الطور
https://www.youtube.com/watch?v=p4R5IR38_H8



هاك اخذ فص عيني + خويه بس حاجيني

1-
جيتك من الشام احدي بلهفتي يلوالي
اقسم عليك بعضيدك وبجرح دلالي
طلب عندي لا تردني وانته تدري بحالي
كوم ليه بجفك الزم محملي يلغالي

واخذ جفي ارويني
هاك اخذ فص عيني + خويه بس حاجيني
___
2-
اليوم اجيت لكربله وهنانه خط جدامي
عندي عتبه وياك وحده شلون اخيك ظامي
كطعوا وريده يخويه ونحره ينزف دامي
والشمر يزجرني تالي والرمح كدامي

بالصبر تدريني
هاك اخذ فص عيني + خويه بس حاجيني
___
3-
عكب عزي مدلله بين الاهل معروفه
باسمك واسم الولي يبن الفحل موصوفه
سلبوني على الهزل بالخطر محفوفه
الصار بيه ما حصل والخلك كله تشوفه

لهل السبي تخليني
هاك اخذ فص عيني + خويه بس حاجيني
___
4-
اختك بلا والي ظلت اه يسبع الكنطره
والعليل براسه طوكه والنسه متيسره
الطفل نبله بركبته وامه تمشي محيره
امشي ويه اجناب لني والاهل تحت الثره

شمري يجاريني
هاك اخذ فص عيني + خويه بس حاجيني
___
5-
والي تالي صفه علينه ابن ميسونه النذل
مجتفه كلهن خواتك ولن يجروهه بحبل
جنه موش اسلام احنه وجدنه هو اللي ارسل
بالخرابه صرنه تالي وشرد اكلك علحصل

فكرته يهديني
هاك اخذ فص عيني + خويه بس حاجيني
____
6-
طفله مرعوبه يخويه والدمع يتجاره
تريد يلفي حسين ليه مادرت باخباره
جابو الطشت وتشوفه اه يكلبي وناره
فغرة اعله الراس تالي والخلك محتاره

بالطشت فجعوني
هاك اخذ فص عيني + خويه بس حاجيني
___
حيدر العذاري