّه وجبت وياي

لوعات اليتامه بغيبتك والماي

قلبي لمنحرك يبن الطهر سجّاي

اسكيك بدمعات عيوني









مشّايه على دربك ما نهاب الموت

نصرخ يا حسين الصوت بعد الصوت

ما همّنه الشمر لا همنه سكم الفوت

نمشيلك ونغيض عدانه








شما يبعد دربكم ما نمل يحسين

يا اعظم شهيد انعاد بيه الدين

ننعه ويه البتول وعالمصاب نعين

ونصيح ابن الزهره دوانه

رحيم الحسناوي