تويت
ثلاث قصائد للجليله الطاهر ام الحسن والحسين ع //ابو ايمان
يا محمد اشتكيلك .... اشتكيلك يا محمد
حتى تشهد بويه حالي . بويه حالي حتى تشهد
عصرت أضلوعي وكسرها . وحالتي اليصعب ذكرها . يا محمد
**********
من ساعة ألبيها غبت يا لمصطفى . دهر المصايب جاني بهمومه ولفه
بسهامه يرميني الدهر وانه أشگفه . ما همه دمعي البالحزن چنت اذرفه
ريتك تشاهدني وتشاهد حالتي . من تجري عالخد يا محمد دمعتي
وكل الذكرته وگتلي يجري بغيبتي . بعيوني شفته وما رحمني بدنيتي . وما تردد
***********
خانوا وصيتك يالنبي وذاك العهد . ووحي الله نكروه وتمادوا بالبلد
بدين الله بعدك حرّفوا والمعتقد . والواله بعدك عترتّك بويه اضطهد
چلمت عترتي ما رعتها أهل الغدر. والي ذكرته بهالخلگ ماله اثر
كل الأحاديث أنّسّت لمح البصر . ونكروها بعدك منزلة فارس بدر. والكل ارتد
***********
لو تدري بعدك واشعمل بينه الزمن . خدينّك بدمعك أسى چآن ارتوّن
غصبوا نحلتي وجحدوا بحقي علن . وأتمروا بمر الضلالة أهل الفتن
هجموا على الدار بحقدهم يالنبي . حرگوها بويه وچتفو حيدر علي
وانه وره بابي لذت محد إلي . ومهشمه أضلوعي وصطرني بمنزلي . گلبه اسود
***********
فوگ الأرض مرميه مگطوع النفس . بضلوعي مسمار النوايب منغرس
بهالساعه فارگت الحياة انه أحس . وأتلمس بطفلي صبح ما ينلمّس
من شاهدت نفسي بلّغ بيه الألم . فايض جنيني بدمه والرأس أنهشم
ثاري الكسّر ضلعي تعده أعله الرحم . والي سكن بأحشائي منه ما سلم . بل مؤكّد
***********
لو تدري بينه اشسوته أذيول الدجل . من طبّت الدار وشنو الظالم عمل
بمتوني سوطه لوّحه بذاك المحل . ويا فضه اصيحن وانه بأحضان الأجل
من شاهدتهم حوّطوني بوحدتي . وانه بنتك ما رعوها ألحرمتي
مثل أسيره صرت أحير بحشمتي . ومنه أعظم ما شفتها مصيبتي . مالي احد
**************
____________________________
فاطمه يا فاطمه .......... فاطمه يا فاطمه
***********
علينه أتهيج جروح اليوم . تعفرنه بعبيط الدم
وتثور أحزان الم وهموم . تمزقنه بسهام الهم
على الخدين دمع مرسوم . يعذبنه وكدر خذّم
حُزننا لا ينجلي . دمعُنا لا ينتهي
قلبُنا إذ يصطلي . نارهُ كألحاطمه
***********
جبال الهم علينه أتهون . لچن حزنچ يبنت احمد
ابد ما هان يألم الكون . بلا مقياس فلا ينعد
صبح بركان وسط العيون . بسعير النار يتفرّد
ساكنا وسط القلوب . لم نزل منهُ نذوب
خائضا فينا الدروب . نحو حربا قاصمه
************
بحر الألم تعالى الموج . خطى حدوده بمدامعنه
إذا ما يهيج يصير اعلوج . بمرارة آه تصارعنه
تجنّد سيل يسد أفجوج . لوين أنروح يتبعنه
لا يُدانا عمقهُ . أو يُصدَ زحفهُ
كُل روحٍ تحتهُ . في مأساً عائمه
************
بكسر ضلعچ كسيره أضلوع . عصرها البين يا لزهره
ومثل دمعچ ذرفنه أدموع . گضينه سنين با لعبره
على ونّچ نوّن ونلوع . وهلال الخير ننتظره
قُتفذُ منهُ كثير . والذي كان أمير
مثلهُ فينا يصير . في سلاطن حاكمه
***********
سواد الهم صبغ كل دار . يبنت الجود لمصابچ
وعلى كل باب تشب النار . تشابه نار من بابچ
ومثل ما صار علينه صار . وتخضّبنه بدمه اخضابچ
دورنا قد أحرقت . والأيادي وثّقِت
والقلوبِ مُزقت . من أناس ظالمه
************
__________________________________________________ ___________
يا دمعة العينين ... واسي الحسن وحسين
فوگ الجفن نصبي عزيه .. للطاهر ألزهره الزچيه
**************
دمعة الحرگه . ساعة الفرگه . نار من تجري
وصار يتلگه . الشهگه بالشهگه . بالأمر يدري
للحسن حگه . تأخذه العرگه . وهمه بيه يسري
حگه لون ينوح . فاگد عزيز الروح
ومحوط بهضم الرزيه .. للطاهر ألزهره الزچيه
************
والحسين بهم . وبدموع الدم . عينه مطاره
عالوجه يلطم . في وداع الام . بيه تشب ناره
لو قدر يحكم . كلنه نستسلم . نجرع أخطاره
لاكن صميم الذات . عند الهتف هيهات
بيه عاشت آلامه خفيه .. للطاهر ألزهره الزچيه
***************
من دمع عينه . يروي اسنينه . عاش ابو محمد
نوحه وونينه . يسري تكوينه . في جفون الخد
منهجه ودينه . بيه تربينه . من لبسنه اسود
خطوه أعله خطوه وياه . لحضه فرح لو اه
بهذا النهج سرنه سويه .. للطاهر ألزهره الزچيه
*************
مآتم ألزهره . للعگل يبره . وبالگلب منصوب
منغرس جذره . بذاته ويحضره . الواله داح البوب
يروى بالعبره . ويربه بالذكره . وبالعمر محسوب
بنت النبي ياسين . ما تمها وسط العين
وبكل ضلع ناره سريه .. للطاهر ألزهره الزچيه
************
مو دمع يذرف . لا دمه الينزف . شيعة ألبضعه
للأجل تزحف . وللوجل تنزف . مثلت شمعه
بحاله لا توصف . وبوضع يكلف . من تهل دمعه ِ
في خطة الأحزان . بين لضّا النيران
وتعانق إسهام ألمنيه .. للطاهر ألزهره الزچيه
***************
__________________________________________________ _________________