الك يامؤمن اقصد واحجي شصار عليه من رزايه
وعليك انت اتعض ورتب اثار ومقاصد هالبلايه
مصيبة زغر سني ضلع الزهره امي
بالمسمار بالباب عصرها وحل المصاب
الولايه رايد بالغصب اخذ الولايه
بدرايه هي مو اله وعنده درايه

وبعد كسر الضلع وفكد فاطم حزني صار اكبر
كملها عليه ابن ملجم بطبرة علي حيدر
طبره بسيف مسموم منها كلبي مالوم
وراسه صار نصين ياشيعه زيدو الونين
عليه عليه وعلى المصاب الولاني
شبيديه حتى النوم بعيوني جفاني

احا على مصابك ياخوي الحسن احا منه كلبي ورث
جابتله المنيه بماي مسموم جعده بنت الاشعث
خويه يابو محمد يالجبدك تمرد
عمت عيني ياخويه على مصلبك تجدد
حزني حزني وهمي واهاتي ودموعي
رجوعي رجوعي للحزن واجب رجوعي
شريد اوصف مصاب الصار بيه ياشيعه يوم عاشر
نزل دمعي دما بالغاضريهمن شفت المناضر
شفت الحسين يلناس عالغبره بلا راس
وشفت عالنهر طايح ابو المروه عباس
هضيمه بعد فكد الولي والله هضيمه
حريمه تمشي ميسره عياله حريمه