اشلون
اشلون
اشلون ماننزف نهر
وحنه مالومه يصاح اضلوعنه
اشلون
نفرح اومن زغر
درس المدارس جوعنه
ناعور والدنيا قحط
دارت تصب ادموعنه
نتناج يادنيا وبس
لعبج طويل اوماتغير طوعنه
احنه لو نستاهد بلعبج خلاص
جاوججينه اشموعنه
لاجن عنيدة وبيج زود
حد مايخلص روعنه
اوياحسافه
من القهر يبست حلاة اورودنه
اوياحسافه
الماشروهن بالعتيك ادروعنه
باكو شمسنا من السطح
أورادوا ايقنعونه
شوفوني اضماد ودوى
لاجن ملح شيلي يصب بجروحنه
اشلون...نفرح
حجرن دمعاتنه وشل الماي
ظلي غريبه بلادمع يجفونه
اوسافروا خلانه بضكه اعداي
بس النعاوي املازمات ابيوتنه

تعبان اجيتك معتني
أزحف على عيوني يشوك اعيونه
من حيث شباجك وضلعي بجن
اونحينه صخر اسدودنه
أومضياف أعرفك للعدو
اوتدري الصبح سيفه يشك اصدورنه
اومانوفي لو نبجيك دم
لو كطعينه ازنودنه
انتم رسالة امعدله
اوبيكم حفظنه اوجوهنه