تويت
بسم الله الرحمن الرحيم
راح أتكلم بكل صراحة عن إشكال أعانيهالوالد رجل كبير الله يحفظه ويطول عمره ويريد يزوجني بأي طريقة كانت ومستعد يدفع النفقات (من إلى) .. والوالدة ترفض الزواج قطعاً
الخلفية الفكرية للوالد الله يحفظه :
الوالد من النوع القديم والصراحة يعجبني هالنوع لو أروح له وأنا عمري 16 أقوله بتزوج يقولي ماكو مشكلة أزوجك ومن النوع الي يحب العيال .. وطيب وحبوب على نياته
الخلفية الفكرية للوالدة الله يحفظها :
في عندنا في العائلة عدة فئات او مجاميع او أقاليم ... كل فئة تتميز عن الثانية بعدة صفات .. مثلاً من بيت فلان الفلاني معروف عنهم بالبخل .. من بيت فلان معروف عنهم طيبين ودينين وحلوين .. ومن بيت فلان معروف عنهم بخفة الدم .. ومن بيت فلان معروف عنهم مايزوجون بناتهم لأحد .. ومن بيت فلان معروف عنهم ان هم ناس ماديين بزيادة. وللأسف .. للأسف ان الوالدة من الفئة الي تبع الماديين .. طبعاً الوالدة كل شي فيها حلو إلا هالصفة .. ان تفكر كل شي يجي بالفلوس وهذاه الفئه هم خوالي بطبيعة الحال وجت لي عروض من بناتهم إني آخذ من عندهم وبعضهم حلوين وشاطرين بالدراسة .. بس رفضتهم بسبب ان تفكيرهم مايعجبني
رفض الوالدة بحجة :
يرجع أسباب رفض الوالدة للزواج من خلال مااستنتجته من كلامها هو فشل زواج اخواني الاثنين الي أكبر مني الأخ الأكبر وصل الى مرحلة الطلاق .. والأخ الوسط مشاكل مدة 24 ساعة تقريباً فتقول اذا تزوجت راح يكون زواجك فاشل مثلهم فتأمرني بعدم الزواج الا .. إلا اذا توظفت وجمعت مبلغ من المال .. و أشتري أثاث حق الشقة .. وأعطيها مبلغ من المال كاهدية .. بعدين .. بعدين ذاك الوقت فكر تتزوج.
والشباب الي في عمري وأصغر وحالاتهم المادية صعبة اتزوجوا الا أنا .. لو أسمع كلام امي يعني لازم أصبر عشر سنوات .. ومن خلال هالوقت كل البنات الزينين يروحون بسبب تفكير الوالدة وغير هذا الأهل كلهم يكرهوني بالزواج .. والصراحة يوم عن يوم الأخلاق تنزل مستواها مع أهلي ما أحب أسولف معاهم .. ما أحب آكل معاهم ما أحب أجلس معاهم الا الوالد اذا صار لحاله أجلس جنبه. لأن المشكلة أنا أريد أتزوج وفي من يوقف في وجهي ويسكر علي الموضوع
أكتفي بهذا القدر .. والا عندي تفاصيل مملة عن هالموضوع ..
وأنتظر منكم النصيحة
.. قلت مستحيل ان يكون مافي الا هالأسامي ..أكثر شي قهرني
بالأهل يتكلمون معاي على أساس اني واحد صغير ومالي كلمة واحنا نعرف مصلحتك .. واسلوبهم معاي بالغصب إخذ بنت فلان .. وضل يقولي بنت فلان زينة وحلوة ما أدري ايش ومن هالكلام وخواتك اتفقوا على ان هذي أحسن وحدة سوو أذية العالمين على هالبنت
قال : قلت اني اردت ان اتزوج امرأة وان ابوي ارادا غيرها قال ( تزوج التي هويت ودع التي هوى ابواك ) 
تعليق