تويت
حيــــــــــــــــــــــــــــــــــــــــــــــــ ـــــــــــــــدرا (ع)
حيدرا
بهل اليوم هذا العلي حي مرضعا وحي درا
نصبة الباري ولي والميت والحي درا
وصا الولاية العلي طه الحق حيدرا
كال الي بقلبة هوة لرب الجلالة ولي
ظل يلتزم بالفتى هذا من بعدي ولي
طلك الدنيا وزمخ يا دنيا عني ولي
ما بين النجوم حيدر بالخلايق بدر
ليلو و مطرز ذهب مصيوغ كلة بدر
معروف يا ابا الحسن تشهدلة وكفة بدر
امظة من السيوف واكشط من نصلهة و احد
من قبل الارحام بالذر للجلالة واحد
صولات الة حيدرا تشهد بدرهة واحد
الما يؤمن بكل هذن بشعارنا خل خندكة
ونجلب بياختة ونجرة من خندكة
عمرو بن ود من هتف يوم العبر خندكة
ويكول ماكو زلم في هل الجمع خي برا
يا هو التصدى و وكف من ركبتة خي برا
ويا هو لمرحب شطر يا هو القلع خيبرا
الباب سواه جسر عبر عليه صفين
كل الخلايق علي بالمعجزة صفن
محتاج اسولف بعد واشرح حرب صفين
كرار شنوصفة بكل الشعر والجمل
رغم التأمر بقة ولأمتة والجمل
والله لو ما المراة وحمارها والجمل
امة محمد علت والحادي ضل حيدرا
الشاعر الشهيد البطل
رحيم المالكي