تويت
مواكب للعزه أعله حسين سوينه
ونزفنه ارواحنه بدمعة بواجينه
مواكب للعزه بعاشور منصوبه
وتشوف الدنيه أنس وجان مكلوبه
وننوح بحركه لمصابك يبو سكينه
++++++++++++++++++
دكت وادم بزنجيل عل هامه
ودكت وادم أعله الراس بالقامه
بالدم واست ادماكم وصاحت ليتنا اوياكم
وننوح بحركه لمصابك يبو سكينه
+++++++++++++++++++++++
خدام أحنه بمصابك يبو اليمه
وتشرف ملوك الكون هل خدمه
محد ينسه هل ذكره يبن الطاهره الزهره
وننوح بحركه لصابك يبو سكينه
وادم بالبيوت تسوي تذكارك
وادم عل درب تتلكه زوارك
تخدمها وتباريها وودها تبوس رجليها
وننوح بحركه لمصابك يبو سكينه
++++++++++++++++++++++++
فوك سطوح أهلنه ترفرف الأعلام
وكل أحنه لمصابك ننكلب خدام
وبكل منزل أقرايه ونتعناك مشايه
وننوح بحركه لمصابك يلبو سكينه
+++++++++++++++++++++
مشايه لضريحك تكصد الزوار
وماتمنعها عنك سيدي الأخطار
مشايه لشبل حيدر خلنه بدربه نتفجر
وننوح بحركه لمصابك يبو سكينه
+++++++++++++++++++++
مشايه لضريحك كلنه نتعنه
يامن حبك يوصلنه للجنه
وأنته الجنه تسعالك وتحن مشتاكه لرجالك
وننوح بحركه لمصابك يبو سكينه
+++++++++++++++++++++
لخادم اهل البيت الشاعر هاشم العربي