يبو فاضل دخيلك سيدي وبحماك....نويت اَنه اعتنيلك واحتمي برجواك
عبدكم تعرف بحالي...عدلكم عالعدل عالي
نويت انه اعتنيلك واحتمي برجواك
ــــــــــــــــــــــــــــــــــــــــــــــــــ
فحل عند الشدايد عالعلم جفك...امام الموزمات الوادم تعرفك
بدر ليلك طويل وما غمض طرفك....على عيال الحسين النامت بجرفك
اريدك تختصر دربي وتوصلني...هضايم بالبعد عنك تفصلني
عذاب الغربه جتالي...عدلكم عالعدل عالي



اذا تتركني عنك تلجم جروحي..بعد ماتسوه بعدك يالفحل روحي
لاخوك البالغرب كل ونتي ونوحي...عليه عفت الرغيده وتدمع سفوحي
انشدك بالنعتلك لا تواخذني...انه ادري مقصّر وحكَك تعاتبني
بلاكم شنهي يصفالي...عدلكم عالعدل عالي
نويت اَنه اعتنيلك واحتمي برجواك


عليل اليعتقد بيكم تضل حيره...يسرّ المرحمه العند الله تفسيره
سماحه انتم بطوله ومرجله وغيره...حلمكم عاليحبكم جنه تصويره
علم عدكم وانه اشكي العلّه والحاله...دخيلك والحسين وجده وعياله
صرت بيكم ذهب غالي....عدلكم عالعدل عالي
نويت اَنه اعتنيلك واحتمي برجواك


سلام على الزجيه ووالدة عباس...والحره العقيله ومنبع النوماس
على النحرو وريده لموتي محني الراس...احط روحي لجدم زواره والانفاس
امد روحي على درب الجافل الحره.....واسولف كل مصابي بحضرة العتره
فداكم اهلي وعيالي......عدلكم عالعدل عالي
نويت انه اعتنيلك واحتمي برجواك



وحيد ولا رحم هذه الزمن بيه.....اخذ عمري وعدد عشر العلل ميه
كسر فوك التعدو حدكم بفيه....وانه انطيت المضن يبن الطهر ديه
انه الماصح صديج اليرحم مصابي...تدك بس المصايب والحزن بابي
انه الهم صاير عدالي.......عدلكم عالعدل عالي
نويت اَنه اعتنيلك واحتمي برجواك