جاكم الينصب عزاه على الدمه...ابن الاحرار
جاكم اليندل كبرهه لفاطمه...ياخذ الثار
خاسر المبعد عن دروب الولايه..جاكم اليفرض على الدنيه الهدايه
جاكم اليندل كَبرهه لفاطمه..ياخذ الثار
ــــــــــــــــــــــــــــــــــــــــــــــــ
ـــــــــــــــــــــــــــــــــ
كلف صبرك يبن حيدرنه لو تدري..يعظم الله باهلك اجرك واجري
دمه وسيل الدمه لحد مقدمك يجري..هدت كلهه الرعيه وما برد صدري
من عزه الزهره الدمع ياذي العلل...شابت انفاس
والغريب بكربلا بيوم انجتل...ما حنه الراس
عالعدل شد رايته بروس الرزايا..جاكم اليفرض على الدنيه الهدايه
جاكم اليندل كبرهه لفاطمه...ياخذ الثار

هوت بينه على دربك رايتك وحسين..عدل يبن العداله وقبلة الكونين
تهل بينه المدامع بالكَلب والعين...يبن سيف البطوله الدك علم بحنين
شهدت بحبك يصل ارض وسمه...عامر الكون
من يزل عنك يسد عينه العمه..يفلح شلون
خيلك تحط البدايه من النهايه...جاكم اليفرض على الدنيه الهدايه


شسولف والسوالف يالطهر شكبان..شهيد البالعرش حيرهه للازمان
عدم صارت ملوك وخادمك سلطان..منو الشك بالحقيقه ولا رهم ينهان
دفنو شكد بالحقيقه الواضحه..زمرة يزيد
والعكس كض العكس ويصارحه...والدمه تزيد
احنه كَوم الماترد يوم المنايه...جاكم اليفرض على الدنيه الهدايه
جاكم اليندل كبرهه لفاطمه...ياخذ الثار


ازل لو كلت انه بحبكم صدك وافيت...شموس الما علينه تطل يموت البيت
لون ادري بمماتي بحضرتك جاجيت...احط روحي على دربك وانتحب ياريت
ابقه يمك ما افارك حضرتك...والدواوين
واعتب على الما يقبل عتبتك...عالموالين
اَنه روحي على الدرب لاسمك وقايه...جاكم اليفرض على الدنيه الهدايه
جاكم اليندل كَبرهه لفاطمه...ياخذ الثار

عتب يبن البتول وعتبة الينخاك...عجول ومطمعه يشوف العلم ولواك
يبن خير البريه الما هوت تهواك...اذا جدّك علي لهاي الشدد سواك
شمتت بشيعة علي رجال الخمر...سود الوجوه
جم سقيفه البادلت دم بحبر..عادي ينسوه
عالعمايم عابت تصيح العبايه..جاكم اليفرض على الدنيه الهدايه
رحيم الحسيني الحسناوي