إعـــــــلان

تقليص
لا يوجد إعلان حتى الآن.

عشوقــــــــة و مذكرات عــــــــــــائلة

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • #16
    و هذا الجزء (5)

    البنات ركضوا بسرعة ويه ابوهم صوب امهم

    الوالد محمد : بسم الله عليج ,,, علامج ؟

    الام ليلى : الحق بنتي بتموت ,,, بسرعة خل نوديها المستشفى ,,

    الوالد محمد : انشاء الله انتي هدي شوي ,, المخلصه بابا روحي شغلي السيارة بسرعة

    هاج المفتاح ...

    المخلصه : انشاء الله

    سوسا و بنوتة مصدومين واقفين بدون ما يتحركون ما يقدرون يسوون شي

    و في الطريق الام (ليلى) قاعدة تبجي بصمت ,, و الوالد يسوق بسرعة هذا زين ما دعم ههههههه

    وصلوا المستشفى و على طول راحو ( الطوارىء) ....

    دخلوا عشوقة الغرفة بسرعة لان حالتها الصحية ما تتحمل التأخير أكثر من جذي ,,

    اما الوالد و الوالدة قعدوا على مقاعد الانتظار ....

    ليلى قاعدة تتذكر اللي صار امس و هي تسمع بنتها تشاهق و تبجي ...

    و محمد كان يكثر من الدعاء و يطلب حق بنته بالشفاء العاجل ...

    البنات في البيت يحاتون اختهم .... فاتحين مناحة ,,,,,

    شوي و طلع الدكتور ...

    ليلى و محمد في نفس الوقت : هاه دكتور بشر

    الدكتور : لأ لا تخافون اهي الحين بخير ,, الحمد لله عدت سليمة

    محمد : الله يبشرك بالخير و الجنة يا دكتور

    الدكتور يبتسم و يمشي بس محمد ناداه

    الدكتور : نعم ,, بغيت شي اخوي ؟

    محمد : متى نقدر ناخذها ويانا البيت

    الدكتور : الحين , بس لازم تاخذون الأدوية قبل

    محمد : انشاء الله

    كانت تحس بالآلام من كل جهة .... تحس بالألم ينخر عظامها .... بينت للكل شكثر اهي ضعيفة البنية

    بحيث انها قدرت تلقط المرض بأسرع مما كانوا يتصورون

    دخلت عليها أمها بهدوء و تمت تمسح على راسها

    عشوقة ابتسمت ابتسامة واهنة

    تموا على هالحال جم دقيقة ,, دخل محمد عليهم و في يده الجيس مال الأدوية

    عيونها تمت تطالع فيهم ,, تبي تروي قلبها من شوفتهم ,, حست في لحظة انها ما بتشوفهم

    عقب هاليوم ...

    سالت دمعة حارة من زاوية عيونها

    مسحتها بهدوء و رفعت راسها الثقيل تبي تقوم من السرير ...

    وقفت و تمت تترنح في مشيتها كانها وردة خريفية ...

    شافت ابوها يبتسم ما قدرت تيود عمرها و حضنته بقوة ... مثل ما تهادت الوردة الخريفية على

    سطح الماء

    تمت تبجي بهدوء

    الصمت كان يلف المكان

    رفعت راسها و شافت الدمعة تتلألأ في عيون ابوها من الصعب عليه يشوف احد بناته بهالضعف

    مشت صوب امها و يودت يدها و هي متسكرة بنشوة الفرح

    عشوقة بصوت مبحوح : ابي اروح البيت لاعت جبدي من ريحة المستشفى عافان الله هههههههه

    تموا يطالعونها باستغراب بس شافو ضحكتها ضحكوا وياها

    رجعوا البيت و اول ما وطأت أقدامها أرض البيت حست بالحنين الجارف لخواتها .>> فلم هندي ههههههههه

    و تمت تمشي بهدوء و هي تطالع كل ركن في البيت و كل زاوية ... كأنها تشوف البيت لأول

    مرة .... شافت خواتها يبجون و قعدت تضحك هههههههههههه رفعت كل وحدة راسها شافوها

    التموا الخوات كل وحدة تحضن الثانية ......... >>> آخ حتى دمعتي نزلت

    حست بالخجل ما تدري ليش يمكن لابتعادها عنهم ........

    يتـــــــــــــــــــــــــــــــــبع في الجزء (6)

    تعليق


    • #17
      أتـــــوقــــع

      ان عشوقة مرضها صعب ..

      ويقعدون وياها .. وما يسافرون !!

      ولجنة الاستقبال .. يطلع ولد الجيران ههههه


      شـكـراً عشوقة عالقصة

      تعليق


      • #18
        ههههههههه انشاء الله تكون توقعاتج صحيحة

        شكراً على المرور

        نسيت ما حطيت الاسئلة هههه

        هل بيتأجل السفر بسبب مرض عشوقة ؟

        يا ترى هل ممكن تصير نكسة صحية شديدة تاثر على عشوقة بشكل كبير ؟

        شاللي خلى عشوقة تتغير و تحس بالحنين الجارف الى البيت ؟

        هل من الممكن تطلع شخصية جديدة بارزة في القصة ؟

        فطووووم اهلها بوافقون على السفر الى نيويورك ؟

        شراح يصير في القصة عشان تتغير 180 درجة ؟

        لا تنسون كتبوا توقعاتكم ......

        ترقبـــــــــــــــــــــــــــــــــــــوا الجزء (6)

        تحاياي السكرية
        التعديل الأخير تم بواسطة عاشقة اهل العترة; الساعة 01-07-2006, 05:01 PM.

        تعليق


        • #19
          فديتج يا عشوقة

          ههههههههههههه صج انتي رووووووووووووووعة

          ولا كاتبة عني وعن المخلصة وسوسا أخجلتيني

          والله آنا فرحانة لان اني معاكم بالقصة

          أحبج يا عشوقة فديتج والله

          مشكووووووووووووووورة وننطر الأجزاء على أحر من الجمر

          تعليق


          • #20
            ههههههههه و فديت اللي تفداني الحمد لله يعني عجبتج القصة

            افا عليج هذا شوي في حقكم و الله المهم طمنيني عليج اخبارج الحين احسن ؟

            ما كتبتوا توقعاتكم مو مشكلة

            بعد شوي الجزء (6)

            تحاياي

            تعليق


            • #21
              و هذا الجزء (6)

              عشوقة : بس عاد ذبحتوني ههههههههه

              المخلصه ( عيونها تلمع من الفرحة ) : فديت روحج خيوو نورتي البيت و الله

              سوسا : كنا خايفين عليج وايد ,,,, الحمد لله على كل حال

              لمعت عيونها بالدموع ,,, تحس بأنها ساذجة و غبية ,, لأنها ما قدرت النعمة اللي اهي فيها

              ظلت منزلة راسها تحاول تخبي الدموع اللي نزلت حارة و بللت ويها ,,,

              بنوتة انتبهت لها : لا اله الا الله ,, البنية توها يايه و حصلت كل هالدلع و الله حالة لا و القهر آخر العنقود بعد

              و احنا يعني خلاص صرنا طوفة هبيطة ؟ ههههههههههه

              عشوقة : لا انتي الكل بالكل حبيبتي ,,, و بعدين صدق اللي تقوله لا تخلوني اصدق عمري وايد ههههه

              سوسا : صدقي صدقي ,,, مو كل يوم عيد هههههه

              عشوقة : ههههههههه

              الام ليلى : حسبي الله على بليسكم خليتوني انسى اقول لاختكم عن ......

              عشوقة : عن شنو يمــــــه ؟

              الام ليلى : بنسافر هالسنة

              عشوقة : صج و الله ؟

              الام ليلى : ههههههههههه اي

              عشوقة : وين بنروح ,,, لا يكون بتودونا هاواي هههههههههه

              بنوتة : ما يضحك ها ها ها

              المخلصه : ههههههههههه الحمد لله على نعمة العقل

              الوالد محمد : عشوقة بنروح نيويورك

              عشوقة : ونـــــــــــــــاسة ابي اروح السنترال بارك

              بنوتة : اي حتى انا قلت جذي ,,, فديتج تقرين افكاري صدق ساحرة

              عشوقة : ماما انا بروح اريح شوي تعبانة اوكي ؟

              الام ليلى : ما عليه روحي بس لا تشغلين المكيف لا تزيد الحرارة

              عشوقة : انشاء الله

              المخلصه : خليتوني ابجي وايد ,,, احس بالكسل و الخمول الحين

              سوسا : اي و الله حتى انا

              الوالد محمد : اصلاً مبين شوفو روحكم ,,, هههههههه العيون متورمة الويه متنفخ

              الكشه طايرة ههههههههه

              بنوتة : يلا عاد بابا لا تقول جذي

              الوالد محمد : ههههههههههه مادري عنكم فاتحين عزا ,, في البيت

              المخلصه : هههههه انزين سمعوا انا في خاطري العب كرة قدم من يبي يلعب ؟

              بنوتة : اكيد انا و سوسا بس ,, عشوقة لو تلعب ويانا احسن لان الحركة يمكن تخليها تشفى اسرع

              المخلصه : اي ,,, اصلا اهي تحب تلعب كرة القدم تموت عليها بروح اشوفها

              بنوتة : اوكي

              المخلصه تطق باب الغرفة ( غرفة عشوقة )

              عشوقة : ادخل

              المخلصه بابتسامة >>> ابتسامة كريست تسوي دعاية حق المعجون خخخخخ

              المخلصه : بنلعب كرة قدم ,,, فكرت فيج على طول اعرفج تحبين تلعبينها وايد

              عشوقة بابتسامة اكبر : بلعب وياكم ,, بس بابا بيلعب ويانا ؟

              المخلصه : مادري عنه بس اذا شافاج ويانا اكيد بيتشجع و بيلعب

              عشوقة : هههههههه اخاف حتى امي تلعب هههههههههه

              المخلصه : ههههههه الله يغربل بليسج ,,

              نهاية الجزء (6)

              شبصير في المباراة ؟ هل من الممكن تتعرض عشوقة لنكسة صحية شديدة مرة وحدة ؟

              فطوووم بوافقون اهلها على السفر الى نيويورك ؟

              منو الشخصية الجديدة اللي بتطلع في القصة ؟

              شاللي بخلي القصة تتغير 180 درجة ؟

              هل من الممكن تتبدل حياة عشوقة بهالسرعة ؟

              هل بيتأجل السفر بسبب مرض عشوقة ؟

              توقعاتكم لا تنسون تكتبونها هذا شي مهم بالنسبة لي ,,,

              ترقبـــــــــــــــــــــــــــــــــــــــــوا الجزء (7) قريباً

              تعليق


              • #22
                بسم الله الرحمن الرحيم

                اللهم صل على محمد وآل محمد الطيبين الطاهرين

                داام القصة فيها لعب رياضة ولا كرة قدم حلووو

                عشووقة بترتااح ما بيصيدها شيء في اللعب

                فطووم أهلها بووافقوون على انها تساافر معااهم

                عشووقة أحسها بتكون افضل لما تساافر

                تحياتي الخيالية

                تعليق


                • #23
                  هههههههههههه انشاء الله تكون توقعاتج صحيحة

                  الجزء السابع بعد شوي

                  تحاياي السكرية

                  تعليق


                  • #24
                    عشوقة تركض ويه المخلصه يتسابقون على الدرج ههههه ,,, بس المخلصه عاد

                    من يتحداها ماشاء الله ,,, قدرت تغلب عشوقة في ثواني ,, أصلاً حتى مرض عشوقة ما كان

                    يساعد what ever ,,,,,

                    عشوقة و هي تتنفس بسرعة تملأ رئتها المكبوتة بالهواء : يوبا ؟

                    الوالد محمد : همممم ؟

                    عشوقة بمرح كبير : يوبا ,,, تلعب ويانا كرة قدم ؟

                    الوالد محمد يضحك عليها و على النشاط الزائد اللي فيها : هههههههه اوكي يلا

                    عشوقة تبتسم : اوكي يعني تقدر تقنع امي تلعب ويانا

                    الوالد محمد : ههههههههه امج مادري عنها و الله من زمان ما لعبنا بروح اشوفها

                    عشوقة : لا لا خلك انا بروح

                    الوالد محمد : عيل لحقينا احنا في الحديقة اوكي ؟

                    عشوقة : صار ,,,

                    عشوقة : يمــــــــــه ؟

                    الام ليلى : انا في المطبخ ( كانت تشرب ماي )

                    عشوقة : قومي بنلعب كرة قدم كلنا

                    الام ليلى : لا مافيني اتكسر او يصيدني شي ,,, بعدين انا عيزت كبرت على هالسوالف

                    عشوقة و هي تاشر على امها و تضحك بشكل مو طبيعي >>> لا تلومونها مستخفة ههه

                    عشوقة : ههههههههههه طاع هذي يمه توج شباب ما خطرتي ال 30 تقولين عيوز هههه

                    اكيد من بناتج مشيبينج و مطلعين لج قرون هههههههههههههه

                    الام ليلى : روحي لا الحين افلعج بالغلاص

                    عشوقة و هي تروح صوبها : افا الحلو زعل ؟

                    الام ليلى تتغلى >>> نذالة هههه : مو شغلج روحي لعبي فكيني من هالصدعة

                    عشوقة : يلا عاد يمه كنت امزح

                    الام ليلى : مادري عنج شوفي شتقولين

                    عشوقة : يلا عاد يمــــــــــــــــــــــــــــــــــه لا تسوين جذي

                    الام ليلى : انزين ابوج بيلعب

                    عشوقة : اكيد بيلعب ,,,

                    الام ليلى : عيل امشي ,,,

                    عشوقة الشريرة غمزت لها : ههههههههههههه صدقت عاد انج يايه تلعبين عشان سواد عيوني ,,,

                    قولي لان ما تقدرين على فراق الحبيب

                    لحقت وراها امها ,,, شوي الا عشوقة تدعم في الطوف ,,,

                    عشوقة : آآآآآآآآآآآآآآآآآآآآآآآآي يعور

                    الام ليلى : هههههههههههههههه زين عشان تتادبين ,, لسانج يبي له قص

                    عشوقة : حرااااااااااااااام انا ما قلت الا الحقيقة و الواقع

                    الام ليلى : و اللي يعافيج يا ام الحقيقة و الواقع طوفي جدامي اشوف ,,, اكيد ينتظرونا الحين

                    راحو الحديقة الا بنوتة تصارخ : هلموا اخواتي لنكسر رؤوسهم هههههه

                    عشوقة : لحظة لحظة ,, اول فريق فريقنا انا و بابا ويه امي في فريق

                    انتي و سوسا و المخلصه في فريق

                    بنوتة : انزين الا اهو يلا بنبتدي ,,,

                    سوسا : لااااا لحظة

                    بنوتة : شنو بعد ؟

                    سوسا : لازم فيه جائزة بدل الكأس

                    المخلصه : اي و الله ,,, صح اذا فاز فريقنا فريقكم بنفذ كل اللي نطلبه منه

                    و اذا فاز فريقكم احنا نفذ كل اللي تبونه ,,,

                    بنوتة : give me 5 sis

                    ههههههههههههه و الله حالة

                    و بدا اللعب

                    سوسا تشوت الكرة على المخلصه لكن الوالد قطعها >>>> يا عيني ماقدر انا ههههه

                    و يتقدم بسرعة و يعطي عشوقة الكرة و ذيك الهبلى تناقز كانها مينونة >> لا حول الله هههههههه

                    و تسجل غوووووووووووووول ,,,

                    عشوقة : yahoooooooooooooooooooooooo give me 5 dady

                    بنوتة عصبت و اخذت الكرة بسرعة عطت المخلصه و ذلاك العباقرة مستانسين بالغول >> ما يدرون بالدنيا

                    و تسجل المخلصه غوووووووول

                    بنوتة :

                    و تم الحال جذي آخر شي فازو فريق المخلصه ,,,,,,,,, هارد لك عشوقة

                    دخلوا داخل البيت

                    و الثلاثي المرح ( سوسا - المخلصه - بنوتة ) وحدة تطبل وحدة تغني وحدة تناقز >>>> ههههههههههه

                    المخلصه : ياهووووووووووو ماصدق ان احنا فزنا و الله

                    سوسا : ههههههههههههه اي كنا نستحق الفوز ضلوعي كلها تعورني

                    بنوتة تطالع عشوقة المنقهرة : ههههههههههه

                    كل واحد راح يسبح بعدين نزلوا ,,,,,,

                    المخلصه : يوبا ؟

                    الوالد محمد : همممم ؟

                    المخلصه : اتصلت في بيت خالي ؟

                    الوالد محمد : لا الحين بتصل فيهم

                    المخلصه : اي يوبا عفية ,,,,,

                    الوالد محمد : محد يشيل التلفون ,,, بطرش حق خالج مسج بنروح لهم في الليل

                    المخلصه : صج و الله ؟

                    الوالد محمد : هههههههه اي

                    المخلصه : بروح اقول لهم ,,,,

                    المخلصه طقت الباب و دخلت كانوا سوسا و بنوتة قاعدين يسولفون ,,,,

                    سوسا : بسم الله شلون طفرتي جذي ؟

                    المخلصه : هههههههههه بعد ,,, اقولكم ؟

                    سوسا : شنو ؟

                    المخلصه : بنروح بيت خالي تجهزوا

                    سوسا : يااااااااااااااي وناسة و الله

                    بنوتة : تعالوا انتو لا تنسون الجائزة مالت المباراة تشرطو على كيف كيفكم

                    سوسا : اي و الله ,,, انا نسيت السالفة بالمرة

                    هل من الممكن تتعرض عشوقة لنكسة صحية شديدة مرة وحدة ؟

                    فطوووم بوافقون اهلها على السفر الى نيويورك ؟

                    منو الشخصية الجديدة اللي بتطلع في القصة ؟

                    شاللي بخلي القصة تتغير 180 درجة ؟

                    هل من الممكن تتبدل حياة عشوقة بهالسرعة ؟

                    هل بيتأجل السفر بسبب مرض عشوقة ؟

                    توقعاتكم لا تنسون تكتبونها هذا شي مهم بالنسبة لي ,,,

                    ترقبـــــــــــــــــــــــــــــــــــــــــوا الجزء (8) قريباً جداً

                    تعليق


                    • #25
                      تكملة الجزء (7) بعد شوي

                      تحاياي السكرية

                      تعليق


                      • #26
                        تكملة الجزء (7)

                        راح كل واحد يتجهز ,,, اما عشوقة ما تدري بشي راحت بس تسبح حست بنشاط غريب

                        و حيوية ,,, كانها شخص ثاني ,,,, يمكن من اللعب ,,,,

                        كانت تحس بشوية تعب بس قالت ما بتنام لا تزيد الحرارة ,,,,

                        دخلت عليها سوسا

                        سوسا : عشوووقة بنروح بيت خالي

                        عشوقة : الحين ؟

                        سوسا : اي

                        عشوقة : اوكي يلا

                        بعد ما تجهزوا كلهم ركبوا السيارة و انطلقوا لبيت خالهم ,,,,

                        اهناك الجو عندهم ممل وايد ,,,,

                        فطوم قاعدة ويه اخوها لجنة الاستقبال يطالعون التلفزيون

                        فطوم : اففففف ملل حده

                        لجنة الاستقبال : ادري تخبريني يعني ؟

                        فطوم : تدري وين امي ؟

                        لجنة الاستقبال : لا مادري

                        فطوم : اصلا انت عن شنو تدري و لا شي

                        لجنة الاستقبال : تدرين شنو في خاطري ؟

                        فطوم : شنو ؟

                        لجنة الاستقبال : نسافر ,,, ذيك السنة الوحيدة اللي ما سافرنا فيها لازم نسافر هالسنة

                        انا ما اتحمل جذي صراحة

                        فطوم : آآآآآه يا ليت و الله ,,, تعال انت وين اخوك اكيد ويه ربعه هنيا له 24 ساعة برى البيت

                        مو احنه الحمد لله و الشكر

                        بدخلة اخوهم الكوثر

                        الكوثر : كاني سمعت احد يطريني ؟

                        فطوم : لا اله الا الله حشى مو اذن هذي ,, مكبر صوت

                        الكوثر : ها ها ها ارجوج ما اتحمل بموت من الضحك انا بطني يعورني >>> ههههههههههههههه

                        عطته نظرة و لفت ويهها تطالع التلفزيون ,,,,

                        بعرفكم شوي ببيت الخال

                        الخال علي و زوجته اسمها مريم

                        عندهم اولاد ثنين الكوثر اكبر واحد و لجنة الاستقبال هذا اصغر من فطوم

                        و بنت وحدة تعرفونها فطوم

                        شوي الا يطق الجرس ,,,,

                        الكوثر : فطوووم روحي شوفي الباب بليـــــــــز

                        فطوم : اففف ما فيني شدة

                        الكوثر : عرفت شفيج اكيد فيج ضمة

                        فطوم : هيهيهي عن يا زعم ينكت بروح اشوف الباب احسن لي

                        فطوم : منو ؟

                        الام ليلى : انا عمتج ليلى

                        فطوم : لحظة

                        راحت تلبس لها شيلة عن زوج عمتها

                        و بطلت الباب : هلا هلا عمتي ,,, حياكم تفضلوا

                        الام ليلى : زاد الله فضلج ,,

                        البنات شافوا فطوم كل وحدة تحضنها ,,, عشوقة تحس بالحرارة تزيد و الآلام رجعت مرة وحدة

                        بس ما قالت شي عشان لا يحاتونها >>> ما تستاهل مسكينة

                        العمة ليلى : اخباركم شباب ؟

                        الكوثر : الحمد لله بخير عمتي انتوا اخباركم بعد شمسوين ؟

                        العمة ليلى بابتسامة : نحمد الله

                        فطوم : بروح اشوف امي عن اذنكم

                        العمة ليلى : اذنج معاج بنيتي

                        فطوم : يمـــــــــه ؟

                        الام مريم : شفيج تصارخين ؟

                        فطوم : لا بس ابي اقولج ان بيت عمتي عندنا بالبيت

                        الام مريم : حياهم الله ,, الحين يايه لهم

                        فطوم نزلت : الحين يايه

                        العمة ليلى : انزين وينه ابوج ؟

                        فطوم : مادري عنه الحين بيي

                        بدخلة الخال : السلام عليكم

                        العمة ليلى : و عليكم السلام اخبارك اخوي ؟

                        الخال علي : الحمد لله بخير اسال عنج

                        العمة : سالت عنك العافية

                        فطوم : بنات تعالوا بنروح فوق غرفتي

                        المخلصه : اوكي يلا

                        عشوقة ما قدرت تقوم فضلت تقعد صوب امها

                        الخال علي : علامج عشوقة ؟ شكلج مو طبيعي

                        عشوقة : ممما كو شي خالي شوي صخونة ,,,

                        الخال علي : الله يعطيج الصحة و العافية

                        عشوقة : وياك الغالي

                        الوالد محمد : اممم علي ابي اقولك ليش احنا يايين ,,, هالسنة بنسافر ويه البنات

                        الخال علي : ماشاء الله على وين انشاء الله ؟

                        الوالد محمد : نيويورك ,,, بس البنات يبون بنت خالهم وياهم ,,,,

                        الخال علي : ما عندي مانع بس انا اقول نسافر كلنا احسن يعني احنا وياكمــ لان الشباب

                        قالوا يبون يسافرون هالسنة بعد ,,,

                        الوالد محمد : خلاص بنحجز لنا كلنا عيل ,,

                        الخال علي : توكلنا على الله

                        فوق عند البنات وحدة قاعدة على النت ( سوسا ) و وحدة تقرا قصة حق اغاثا كريستي ( بنوتة )

                        و ثنتين يلعبون سوني ( بلاي ستيشن ) و هم يسولفون ( المخلصه و فطوم )

                        فطوم : اقول المخلصه ؟

                        المخلصه : هلا ,,, آمري تدللي ,,,

                        فطوم : ما يآمر عليج عدو بس انا لاحظت ان عشوقة مو طبيعية ,,, علامها .؟

                        المخلصه : مريضة شوي

                        فطوم : اسم الله عليها شفيها ؟

                        المخلصه : صخونة شوي ,,,

                        فطوم : سلامات ما تشوف شر ,,

                        المخلصه : الشر ما اييج انشاء الله

                        * شاللي بخلي القصة تتغير 180 درجة ؟

                        هل من الممكن تتبدل حياة عشوقة ؟

                        هل من الممكن تطلع شخصيات اكثر في القصة ؟

                        توقعـــــــــــــــــــــــــــــــــاتكم مهمة بالنسبة لي لا تنسون تكتبونها ,,,,,

                        ترقبـــــــــــــــــــــــــوا الجزء (8) قريباً جداً ,,,

                        تحاياي السكرية

                        تعليق


                        • #27
                          تسجيل متابعه


                          الله يعطيج العافيه أختي عاشقة اهل العترة


                          بإنتظار الجزء الثامن


                          تحياتي ،،


                          الكوثر

                          تعليق


                          • #28
                            بسم الله الرحمن الرحيم

                            اللهم صل على محمد وآل محمد الطيبين الطاهرين

                            فديتج عشووقة

                            قلت يمكن الصديق الخياالي الكوثر طلع ولد خالنا

                            اتوقع بتطلع شخصيات أكثر

                            فيني فضوول منو الصديق الخيالي

                            اتووقع ما بيتأجل السفر و بتتحسن صحة عشووقة بالسفر وبتتشاافى تماماً

                            تحياتي الخيالية

                            تعليق


                            • #29
                              ههههههه

                              يحليلج يا عشوقة ... أحداث مشوقة

                              أتوقع .. الأم راح تموت .. وتتغير أحداث القصة 180 درجة .. وما يسافرون
                              << قامت تفاول عليهم

                              وراح تتبدل حياة عشوقة للأفضل لأن أمها ماتت .. وتصير خوش بنية وعلى طول تضحك ..
                              وتلعب ويا خواتها ..


                              وراح تطلع شخصيات يديدة .. لأن الأبو راح يتزوج وحدة ثانية .. ونبع الكوثر اهيه الزوجة اليديدة

                              تعليق


                              • #30
                                هههههههه

                                شنو هالكلااام سوسا هههههههه


                                جذي إلا بتزيد حالة عشووقة

                                ننتظر جديد عشووقة

                                تعليق

                                المحتوى السابق تم حفظه تلقائيا. استعادة أو إلغاء.
                                حفظ-تلقائي
                                x
                                إدراج: مصغرة صغير متوسط كبير الحجم الكامل إزالة  
                                x

                                اقرأ في منتديات يا حسين

                                تقليص

                                المواضيع إحصائيات آخر مشاركة
                                أنشئ بواسطة مروان1400, يوم أمس, 07:02 AM
                                ردود 0
                                10 مشاهدات
                                0 معجبون
                                آخر مشاركة مروان1400
                                بواسطة مروان1400
                                 
                                أنشئ بواسطة وهج الإيمان, 18-09-2019, 04:57 AM
                                ردود 2
                                42 مشاهدات
                                0 معجبون
                                آخر مشاركة وهج الإيمان
                                بواسطة وهج الإيمان
                                 
                                أنشئ بواسطة وهج الإيمان, 19-09-2019, 10:46 PM
                                ردود 0
                                36 مشاهدات
                                0 معجبون
                                آخر مشاركة وهج الإيمان
                                بواسطة وهج الإيمان
                                 
                                بواسطة ابوامحمد
                                أنشئ بواسطة ابوامحمد, 20-09-2019, 02:14 PM
                                استجابة 1
                                11 مشاهدات
                                0 معجبون
                                آخر مشاركة وهج الإيمان
                                بواسطة وهج الإيمان
                                 
                                أنشئ بواسطة وهج الإيمان, يوم أمس, 05:58 AM
                                ردود 0
                                13 مشاهدات
                                0 معجبون
                                آخر مشاركة وهج الإيمان
                                بواسطة وهج الإيمان
                                 
                                يعمل...
                                X