إعـــــــلان

تقليص
لا يوجد إعلان حتى الآن.

اودعك ما اريد \ الشاعر ابو ايمان المجراوي

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • اودعك ما اريد \ الشاعر ابو ايمان المجراوي

    وداع .. گوه بالساني ألفظتها
    وداع .. غصب عني من گلتها
    أودعك ما أريد .. أودعك ما أريد
    *************
    يا حسين أوداعة الله وانه أروحن باليسر
    روحي يمك خويه تبقى وأخذ اوياي الصبر
    من غصب عني اعوفك گوه يحدينه الشمر
    والله لو بيده لخلصه أبحضرتك كل العمر
    حُسين .. ما يهون أعليه اعوفك
    حُسين .. عالثره امگطع أشوفك
    وأنه امشي بعيد .. أودعك ما أريد
    *************
    جمعوا اگبالي اليتامه خويه شدوها بحبل
    وانه من همي أراقب وبدمع حزني أهل
    جدمت يحسين يمي بعيني اشوفنها الهزل
    ما أروحن ودي والله يمك اهنانه أضل
    بچيت .. لاچن الگوم امنعوني
    بچيت .. حتى بسياط اضربوني
    صحت وينه العميد .. أودعك ما أريد
    *************
    ضلّمت والشمس غابت بينه حل وكت المغيب
    يا دموع العين كافي لا تصبين باللهيـــــــــــب
    سارت القافلة وانه أرد اشو فنه الحبيــــــــــب
    جرحي من افراگه يكبرعمري كله وما يطيب
    أروح .. خويه بالغربه سبيه
    أروح .. من اعوفك مو بديه
    وأطب انه ليزيد.. أودعك ما أريد
    *************
    ما ترك اسمك لساني ولا طبگ خويه الجفن
    صورتك بعيوني وانه الشوفتك يبن أمي احن
    يا حنين البيه يعجز كلمن أيوصفه يظــــــــن
    بينه من تحدي النواضح چنها وناتي تـــــون
    غريب .. وانه سموني الغريبه
    غريب .. وليروح شلون أجيبه
    الدهر مني اشيريد .. أودعك ما أريد
    *************
    بيه تحدي الناگه والفت ناظري أيسار ويمين
    بعيني واتفگد عيالك وانه مشبوگه الاديــــن
    چم يتيم وچم يتيمه احسب أطفال الحسيــــن
    خوف لا ينفگد واحد صحت زين العابديــن
    أصيح .. عمه يالسجاد عمه
    أصيح .. وليطيح شلون ألزمه
    بعد دمعي أشيفيد .. أودعك ما أريد
    *************
المحتوى السابق تم حفظه تلقائيا. استعادة أو إلغاء.
حفظ-تلقائي
x
إدراج: مصغرة صغير متوسط كبير الحجم الكامل إزالة  
x

اقرأ في منتديات يا حسين

تقليص

المواضيع إحصائيات آخر مشاركة
أنشئ بواسطة وهج الإيمان, يوم أمس, 06:34 PM
ردود 0
10 مشاهدات
0 معجبون
آخر مشاركة وهج الإيمان
بواسطة وهج الإيمان
 
أنشئ بواسطة ibrahim aly awaly, 16-05-2019, 10:16 PM
ردود 2
25 مشاهدات
0 معجبون
آخر مشاركة المعتمد في التاريخ  
أنشئ بواسطة وهج الإيمان, 07-03-2014, 04:19 AM
ردود 160
109,434 مشاهدات
0 معجبون
آخر مشاركة وهج الإيمان
بواسطة وهج الإيمان
 
أنشئ بواسطة وهج الإيمان, 31-07-2011, 12:18 AM
ردود 39
9,250 مشاهدات
0 معجبون
آخر مشاركة وهج الإيمان
بواسطة وهج الإيمان
 
أنشئ بواسطة وهج الإيمان, 20-02-2016, 04:56 AM
ردود 312
88,936 مشاهدات
0 معجبون
آخر مشاركة وهج الإيمان
بواسطة وهج الإيمان
 
يعمل...
X