تويت
تالي القبـَّة ظلت وإنترس جيبه
شعر: فاديا الخفاجي
كل ذكرى مـِجان إلهه احنه.... نمشيـبـَه
نذكر بي إلاه إلكون....ندعيــبـَه
وإب ذكراك يا عسكري...نتألـَّم
مرقدكم هـُدِم...وإلهـَدَف تخريـبـَه
يا وَجه إل إلاه إل منـَّه هـُو يـُؤتى
نار الفاجـِعـَة بل دم ...دَتـِجريــبـَه
ذاك إللي صِـرَخ "خل نرجع إنعـَمـُّر"
أعضاء الحكومة إتريد تأنيـــبـَه
مـَتريد إلخـَساره ...إتريد تملي إجيوب
لا تعرف سُحُت...لا تعرف إلطيـبـَه
من كل باب طـِلعـَوا بس لفط للخير
وإتشم إلفلس لو وَين...وإتجيـبـَه
ماشـِبعـَوا لفط من خيرَه لبلادي!!!...
إنـّوبـَه لفط من هاذي لمـْصيبـَه!!!
صار إسنين نتبرَّع لجل لـِعـْمار
تالي إلقـُبـَّه ضـَلـَّت وإنترَس جـَيبـَه
هـَل مسؤول يـَللي إتكلـَّف إب إعمار
صَرح إل عـَسكري او مـَهدي ابو الغـَيبـَه
وَك متخاف لا تتكطـَّع إل إيدين
يوم إظهوره جـَنـَّك جـَن بـَنو شـَيبـَه!!!*(حال سرّاق الكعبة)
يا مـَهدينه وينك تنصف إل آيات
وإتعـَمـْر إل مساجد...تـِمحي هـَل عـَيبـَه؟
لو أدري قبل لا أمشي للتصويت
جان أكطم إصـِبعي اولا هل إمصيبـَه
وإمكـَيفـَه لـِطـَخت إل إصبـَع إب أحبار
عبـّالي إجـَوا إنقاذ...هـَل خـَيبـَه
فـَشلونـَه أمام أنظار هل عالم
وَك هاذَه إمامي...اوما إله ...هـَيبـَه!!!
يل مسؤول مـَتخاف الـلـه ول إيمام؟
وَك عـَمـْر إلضريح اوكافي تـَسليبـَه
مفجوعين بل يـِمـَّه ..ألم والله
جـَن قلبي إنهدم وإلقبر مَبنيـبـَه
سيستانيـَّة آني ...لا كذا او فلتان
وإلحـَق هـُو شـِعاري ...اوهوَّه لـَحـْيي بـَه
لا مـَيهمني لا مسؤول لا بـَطـّيخ
هاذه إلعسكري والد أبو الغـَيبـَه
وَك إن ما نـِصَرتـَه إليوم ؟ جا يـَمتـَه؟
لو أعرف أموت اليوم...!!! لـَحجي بـَه
كلهه بـِل حرام إترّبـَّي هـَل أجساد
اومـِن كـَد إلحرام إتعوف إل إمصيبـَه
تـِتذكـَّر أكو إشكـَم جيب مو مليان
وأتدز إب رُزَم لفلوس...."تـَهريبـَه"
دَك أفلام عن هدم إلمراقد ...إي
لكن وِل فـِعـِل؟ وَك منهو يبني بـَه؟
ياهادي عليّ...اوياعسكريّ إنتم وين؟
وَين إنتي حكيمة اونرجس إل طـِيبـَه؟
وِل أنوار نادت " شيعتي إنتم وين؟
لـَتعوفون عترتكم بل إمصيبة "
وإحنه إنصيح "يا أبواب إحنه هنا
كل قلب إل يـِحـِبكم قلبـَه حَيـجـيبـَه"
خل ينطونـَه أمرْ اونمشي عل رجلين
نبنيهه إب لـيالي اونقتل إلريبـَه
أطفال اونـِسا ...شـُبـّان هم إشيوخ
ليحب مهدي إمامه قلبه حَيجـيبـه
وَك بيدينـَه نكرب كومَت إل تربان
وَك لو مو كـَتـِل ...إنروح نبني بـَه
حـِجـَّه إمرَتـَّبـَه إنلـِزمـَت...."أمن ماكو"
وَك هوَّه إنتـَه راس إلفرع.. تمشي بـَه!!!
كم مَيـَّت نفر كدَّامك او خـَلفـَك
ياهو إليوصـَلك؟ وَك إحنـَه نـِكضي بـَه...*(نحن نـُقتـَل وليس انت)
يعني مختصر خلـِّينه نتكـَتـَّل
نقبل بالشهاده اومانـِضـَل ..."خـَيبـَه"
وإيهـَدموه!!! هم نمشي بعد مرَّه
بس خلينـَه نبني ...إمن الله ترتيبـَه
اوما نطلب فلس ...كلهه لجل رَبنـَه
اوحبـَّاً بالرسول اوآله...نبنـيـبـَه
قبـَّه اوطاحت إعلى إلروس يا طيبين
وإلتعمير ماكو ...اوهاي إل إمصيبـَه
لتكوللي سياسه ...وانتي مـَن إنتي؟
شيعيـَّه أنـَه...اوحق عليّ أناديـبـَه
لتجرُّب تـِصـِير إلغاضب الحزبي
اوتمحي هلقصيدة ...اوتمحي لـِمصيبـَه
كل لـَحـزاب خسرانه شـَلـِع والله
إلاحزبه ليمامي أبو إلغـَيبـَه
حـِزبـَه هوَّه حزب الله إب كلام الله
اوكلهه إتروح...وآنه أبقـَه أباهي بـَه
ماصيرن خـَلـَك شيطان بسم إنسان
هاذ إلحق أكولـَه ... اولوكـَتـِل لي بـَه
اوكلمة حق أكول إبحق نجوم إلبيت
ماصيرَن شـِمـِر عـَل حـَق...وَمـَحـِّي بـَه
وإللي إيحب إمامه من قلب قلبه
ميهمـَه خـَلـَك تهديد لو غـِيبـَه
لو طلقه تـِصيب إلراس لو لقلوب
لو تعذيب ينهـَش لحم إل إيصيبـَه
لو ذَبـَّه إب سجن وِل دَك على إعظامه
لو خطف او كتل ...وإلراس... تـِدري بـَه*(مقطوع)
مـَن فعلا ً يحب هل يـِمـَّه من قلبـَه
خل إينادي "خلـّوني أنـَه أبنيـبـَه"
هذه القصيدة هدية للعسكريين عليهما السلام ولولدهم القائم المؤمل العدل المنتظر عجل اللهم له الفرج والنصر آمين
شعر: فاديا الخفاجي
كل ذكرى مـِجان إلهه احنه.... نمشيـبـَه
نذكر بي إلاه إلكون....ندعيــبـَه
وإب ذكراك يا عسكري...نتألـَّم
مرقدكم هـُدِم...وإلهـَدَف تخريـبـَه
يا وَجه إل إلاه إل منـَّه هـُو يـُؤتى
نار الفاجـِعـَة بل دم ...دَتـِجريــبـَه
ذاك إللي صِـرَخ "خل نرجع إنعـَمـُّر"
أعضاء الحكومة إتريد تأنيـــبـَه
مـَتريد إلخـَساره ...إتريد تملي إجيوب
لا تعرف سُحُت...لا تعرف إلطيـبـَه
من كل باب طـِلعـَوا بس لفط للخير
وإتشم إلفلس لو وَين...وإتجيـبـَه
ماشـِبعـَوا لفط من خيرَه لبلادي!!!...
إنـّوبـَه لفط من هاذي لمـْصيبـَه!!!
صار إسنين نتبرَّع لجل لـِعـْمار
تالي إلقـُبـَّه ضـَلـَّت وإنترَس جـَيبـَه
هـَل مسؤول يـَللي إتكلـَّف إب إعمار
صَرح إل عـَسكري او مـَهدي ابو الغـَيبـَه
وَك متخاف لا تتكطـَّع إل إيدين
يوم إظهوره جـَنـَّك جـَن بـَنو شـَيبـَه!!!*(حال سرّاق الكعبة)
يا مـَهدينه وينك تنصف إل آيات
وإتعـَمـْر إل مساجد...تـِمحي هـَل عـَيبـَه؟
لو أدري قبل لا أمشي للتصويت
جان أكطم إصـِبعي اولا هل إمصيبـَه
وإمكـَيفـَه لـِطـَخت إل إصبـَع إب أحبار
عبـّالي إجـَوا إنقاذ...هـَل خـَيبـَه
فـَشلونـَه أمام أنظار هل عالم
وَك هاذَه إمامي...اوما إله ...هـَيبـَه!!!
يل مسؤول مـَتخاف الـلـه ول إيمام؟
وَك عـَمـْر إلضريح اوكافي تـَسليبـَه
مفجوعين بل يـِمـَّه ..ألم والله
جـَن قلبي إنهدم وإلقبر مَبنيـبـَه
سيستانيـَّة آني ...لا كذا او فلتان
وإلحـَق هـُو شـِعاري ...اوهوَّه لـَحـْيي بـَه
لا مـَيهمني لا مسؤول لا بـَطـّيخ
هاذه إلعسكري والد أبو الغـَيبـَه
وَك إن ما نـِصَرتـَه إليوم ؟ جا يـَمتـَه؟
لو أعرف أموت اليوم...!!! لـَحجي بـَه
كلهه بـِل حرام إترّبـَّي هـَل أجساد
اومـِن كـَد إلحرام إتعوف إل إمصيبـَه
تـِتذكـَّر أكو إشكـَم جيب مو مليان
وأتدز إب رُزَم لفلوس...."تـَهريبـَه"
دَك أفلام عن هدم إلمراقد ...إي
لكن وِل فـِعـِل؟ وَك منهو يبني بـَه؟
ياهادي عليّ...اوياعسكريّ إنتم وين؟
وَين إنتي حكيمة اونرجس إل طـِيبـَه؟
وِل أنوار نادت " شيعتي إنتم وين؟
لـَتعوفون عترتكم بل إمصيبة "
وإحنه إنصيح "يا أبواب إحنه هنا
كل قلب إل يـِحـِبكم قلبـَه حَيـجـيبـَه"
خل ينطونـَه أمرْ اونمشي عل رجلين
نبنيهه إب لـيالي اونقتل إلريبـَه
أطفال اونـِسا ...شـُبـّان هم إشيوخ
ليحب مهدي إمامه قلبه حَيجـيبـه
وَك بيدينـَه نكرب كومَت إل تربان
وَك لو مو كـَتـِل ...إنروح نبني بـَه
حـِجـَّه إمرَتـَّبـَه إنلـِزمـَت...."أمن ماكو"
وَك هوَّه إنتـَه راس إلفرع.. تمشي بـَه!!!
كم مَيـَّت نفر كدَّامك او خـَلفـَك
ياهو إليوصـَلك؟ وَك إحنـَه نـِكضي بـَه...*(نحن نـُقتـَل وليس انت)
يعني مختصر خلـِّينه نتكـَتـَّل
نقبل بالشهاده اومانـِضـَل ..."خـَيبـَه"
وإيهـَدموه!!! هم نمشي بعد مرَّه
بس خلينـَه نبني ...إمن الله ترتيبـَه
اوما نطلب فلس ...كلهه لجل رَبنـَه
اوحبـَّاً بالرسول اوآله...نبنـيـبـَه
قبـَّه اوطاحت إعلى إلروس يا طيبين
وإلتعمير ماكو ...اوهاي إل إمصيبـَه
لتكوللي سياسه ...وانتي مـَن إنتي؟
شيعيـَّه أنـَه...اوحق عليّ أناديـبـَه
لتجرُّب تـِصـِير إلغاضب الحزبي
اوتمحي هلقصيدة ...اوتمحي لـِمصيبـَه
كل لـَحـزاب خسرانه شـَلـِع والله
إلاحزبه ليمامي أبو إلغـَيبـَه
حـِزبـَه هوَّه حزب الله إب كلام الله
اوكلهه إتروح...وآنه أبقـَه أباهي بـَه
ماصيرن خـَلـَك شيطان بسم إنسان
هاذ إلحق أكولـَه ... اولوكـَتـِل لي بـَه
اوكلمة حق أكول إبحق نجوم إلبيت
ماصيرَن شـِمـِر عـَل حـَق...وَمـَحـِّي بـَه
وإللي إيحب إمامه من قلب قلبه
ميهمـَه خـَلـَك تهديد لو غـِيبـَه
لو طلقه تـِصيب إلراس لو لقلوب
لو تعذيب ينهـَش لحم إل إيصيبـَه
لو ذَبـَّه إب سجن وِل دَك على إعظامه
لو خطف او كتل ...وإلراس... تـِدري بـَه*(مقطوع)
مـَن فعلا ً يحب هل يـِمـَّه من قلبـَه
خل إينادي "خلـّوني أنـَه أبنيـبـَه"
هذه القصيدة هدية للعسكريين عليهما السلام ولولدهم القائم المؤمل العدل المنتظر عجل اللهم له الفرج والنصر آمين
تعليق