تويت
بسم الله الرحمان الرحيم
و الصلاة و السلام على سيدنا محمد و على آله الطيبين الطاهريناخوتي الاعزاء هذه ابوذيات مترابطة في حب المعصومين الاربع عشر(ع)
ما يوم روض الوفه من الورود احمد
للمشى بخير و سعى واجب علي احمد
حبي و ودادي لنبينا المصطفى احمد
دايم يظل متصل يا ربي اشهد علي
خل يقسي بيه الدهر و يزيد ضيمة علي
ما اعوف حب الوصي و ابقى بولاية علي
بستان حيدر زهى هاك انظر الزهرة
و الي يذبلي زهر ما همني انا الزهرة
للموت اصيح بحزن مظلومة يالزهرة
حب الزجية عمل ما يصح مثله حسن
و عروكي ماي الوفه من نهر ودها حسن
عد يا مرة من ولد مثل الامام الحسن
الحنظل بودهم عسل يا شفافي ديل حسين
و بحب آل طه ارتقي من احسن ال احسين
و نياله كلمن صبح خادم صدك لحسين
و الي يضدهم هلك لو عمره ظل سجاد
لشيعتهم انه فرشت جفن النظر سجاد
منك خذيت الصبر يا سيدي السجاد
بفضل العليل اعترف وك يا زمن با قر
عود الصبح للعلم بين الملا باقر
ارسل سلامه النبي لمحمد الباقر
اهل الذكر نهجهم اخذوا عليه صادق
ما عدهم ابدن زلل كل قولهم صادق
جعفري انا و هلي و إمامي الصاق
خل يبرد بشفرته دهري و يحد موسه
عاشك و عكلي شرك جن العشك موسا
لحاجتك يا من ردت صد وجهك لموسى
اللي قصد حضرته بالخير رد و الرضا
نسحق بعظم اليضد و نكسره و نرضه
بالكاظم انه قسمت يا سامعي و الرضا
و بودهم الروحي درع بيه الخاطر تقي
و البايع آل النبي محسوب هذا تقي
يا مذهب امامهم كلي جواد و تقي
مذهب الشيعة الصبح للغانمة هادي
للشيعة عمري نذر و بلا ثمن هادي
عاشر انوار الهدى من فاطمة الهادي
عسكري بصدر الشعر ما ينهزم عسكري
جندي لبني فاطمة واكضي العمر عسكري
لمن يهل بالنصر ابنك يهالعسكري
المتسمي بسم النبي مهدي الأُُمم احمد
************
القاها الشاعر ابو محمد المياحي
تعليق