تويت
خذ سلامي** يا إمامي ** انته الشفيع أهناك ** فاز الذي والاك
***********************
1- يحسين ويا روح ألزهره ......... اقبلنه ألشخصك خدام
يبن الهادي ويابو ألعتره ......... ويم ثبت دين الإسلام
خدام ألشخصك نترجه ........ نصبح يحسين أبكل عام
يامن بيك احنه آمنه ........... ولغيرك لتضن ننضام
* انته أملنه..** ومعتقدنه ..** يالبل گلب طرواك ..** فاز الذي والاك
2- مولاي أبحبك جنينه ..... ونخدم شخصك ملهوفين
يا ضنوة حيدر يالغالي ..... ويا أغلى من ماي العين
أنحبك مولاي ونقسم ........ بالدين وخالق هالدين
واليسئلنه أبصوت انگله ......... خدام لوالينه حسين
* بيه حيينه .**. وبيه نجينه **.. ومن الگلب نهواك **. فاز الذي والاك
3- يابو الأكبر من حين أيهل ...... شهرك واتهل الدمعات
نتذكر يومك بالوالي ........ ونعيش الآم و آهات
نذكر يوم ألطف ونحزن ....... ونذوق أنواع الويلات
جرحك عايش وسط ألمهجه ..باقي يحسين وما مات
* دم بچينه ** يا ولينه .** حين التهل ذكراك **..فاز الذي والاك
4- بسمك يابو أليمه أناشد ..... وخدام حسين أتسمينه
وعاهدناك ونبقى أنعاهد ........ لأخر يوم أتضل والينه
وتوزعنه الخدمة شخصك .. وچم قسم ألي احنه انقسمينه
هذا ليكتب شعر ويقره ........... وليلطم ولتدمع عينه
* وليساهم ** بالمأتم ** الكل رهن يمناك **. فاز الذي والاك
5- يحسين وچم واحد يطبخ...... ومن زادك ينطي الجوعان
زاد حسين أبصوته أيناشد .......... ياوادم والكل حزنان
سفره انته انمدت للامه ....... يحسين او انته الإحسان
والحبك ما حبك والله .............. ألا أبيمان اوجدان
* في مهجنه **. ياسندنه .**. عايش وحگ عيناك **. فاز الذي والاك
***********************
خادم الإمام الحسين الشاعر أبو إيمان المجراوي
تعليق