نزله طور عبود غفله
يله يبن العسجري خلي عسالك يشع + بيرغك حله وتعال نطفي نيران الدمع
1-
يله يبن المصطفى
شفرتك بيه الشفه
الدين علمامش صفه
منه مسلوب الدرع

2-
بيرغك من كربله
عكده بي متاصلة
انكطع جف الحامله
وكلب زينب منصدع

3-
الك كبه مفلشه
الصبر من يمنه مشه
ونار تلهب بالحشه
تسعر بوسط الضلع

4-
يا ضلع من فاطمه
حسبة عدنه وموزمه
البدر خر من السمه
لا اله شوف ولا سمع

5-
البدر خر يوم الحسن
التمت عليك المحن
بغيبتك غاب الامن
وحك اليتيمه انبلع

6-
الحك لدينك تعال
بين الحك والحلال
ناس ملتهيه بالمال
وصبح مختل الوضع

7-
الدين فر اعله الشجر
ماله طارش لا خبر
ساعه متشوفه وطفر
وصار عصفور الشرع

8-
شلون ابين يا امام
على الاسلام السلام
امتك صارت تنام
بين غدار وطمع

حيدر العذاري