وزن (اخذ اخذ حكمة حيدر ) سيد محمد العوادي الكوفي


ابد ابد ما نتراجع يابو الاكبر
طلكنه الدنيه وجينه + كل واحد حر بدينه
ابد ابد ما نتراجع يابو الاكبر
+++++
1-
حسين لهلال ابن نافع + رايد يشوف التزامه
كله هذه الليل كرب + ارتقي صهوة ظلامه
هلعساجر ما تريدك + تريد عنوان الامامه
يبن نافع روح لهلك + واطلب دروب السلامه

وان جان تخشى الاخره
هاك العهود مدستره
وامي الزجيه الطاهره
ما تصيبك كل ندامه

الف الف مره اتكطع واتبتر
ما اغدر هذه طبعي + تعاهدت انه وربعي
ابد ابد ما نتراجع يابو الاكبر

+++++
2-
تعنه ابو اليمه العقيله + رايد يدانش فكرهه
يهدي كلب الحره زينب + يسكن الحسره بصدرهه
نشدته عن حالة اصحابه + غربل اتكله اختبرهه
ابن نافع بره يسمع + عرف مكصده وامرهه

كصد الانصار بهل الوضع
وينهمل من عينه الدمع
شرعب حبيب ومنفجع
اسد فارسه وفخرهه

هتف هتف يليوث الغاره بالمحشر
من امهه تنظر لينه + وحيدر يجي يحاجينه
ابد ابد ما نتراجع يابو الاكبر
+++++

3-
التمت الانصار كله + واجت يم زينب بهوسه
سلمت علحره نادت + خذنه من حيدر دروسه
يبن فاطم وانته تسمع + الصبح لو شرعت شموسه
هلعساجر كله تفنه + كبل ما حدكم تدوسه

ناوين جينه وما نرد
ميصدنه حر ولا برد
بالحرب باجر من تصد
يحمه الوطس بضروسه

تصد تصد ما نتزحزح ما نتقهقر
صفين بالطف تصير + نجدده ليلة الهرير
ابد ابد مانتراجع يابو الاكبر
+++++

4-
خجل الحسين وتوانه + بالجواب وشار لخته
واجه ابو فاضل يهرول + والعرك تارس لكصته
كال زينب لعد عينج + اكلب العالي اعله نصته
ولن حبيب يكله تكفه + زودك مجربه وعرفته

اخذ الهواشم للخيم
يعضيد الحسين الشهم
وانتي يزينب بالحرم
حسين منفارك وجهته

قسم قسم نقسم بالحرم والمشعر
نتكطع دون حدودج + واحنه تربية عودج
ابد ابد ما نتراجع يابو الاكبر
+++++
5-
برزة الفرسان بالطف + سوة الماصار بيه
شردة كل العساجر + قدمت نحور لوليه
راوتهم نجوم السمه + بظهر طلعتهن عليه
ضحت بذيج الارواح + اوفت ريحانة نبيه

ثبتت على الحر والظمه
رادت تواسي فاطمه
وحسين ابن حامي الحمه
للاجيال معلميه

درس درس ناخذ واليفوز الاشطر
من هلدرس نتعلم + ونضحي كل كطرة دم
ابد ما نتراجع يا ابو الاكبر
حيدر العذاري