من سطر طاغي الخوارج فاطمه .. صاحت الحك يا ولينه الحادي

ـــــــــــــــــــــــــــــــــــــ
طاحت ودارت عليهه اهل الكفر

ونّت وشافت عذابات شكثر

طاح ابن حيدر يبوهه من العصر

بالزجيه اهل السقيفه تعادي

وين ابو القاسم يحامي لبضعته

بنته بالشده وتنادي بنجدته

صار ابو الكوثر يسير بدمعته

يبجي والهم عالاطايب سادي

يا هضيمه ام الاطايب تنولي

وينه قالع خيبره وحيدر علي

يامن بسيفه الشدايد تنجلي

ويعرف باسمه الجبل والوادي

هذه ابن حيدر تره المحسن وكع

والعرش بمصابه والصار انفجع

ليش ابن فاطم بلا ذنب انصرع

وين ابو الغيرة الفحل والهادي
رحيم الحسيني الحسناوي