إعـــــــلان

**جعفر الموسوي** · 01-01-2009, 06:22 PM

عباس سبع الگنطره والكل تره ايعرفونه
فارس بطل ماينگحم وشحدهم ايگربونه
يشهد له ميدان الحرب لوطبه ابميمونه
ايخلي الزلم تجفل تفر ومن الرعب مجنونه
سيف على ارگاب العدى ضرباته مامامونه
ولوغار ابو فاضل بعد تلگله الزلم مطحونه

__________________

**جعفر الموسوي** · 01-01-2009, 06:44 PM

بسم الله الرحمن الرحيم
السلام عليكم ورحمة الله وبركاته

اصوات الحرب قرعة طبلها
لأن عباس بالحـــومة طبلها
بس هو نوصف سيفه طبلها
يداوي الملتزم بفعال امية
...................................
المنايا تحوم بالحومة علمها
وهو بجفه يهز واكف علمها
الرجال بذعر مصيوبه علمها
تشوف الموت حل بهل مسية
...................................
بطال الكوم عن عباس سلها
ارواح اليوم من ابدان سلها
كاتله الرعب والخوف سلها
وحل بيه الاجل كبل المنية
....................................
دليلي ابسهم يبن الحسن مرمي
وعليك الدمع دم ايـسيل مرمي
ديــنـك بيــن هذا وذاك مـرمي
اجـــنـــازه ابلا أهل ظلت رميه

__________________

**جعفر الموسوي** · 01-01-2009, 10:09 PM

ترحال العقيدة

يهنيالك عليك وبيك الف خيعون
ويخيعونك عليك وبيك هنيالك

جسد طولك جلال وعمر شخصك دين
وافعالك غدت تحسد صدى افعالك

يل جل ريح انته ابطيحتك متطيح
والشاهد طحت بس كلك الشالك

لأن موش انته توكع عالأرض مولاي
جيف انته ابدالك ترهم ابدالك

وخيالك هذا جان الطايح اعله الكاع
وغشمه اعداء نهجك ذبحو اخيالك

وصعد بعروك ظلك دم ابات الظيم
من شاف الشمر بالغي تعنالك

وسحكت ابحافر اسمك صدر خشم الجور
وكطعت ابكطع نحرك نحر جتالك

يترحال العقيده من الابد للدوم
اخذنه وخل نشوف اجروح ترحالك

خيم وسط الخيم تلبد تجيهه النار
تهج تتعنه ليك اتعثر بحوالك

فزع امخدرات وخيل تسحك خيل
اوسط هذا الوضع تترادم اطفالك

عله ابسد عليل ايصيح بيهه الويل
وحسرت حال حيلك تاكل ابحالك

جود ابلايه شوف يشيل راية زود
وجالك من اهوالك لايذ ابجالك

لعب اسياط هندس فوك جتف النور
اجفوف امكطعات اتشاجف اهوالك

ومسابك مآسي وراي يدفن راي
وواوصالك تلم بجفوفهه اوصالك

والهن لسه دور بكل عصر موجود
وكل ذاك الجرالك جره ويجرالك

وما تخلص مياسر يانثار الله
وجفك ما جسر حل عكدة اشجالك

خلكك فيض صبرك يالشتالك كاع
من جذب المبادئ تعب دلالك

يواقع طيب كابوس اليضدك حار
شما يعتقد طالك طلته ما طالك

جيفنك نبض هسه بكلب كل يوم
تزيله بيقضتك كلما حلم زالك

وانفاسك صيام ونكل جدمك عيد
وما بينك وبينك ضايع اهلالك

من حك ركدينه من الاحزان احزان
من حك دوهنينه المجد بعمالك

من حك نبجي لجلك مو دموع ارواح
وما نكطع بجينه شما بجينالك

من حك بالضمير اسمك مزار يصير
من حك كعبه يصبح مسحك انعالك

بلال الجان ينعد خيرة من اصحاب
عيون آذانه كبل عيونه تبرالك

يكع كلب ام ابوهه من تسمعه يصيح
وسر تفسير هاي الحاله في بالك

واظن لا اعتقد لا اجزم اني بهاي
جي جانت تعرفه الزهره ينعالك

اذن واجب محتم كل فرض ننعاك
وتدنه من الاله الي تدنالك

شقرالك بعد شكتب شكولن بيك
اذا حتى الاذان اذان يقرالك

يهنيالك عليك وبيك الف خيعون
ويخيعونك عليك وبيك هنيالك

**جعفر الموسوي** · 01-01-2009, 10:16 PM

صبح شخصك يحسين من هوانه
وكيد يرهم هواك من ......هوانه
وصلّي سلام زينب من ....هوانه
ألكم خادم بس ارضو عليّه

**جعفر الموسوي** · 02-01-2009, 09:22 AM

حال الطفله العليله
حايره ابوسط الدار //// اهلي عافوني
وراح اليطفي النار //// ليش تركوني
اصبحت وحدي ابلا اهل ///// ولابعد والي
طفله ماعندي امل///// والحزن حالـــــي
ابوحشه ظليت وملل ///// ماالـــي تالي
راحو اصحاب الفضل ///// البيهـــم امالي
غابو اهلي الطيبين ///// وخابت اضنوني
حايره ابوسط الدار //// اهلي عافوني
وراح اليطفي النار //// ليش تركوني
*******************************
وحدي قاسيت الالم //// والمرض ساري
لا حرم لا من زلم ///// غابت اخباري
من الاهل ماكو علم ///// حكمة الباري
ابحسرة ظلـــّيت وندم ///// راحو انصاري
ومابقو عندي انصار ///// احبابي هجروني
حايره ابوسط الدار //// اهلي عافوني
وراح اليطفي النار //// ليش تركوني
****************************
احبابي هجروني ومشو ///// والهجر حاله
ابعيد عني من مضو ///// اعيوني همّاله
ونار تسعر مادرو ///// النار چتــّاله
وگلبي ذاب امن ارحلو ///// ذابت اوصاله
ابروحي هاجت احزان ///// گومو واسوني
حايره ابوسط الدار //// اهلي عافوني
وراح اليطفي النار //// ليش تركوني
******************************
وهاجت احزان الگلب ///// والگلب دامــي
احبابي تركوني غصب ///// وضاعت احلامي
وعيني تشبح عالدرب ///// واحسب ايامي
طفله مگطوعه ابغرب //// وينهه اعمامــي
وحالي حال الميتين ///// لون تدروني
حايره ابوسط الدار //// اهلي عافوني
وراح اليطفي النار //// ليش تركوني
**********************************
وين ابوي اللي گال؟///// يرسل الاكبر
عافني ابهاي الحال ///// والجمر يسعرْ
وصرت مشغوله البال ///// والدهر اوجرْ
وغاب عني المرسال ///// ابحيره واتفكــّرْ
وانه دوم بالام ///// ذبلَن اجفوني
حايره ابوسط الدار //// اهلي عافوني
وراح اليطفي النار //// ليش تركوني
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
تمت بعونه تعالى
ياحسين يامظلوم

**جعفر الموسوي** · 02-01-2009, 09:32 AM

ابوذيه لاخواني واخواتي
الكرام

اقدم الروح لحبابي........... وسلم
وصافح راحتي بكفهم .......وسلم
يا رب العرش صلي............. وسلم
على المصطفى واله بكل مسيه

**جعفر الموسوي** · 02-01-2009, 09:44 AM

الدهر غير الألم ما اظن وجد لاي
كلامي وية البشر ضايع وجدلاي
ولا جن آنه ابن حيدر وجد لاي
نبي00ولاجنهه بتك ام الية

ابوذيه على لسان الامام الحسين عليه السلام

**جعفر الموسوي** · 02-01-2009, 09:50 AM

رسالة مسلم الى الامام الحسين {ع}
مسلم غريب الدار
مابقو عنده انصار
وبروحه ظل ايلوج
وبروحه ظل ايلوج
يامن يخبر احسين
ويگله نور العين
الكوفه ابغدر ماضين
خانو عهود الدين
ارجع يابو الاحرار
ارجع يابو الاحرار
مسلم غريب الدار
مابقو عنده انصار
وبروحه ظل ايلوج
وبروحه ظل ايلوج
*************************
كاتب ابو السجّاد
وضّح له الابعاد
بالكوفه بــس اوغاد
قائدهم ابن ازياد
يطلب ابوك ابثار
يطلب ابوك ابثار
مسلم غريب الدار
مابقو عنده انصار
وبروحه ظل ايلوج
وبروحه ظل ايلوج
******************
هاك الخبر مولاي
نار وتشب بحشاي
كتبولك اهل الراي
والكتب ادري اهواي
لكن هواهم دار
لكن هواهم دار
مسلم غريب الدار
مابقو عنده انصار
وبروحه ظل ايلوج
وبروحه ظل ايلوج
******************
وآخر كلام اوياك
بيه سيدي اترجاك
غيّر وجه مسراك
متحلفه كلهه اعداك
زمرة حقد واشرار
زمرة حقد واشرار
مسلم غريب الدار
مابقو عنده انصار
وبروحه ظل ايلوج
وبروحه ظل ايلوج
*******************
واعذرني بعد اليوم
دارت عليّه الگوم
وهذا آخر المعلوم
وانته اعرف المرسوم
انقل لك اللي صار
انقل لك اللي صار
مسلم غريب الدار
مابقو عنده انصار
وبروحه ظل ايلوج
وبروحه ظل ايلوج
/////////////////////////
واخر سلام اهديك
وبروحي كون افديك
وللموت افكر بيك
واعذرني لو اخليك
وحدك ياحامي الجار
وحدك ياحامي الجار
مسلم غريب الدار
مابقو عنده انصار
وبروحه ظل ايلوج
وبروحه ظل ايلوج

**جعفر الموسوي** · 02-01-2009, 10:01 AM

الحسين يخاطب العباس

يرايح من يشد حيلي اذا نهاك
اخالف ربي يا خوية اذا نهاك
شفتك تصر عالحومه اذن هاك
طلعتك بيهه كسر ظهور الية
0000000000000000000
لسان حال زينب عليها السلام

آنه اللغز الاعظم وسراني
الخبر ماكو اليفرح وسراني
سباني الوكت بويه وسراني
ولاجن فاطمة عدهه وصية

**جعفر الموسوي** · 02-01-2009, 12:31 PM

يا لثارات الحسينهلالٌ هلّ ولكن لونهُ غير الشهورلونهُ أحمر قان ٍ لا يبشر بالسروركيف لا والآل فيه ِ قطعت منها النحورفغدا الحزن عليهم سرمدا طول الدهورفحقيقٌ أن ننادي فيه ِ دوما يا حسينلبست فيه ِ سوادا كلّ ربّات الخدوروغدا الشيعيّ فيه ِ لاطما فوق الصدوريرتجي فيه ِ ثوابا يرتجي عظم الأجورنال من أعلن فيه ِ الحزن جنات ٍ وحورفلننادي يا شفيعا يا حبيبا يا حسينإن أردتَ العزّ يوما أو على الظلم تثورإنها الثورة في الطفّ لنا منها جذوركلّ ثوري ٍ له من كربلا صكّ عبورحيث فيها كانت الآساد تزأر والنسوركلهم في الطف كانوا تحت رايات الحسينليتني أحظى بيوم ٍ لثرى الطف أزوروأناجي الرب عفوا بين هاتيك القبورحبّهم للنفس ربحٌ وتجارة لن تبوروسيبقى الحب حتما في مدى كل العصورفاعلنوا الحب صريحا دائما نحو الحسينفمتى يا ربّ رايات الهدى تأتي بنورونرى الحجة آت ٍ عابرا كل البحوريقتل الأزلام والأقزام يمحي للفجورضاقت الأرض بمن فيها من أرباب الخمورفمتى الندبة تأتي يا لثارات الحسين

**جعفر الموسوي** · 02-01-2009, 01:03 PM

يا لثارات الحسين
هلالٌ هلّ ولكن لونهُ غير الشهور
لونهُ أحمر قان ٍ لا يبشر بالسرور
كيف لا والآل فيه ِ قطعت منها النحور
فغدا الحزن عليهم سرمدا طول الدهور
فحقيقٌ أن ننادي فيه ِ دوما يا حسين

لبست فيه ِ سوادا كلّ ربّات الخدور
وغدا الشيعيّ فيه ِ لاطما فوق الصدور
يرتجي فيه ِ ثوابا يرتجي عظم الأجور
نال من أعلن فيه ِ الحزن جنات ٍ وحور
فلننادي يا شفيعا يا حبيبا يا حسين

إن أردتَ العزّ يوما أو على الظلم تثور
إنها الثورة في الطفّ لنا منها جذور
كلّ ثوري ٍ له من كربلا صكّ عبور
حيث فيها كانت الآساد تزأر والنسور
كلهم في الطف كانوا تحت رايات الحسين

ليتني أحظى بيوم ٍ لثرى الطف أزور
وأناجي الرب عفوا بين هاتيك القبور
حبّهم للنفس ربحٌ وتجارة لن تبور
وسيبقى الحب حتما في مدى كل العصور
فاعلنوا الحب صريحا دائما نحو الحسين

فمتى يا ربّ رايات الهدى تأتي بنور
ونرى الحجة آت ٍ عابرا كل البحور
يقتل الأزلام والأقزام يمحي للفجور
ضاقت الأرض بمن فيها من أرباب الخمور
فمتى الندبة تأتي يا لثارات الحسين

__________________

**جعفر الموسوي** · 03-01-2009, 10:47 PM

وي محرم صار عادتنه السواد ابغير هذا اللون مايحله الهدماو كون وي هذا الحزن شفنه انتقاداوصار للشيعة التخلف بيه اسممانبطل والله من هذا الحداداوالا فوك اعيونه ايصير اللطمياهو مثل حسين من هاي العبادحته اكول اعليه تنشد الحزمروح دور وافتر ابكل البلادوالله مثل اخياله مايوجد ..حلمهذا ابن من طاعته السبع الشداداحروف اسمه اعله العرش صارن وشمالف واربعمية عام او بزديادشوف دربه هم يخف بيه الجدماهوايه ناس اكبورهه صارت حمادسنه اثلث سنين ميه او تنهدماو شوف كبر احسين باب الكل مرادواليزوره امن الملائك ينخدمصحنه شبه السيل اصبح كل معادمثل صحن حسين ياصحن اليلملاتذر بالعين ياحاقد رماداو فك ضميرك زين كونك تفتهمتدري باجر محكمه او لله المعاداو شوف وين الياجهه ايصير الحكم

**جعفر الموسوي** · 03-01-2009, 11:00 PM

قتلوا اليوم امامي وتجنى قاتلوه
وستباحوا دم قوم كل عهد حافظوه
قد غدى بالطف فردا وقليلا ناصروه
وراوا بالسهم حلا لرضيع فطموه

------------------------------
قتلوا اليوم امامي وابا الفضل اخيه
فاتهم ان امامي وارث تقوى ابيه
ظلم الناس اماما ماله ادنى شبيه
خذلوه قد نسوا ان الاله مجتبيه

روعوا سيد قوم هو معنى للوجود
عاهد الله من الذر بأيفاء العهود
فحسين السبط محفوف بجنات الخلود
وخلود النار اوفى ماتلقاه يزيد
انها معركة الحق وازلام الجحود
منذ قابيل وهابيل صراعات الوجود
وصراع الطف تجسيد لما قد ادعيه

قتلوا العباس غدرا ثكلوا ام البنين
قطعوا منه الشمال قطعوا منه اليمين
كسروا ضهر حسينا اه ياذاك الانين
وتمادوا في عناد وبكفر ممعنين
كيف يلقوا الله يوما تشخص الابصارفيه

قتلوا من كان قد رباه جبريل الامين
وهب الله له اسما وسماه حسين
وعصمه انه من اهل بيت طاهرين
وشفيع يوم جمع العلمين
ورفعناه شعارا في خطانا ياحسين
انه رمز الجهاد للملأ والثائرين
انه للمصطفى خير ربيب وشبيه

قد احالوا بين مولانا وما بين الفرات
وبسهم الحقد صابوه فتبا للرماة
انه مصباح هدي وسفين للنجاة ----(تنوين الظم على النون في كلمة سفين)
ولقد ابطل ماكان طموحا للطغاة
جاد بالنفس تحدى كل زيف للدعاة
رافضا بالذل ان يحيى على زيف الحياة
دين جدي بدماء النحر اني افتديه

**جعفر الموسوي** · 03-01-2009, 11:15 PM

[هنياله اليزورك سيدي وينخاك
وهنياله التصب ادموعه متوجرة
الكاصد حضرتك ينتحب يم الباب
ويجلي همومه ساعة طبته الحضرة
بصحنك سيدي تمنيت اخلي الروح
وتحين المنية وساعة العصرة
ياليث الحجاز ورافع اسم الدين
ياباب العلم والزود والثورة
اسمك سيدي اعله لسان كل مظلوم
وكل فاكد عزيز وكل نفس حرة
باسمك سيدي التاريخ ظل ايعيد
جيل لجيل ما فارك ابد ذكره
ياكوكب الدر وناصر الاسلام
يامحير العقول بشأنه وبأمره
منو مثلك ياحيدر ضارب بسيفين
ومنو مثلك غضنفر ساعة الوزرة
تشهدلك مواقف من بدر وحنين
وخيبر بابها لهل يوم مفتخرة
يليث الـ بالحرب قط ما يهاب الموت
وكل سيف اليطب جن حالف تكسره
علي .. وجبريل كبل الخلك ناشد بيك
وبعرش الملك توجلك الزهرة
بخم وصه النبي نتمسك بثنتين
بكتاب الله وصه اوبعد بالعترة
يازوج البتول أوالد السبطين
ياجالي الكرب والضيم والحسرة
نندب ياعلي بكل ساعة وبكل حين
لان كل ساعة تنشغ روحنه بعبرة
ليا حين الدموع تظل تصب بالعين
وليا حين الصبر نشرب بعد مرة
بأرضنه ياعلي كل يوم عاشوراء
وأشلاء الجثث على الكاع متطشرة
ليمته سيدي مو تعبت الأنظار
بحق ضلع الزكية وساعة الطبرة
وليمته ياشبيه المصطفى المختار
تظل اعيونه اعله الدرب منتظرة

**جعفر الموسوي** · 03-01-2009, 11:33 PM

وي محرم صار عادتنه السواد
ابغير هذا اللون مايحله الهدم

او كون وي هذا الحزن شفنه انتقاد

اوصار للشيعة التخلف بيه اسم

مانبطل والله من هذا الحداد

اوالا فوك اعيونه ايصير اللطم

ياهو مثل حسين من هاي العباد

حته اكول اعليه تنشد الحزم

روح دور وافتر ابكل البلاد

والله مثل اخياله مايوجد ..حلم

هذا ابن من طاعته السبع الشداد

احروف اسمه اعله العرش صارن وشم

الف واربعمية عام او بزدياد

شوف دربه هم يخف بيه الجدم

اهوايه ناس اكبورهه صارت حماد

سنه اثلث سنين ميه او تنهدم

او شوف كبر احسين باب الكل مراد

واليزوره امن الملائك ينخدم

صحنه شبه السيل اصبح كل معاد

مثل صحن حسين ياصحن اليلم

لاتذر بالعين ياحاقد رماد

او فك ضميرك زين كونك تفتهم

تدري باجر محكمه او لله المعاد

او شوف وين الياجهه ايصير الحكم

__________________

اللهم صلي على محمد وال محمد

يابني الزهراء فخرا ........اذا ماقيل جدكم الرسول ُ
ابوكم فارس الهيجا علـــياً ........وامكم المطهرة البتـََـولُ

إعـــــــلان

للاشتراك في (قناة العلم والإيمان): واتساب - يوتيوب

لايوم كيومك يا ابا عبد الله....ابوذيه

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

اقرأ في منتديات يا حسين