تويت
لگبور أهلها ألليله . زينب اجت والعيله
من ديرة الشام . وياها الأيتام
*** *** *** ***
عگب ذاك السبي وكثرة مواجعها * تخط اعله الوجه ردّت مدامعها
تسير أعله الجمر والهم يلوعها * وإذا حسره تمر چم حسره تتبعها
لأرض الطفوف أتعنت . وتزور أهلها أتمنت
تمليها الآلام . وياها الأيتام
*** *** *** ***
حرم وأيتام هالليله الگبر عمها * اجت تشرح هضمها وتشتكي هماها
مصايب عالوجن بالدمعه ترسمها * وجروح السفر لي هسه تؤلمها
لاذت حزينه أبكتره . بألطف تريد أتذكره
وبحرگ الخيام . . وياها الأيتام
*** *** *** ***
يتامه ومن عگب عينك حدوا بيها * ومشت بيد الكفر محد يباريها
ألسده بيعگوب مو مثل ألسده أعليها * ولا حتى ألجره اليوسف يواليها
طفله بطفل شدوها . وامن البچي منعوها
وتجرها ظلّام . وياها الأيتام
*** *** *** ***
جمر صار الدرب وأضحى المسير بليل * وبسب وشتم بيها لحداها أيعيل
سفرها أيام طوّل والدموع أتسيل * تسحگ بالمراره وتجرع أليا ويل
طول السفر ياذيها . ولعبره تسكن بيها
وتعد بالأيام . وياها الأيتام
*** *** *** ***
غدّت بعد ألجره الولياها ملهوفه * بشوگ الفارگاها وتأمل أتشوفه
جرح بيها اجت يم گبرك اتروفه * تسولفلك عله أهل الشام والكوفه
صارت تحوم بگبرك . عن السبوها أتخبرك
منها الگلب هام . وياها الأيتام
*** *** *** ***
الخادم ابو ايمان المجراوي
من ديرة الشام . وياها الأيتام
*** *** *** ***
عگب ذاك السبي وكثرة مواجعها * تخط اعله الوجه ردّت مدامعها
تسير أعله الجمر والهم يلوعها * وإذا حسره تمر چم حسره تتبعها
لأرض الطفوف أتعنت . وتزور أهلها أتمنت
تمليها الآلام . وياها الأيتام
*** *** *** ***
حرم وأيتام هالليله الگبر عمها * اجت تشرح هضمها وتشتكي هماها
مصايب عالوجن بالدمعه ترسمها * وجروح السفر لي هسه تؤلمها
لاذت حزينه أبكتره . بألطف تريد أتذكره
وبحرگ الخيام . . وياها الأيتام
*** *** *** ***
يتامه ومن عگب عينك حدوا بيها * ومشت بيد الكفر محد يباريها
ألسده بيعگوب مو مثل ألسده أعليها * ولا حتى ألجره اليوسف يواليها
طفله بطفل شدوها . وامن البچي منعوها
وتجرها ظلّام . وياها الأيتام
*** *** *** ***
جمر صار الدرب وأضحى المسير بليل * وبسب وشتم بيها لحداها أيعيل
سفرها أيام طوّل والدموع أتسيل * تسحگ بالمراره وتجرع أليا ويل
طول السفر ياذيها . ولعبره تسكن بيها
وتعد بالأيام . وياها الأيتام
*** *** *** ***
غدّت بعد ألجره الولياها ملهوفه * بشوگ الفارگاها وتأمل أتشوفه
جرح بيها اجت يم گبرك اتروفه * تسولفلك عله أهل الشام والكوفه
صارت تحوم بگبرك . عن السبوها أتخبرك
منها الگلب هام . وياها الأيتام
*** *** *** ***
الخادم ابو ايمان المجراوي