تويت
يا ظلام الليل ساعدني بدفنها... لا تخليني اشاهد دم جفنها
--------------------
اني حيدر يا ظلام وانت تدري ... محني جيت و ناوي ادفن بيدي عمري
انه ابو الشدات هسه دموعي تجري ... والله فرگة فاطمة كسرتلي ظهري
يا ظلام اخفي اثر ضربة متنها ... لا تخليني اشاهد دم جفنها
------------------
انتيهنا و راحت ايام المودة... ما تصير اثنين هي الزهرة وحدة
بعمري ما شايف نبي يسطروله خده... الله لا ينطي السطر خدها و تعدى
تخفي سطرتها عليا و تخفي ونها... لا تخليني شاهد دم جفنها
-----------------------
فاطمة الما شايف بعمري مثلها... بالوفه بالحب بالاخلاص بخجلها
هي كفوا لي وانا بس كفوا الها ... تالي مكسورة ضلع ياخذها اجلها
ها يا ليل وبس انا الاعرف حزنها ... لا تخليني اشاهد دم جفنها
----------------------------
شگد ثگيلة الهضمة يا ليل المصيبة ... حسبي الله و لو متت لا مو عجيبة
الموت الف مرة ولا فقد الحبيبة... الفرگة غربة و روحي هالليلة غريبة
روحي حنت حيل يا ليل لوطنها ... لا تخليني اشاهد دم جفنها
-------------------------
انه ابو الشدة علي و الدنيا تشهد... ما گلت اه بحرب لا هايب احد
هسه ما اگدر اگوم وحيلي منهد ... كل شي بيه يصيح يا بضعة محمد
يا تراب ولا تأذي ام حسنها... لا تخليني اشاهد دم جفنها
-------------------
طايح گبال الگبر وانده يزهره ...حيدر بلياچ طاح ومحني ظهره
بعيني بعدك بينت من رحتي كسره... وصرت اشوف الدنيا كلها بعيني حسره
شعنده وياي الزمن يحرمني منها ... لا تخليني اشاهد دم جفنها