تويت
يحادي أهلي دتانيني ** فگدهم تدري ياذيني
اريدن امشي وياهم ** فلا اگدر بلياهم ** فگدهم تدري ياذيني
***************
1- يحاديهم ألي ريض وتانيني
أخذني آوياك والاحبابي وديني
عليهم ما نشف تدري دمع عيني
وعگبهم بس الم وهموم تحويني
* أحلفك يالتحيد النوگ ** گلبي أعله الأهل محروگ
أريد اتبع سراياهم ** فلا اگدر بلياهم** فگدهم تدري ياذيني
2- عليله وبالمرض تدريني ياحادي
وفگدهم يشعل النيران بفادي
عليهم اصرخ بكل صوت انه أنادي
دتانوني ياحبابي ويسيادي
* يحادي وناري متوجره وسط دلالي مستعره
ابد محمل انه أجفاهم ** فلا اگدر بلياهم** فگدهم تدري ياذيني
3- يمهجت روحي يااهلي وضوه أعيوني
عگبكم اصرخ أبصوتي دتانوني
عجب منكم انه الوحدي تخلوني
وعليله وبالمرض مسقومه تدروني
*عگبكم ياهلي مالي ** انه غير الدمع هالي
وإذا مربيه طرواكم ** فلا اگدر بلياهم ** فگدهم تدري ياذيني
4- ردت عبد الله يااهلي يضل يمي
يسليني بحياتي ويبعده الهمي
انه دمعي عگبكم ما نشف يهمي
ونار الفرگه بي تلهب وسط دمي
* اشوف ابصورته اصوركم ** هلي حين انه اذكركم
يمن ما اگدر انساهم ** فلا اگدر بلياهم** فگدهم تدري ياذيني
5- يخي بسلامي انشدنك وجهتك وين
ردت وياك ادز مرسولي للطيبين
اخذ مني الرساله واتجه لحسين
واخبره ابحالي وبدمعي اليغرگ العين
* عليه الروح ملهوفه وعيوني هوت شوفه
واذا ما شفته اعيشن هم فلا اگدر بلياهم
فگدهم تدري ياذيني فگدهم تدري ياذيني