نتواعد ويه الفرح والوعد صار سنين

لامر عليه بحلم لاشفته شوف العين

ياصوب باب الفرح دلوني يالطيبين

اخذ له مشة عرب سادة وربع طيبين

گالوا يا هل الغريب شردت تنشد الفرحانين

روح انزوي بعبرتك رافگ الحزنانيــــــــــن

ونشدت ..ياصوب باب الفــــــــرح

گــــالوا : لي انت منيـــــــــــــــــن

گلت انه شيعي النسب واسكن بگاع حسين

وكل يوم احن لعلي ولما أله چفيــــــــــن

آنه بعاصمة موطني بيها زهت گبتين

جنوبي اني..ورغيف امي اسمر حلو بسمرة البصرين

وبالكاظمية الي ربع وأهــل طيبـــــــــين

عراقي اني وهلي بالغيرة معروفيـــــــــن

جنوبي طيب گلب ماخالطت وجهين

أهل الفرات اخوتي بالكرم موصوفيــــن

عاصمة گلب النجف وابعدها عني البين

گالوا عراقي !!گلت اي والحسن وحسين

گالوا لك اندار الفلك وصرتوا مذمومين

واهلك الچانوا گبل بالخيــــــــر موصوفين

مسكم العوز وياوسف واصبحتوا جوعانين

انشدت ياصوب باب الفرح..گالوا لي متأسفين

ممنوع هسه الفرح عن العراقييــــــــــــــــــــــــن



جريح العراق