زينب اگبـَـال الرمح .. وگفـَـت بهــالليله
ورَاس اخوهه المِنذبح .. تِنحـَـب وتشكِيله
******
اتـگله يارَاس العـزيز اهموم عندي ابلا عَدد
جيــت أَحـچــيلك عليهه لـنّـي ماأحمـِـل بَعـد
جبل من الحزن بيّه ابـگلـب عمره مَنـوِجَـد
والصـــبر حمّـل يراس وشَـال عني وابتـعَـد
وروحي ظلَت عالدرب مِن بِـعِـد تـُـومِيله
******
لهَـب بـگليبي يــراس ونـَـار مستَـعره جَمـر
مو عطــش والله يراس آلام مِـن هُــول الأمر
صح أنه والآه صحبَه ورَبع خويه امن الزغر
لكن بهـــاي المصيـــبه الآه تـالِــيهه الـگبر
واظِـن دَرب امنِـيّـتي بالجِــدم أمشِـيله
******
بِـيد دَهري الما رحمني اهنا وبِـكتاب الحِزن
انكِـتبت افصُـول العذاب وگمِت أقــرَاهه وأوِن
كل سطر شَـــايل مصيبه تِــجبر العاقل يِـجِـن
وكل حرف ياراس دمعه ذبـّـلت منـّـي الجفن
عفيه عيني وماعِمَت امن الجره وتَفصِيله
******
بعيني شِفت الشمر لمّن بالرِجل دَاس الصَدر
وشِـفته لمّن شال سيفه وگام يطبر بـي طـَـبر
ومن قـَـفـَه گطّع وريده انشَلّت ايدَه اشـگَد جَسِر
وشـِــفتك بهالحال بيدَه ودَمّـك الطــاهر يِخِـــر
شلون كَابَرت وشِفت وحَيلي قَـاوم حَيله
******
هذا مُــوش اعتَاب منّي وَحَـگ رمــح الرَافِـعَـك
وانه أدري شلون وَضعَك وادري شنهي اليمنَعَك
واعرُف شلون ابقسَـاوه اوصَال سيف البضّعَـك
إنته فوگالرمح عالـي وجسمَك ابحَد مَصرعَـك
نايم ودَاسَــه النذل ابكِل جَسـَـاره ابخَـيله
خادم أهل البيت // لقمان البدران