تويت
طال الهجر يالماخذ الروح . مهدي
عشناها دنيه أبغيبتك نوح . مهدي
يمته الفرج يا قائم إل آل . مهدي
**************
بين المواجع والفواجع كلنه عشنه
وتحالفت گوم السقيفة ضدنه
رغم النواصب ما ضعف عهدنه
يامهدي كل جمعه أنترقب معتقدنه
صار العمر آهات وآلام . مهدي
واصحبنه نجرع مر الأيام . مهدي
يبن الوديعة والسفر طال . مهدي
************
نورك يشع يمته على ألبريه
ريحانة احمد ضنوة الزچيه
مرفوعه يامهدي أيادي بكل مسيه
صحنه الفرج يا واهب العطيه
للباري وجهنه الوجه ليه . مهدي
وبدمعة الشوگ احنه ندعيه . مهدي
ذاب الگلب وتكدّر الحال . مهدي
************
عبر الزمن يالطوّلت سفرتك
نتوارث ألدمعه وحگ عترتك
انته أبونه وكلنه ياغايب أسرتك
مثل اليتامه وننتظر رجعتك
وينك فتحنه ألجيتك أبواب . مهدي
وستبشرينه وعفنه العتاب . مهدي
مهما الدمع فوگ الجفن سال . مهدي
*************
مرّت علامات واجت علامات
واحنه بعهدنه ما خضعنه هيهات
يا غالي وأغلى من اقرب الفلذات
مهما تطّول أنقرب المسافات
بينه الأمل يا شبل الحسين . مهدي
باقي أيتجدد واحنه باقين . مهدي
رغم الطُغاة وكل الأنذال . مهدي
************
ويه الآذان أيهل إلك دمعنه
يالعارف وتدري صعب وضعنه
خا نونه يالمهدي أسف ربعنه
حتى أبثلب عدوانك انمنعنه
كم شيعي خانك لأجل الأهواء . مهدي
ينعت خصومك خُطّه الحمراء . مهدي
ألعاف الأصل عنه المثل گال . مهدي
**********
يبن الصميده ويا حبيب ألزهره
والينه وبدم نفتديها ألعتره
من القتل جدكم يمهدي نبره
اليوم ألقيامه ونلعن الينصره
هاذي حقيقة وعنها منحيد . مهدي
خلي السياسة تصقل أتعيد . مهدي
مو بينه لا بالخان الإشكال . مهدي
***********
والعلوّي اليزعم محمد جده
ويه القتل آلك يسوي وحده
لا من حديث ولا خبر يرده
والطالح وصالح صحابه عنده
من هالنماذج عدنه آلاف . مهدي
والي كفر بالطاغي ينعاف . مهدي
وأهل العمايم تعبد أرجال . مهدي
**********
الخادم أبو إيمان المجراوي
حنينه يموعود .. نادينه يموعود .. والينه يموعود والينه يموعود
***************
يا يوم النصد بيه هالطلعه البهية
نور أيكحل العيون ويعم عالبريه
بالأم انتظرناك والدمعة شجيه
ننطر تطلب بثار ألزهره الزچيه
تانينه يموعود .. نادينه يموعود .. والينه يموعود والينه يموعود
***************
وينك يبن الاطياب ننتظرك تجينه
مرت سيدي سنين لغيابك علينه
كل شيعي الحزن بي وتهل دمعه عينه
نصبر والصبر نار والهم يسري بينه
ونينة يموعود .. نادينه يموعود .. والينه يموعود والينه يموعود
***************
يا ثار الله نرجاك بالزهرة الوديعة
مولاي الظلم صار يمليها الوسيعه
جارت بينه الأعداء يا محيي الشريعة
ذبحوا حتى الأطفال والعلة إنها شيعه
صد لينه موعود .. نادينه يموعود .. والينه يموعود والينه يموعود
***************
يا سيف العدل بيك معگوده الأماني
يا بسمه أعله الشفاه فاقت كل معاني
بغيابك يموعود عدينه الثواني
عانينه وصعب صار عمره إلي يعاني
هم بينه يموعود .. نادينه يموعود .. والينه يموعود والينه يموعود
***************
من كسر الضلع نار ما يخمد جمرها
تسعر بينه لليوم وننوح امن أثرها
للزهرة وره الباب الظالم عصرها
يالمهدي وتحداك من حين الصطرها
مهدينه يموعود .. نادينه يموعود .. والينه يموعود والينه يموعود
***************
فاضت سيدي دموم من يوم السقيفة
والدم بعده لليوم ما يگطع نزيفه
هجمه تشن الأشرار ضد ولد الشريفة
وال شايعهم يموت وبحاله مخيفه
قاضينه يموعود .. نادينه يموعود .. والينه يموعود والينه يموعود
***************
چم شيعي يموعود هاك اسمع خبرهم
منه وبينه ويگول ما نتبراء منهم
حيدر رابع أيگول والحگ ينطي الهم
ويگول الثلاثة يرضه الباري عنهم
جنينه يموعود .. نادينه يموعود .. والينه يموعود والينه يموعود
***************
الخادم ابو ايمان المجراوي
07801138315
07711208819
لا وين تاليها الصبر يالمهدي نادينه
أيام وسنين الهجر يمته تمر بينه
تانيناك .. ناديناك .. يمته تمر بينه
**************
الموالي ألجيتك يترقب أبعبره
يتأني وإلالام والهم وسط صدره
يغايب كل محب وعد الله ينتظره
نحلفك تنهض بضلع أمك ألزهره
نرجاك يبن العسكري ولعبره تملينه
جم دوب نبقى بهالعمر نسهر ليالينه
بايعناك .. ناديناك .. يمته تمر بينه
**************
على مر الزمان ألطلعتك ننطر
صبرنه أعله ألجره ونبقى بعد نصبر
سهم هجرك غده وسط الگلب يحفر
يبو صالح والدموع بدمه تمطر
بالعين دمعات الفگد يبن النبي أتلالي
وجروح ترسم بالجفن منتظره يالوالي
يومك ذاك .. ناديناك .. يمته تمر بينه
**************
حرب شن الدهر ضدنه ينور العين
ونواصب تزرع الموت بطريق حسين
الفتاوي يالغياث أتكفر الطيبين
وذنبنه شيعة الوالي ابو الحسنين
أنواع وآلاف الصور يا صاحب ألغيبه
بالعين راوانه الخصم ويزيد تعذيبه
واحنه آوياك .. ناديناك .. يمته تمر بينه
**************
علينه أتحالفت أهل الظلم والشر
وعلن أصبح خطابه اليرتقي المنبر
تفجّرنه وتهجّرنه وبعد أكثر
يمنعونه نزور حسين ابو الأكبر
معلون عالشيعه الحرب من عهد ابو ألزهره
وأعداء دينك حاربوا كلمن هوى ألعتره
وال يهواك .. ناديناك .. يمته تمر بينه
**************
عهد يبن النبي من شيعة الكرار
نضل رغم ألعده نتخطه عالاخطار
عشگناكم علن يا عترت المختار
ولايتكم سفينة وتنجي من النار
للموت كل شيعي اعتنه والروح ملهوفه
ولله كل قطرة دمه اليرميها بجفوفه
كلنه أفداك .. ناديناك .. يمته تمر بينه
**************
قسم بالأنبياء وكل ملك وإنسان
على هذا الطريق أنحارب الطغيان
نضل شوگه بمهج كل آل ابو سفيان
مادام الحسين أبداخل الوجدان
أفواج لحسين الولي تتعنه مشايه
وتصيح يا حامي الخدر يا صاحب الرايه
عد يمناك .. ناديناك .. يمته تمر بينه
**************
الخادم ابو ايمان المجراوي
07711208819
07801138315
07400661459
