تويت
بالدم تحنينه ========= وبالهم تمسينه
ياجدي شوف برض الطفوف === برض الطفوف يجدي شوف
1- انه اشكيلك يبو الزهره هذا اليجري بالعتره
تعال وشاهد ابعينك ةانظر للذي يجره
الحرب مشتده اعلينه وكل ولياني عالغبره
وعيني بالدمه فاضت يجدي واصبحت حمره
* شنهو الي جانينه وامتك تأذينه
شفنه الحتوف برض الطفوف برض الطفوف شفنه الحتوف
2- يجدي شاهد الحاله الجرت لحسينك او اله
جسم فوگ الثره اموسد بعد ما گطعو اوصاله
چبده منالظمه اتفطر وترض بضلوعه خياله
راسه منالقفه محزوز وخصمه عالرمح شاله
* وسهم ابوسط عينه والدم على اجبينه
وعليه نطوف برض الطفوف برض الطفوف وعليه نطوف
3- يجدي والجره اعلينه فلا نحصيه اذا احچينه
كل وليانه ذبحوها ولا والي البقه لينه
علي الاكبر وابو فاضل والقاسم واهالينه
حتى البالمهد جدي دماه اتحني چتفينه
* ذبحو اهالينه وحرگو صواوينه
مامش عطوف برض الطفوف برض الطفوف مامش عطوف
4- الحرم ما ضل بعد عدها خيمه وتگعد أبسدها
وتاهت بالفله اطفالي وعلّي يصعب يجد ردها
والباغي علّي صوطه يدگ ومتوني هدهدها
وانه أمذبحه گومي وبعيني أشاهدها
* هذا ألجره أعلينه واكثر بعد بينه
يال الحسوف برض الطفوف برض الطفوف يال الحسوف
5- يجدي الحيره تملينه ودمعتي تحرگ ابعيني
غريبه ابكربله وما ضل ولي عندي يحاميني
اجيت ابصايت اخواني وهسه الوحدي تدريني
وصوت ايتامي ياعمه كل لحظه يناديني
* ياجدي صد لينه واسمع شكاوينه
انته الرءوف برض الطفوف برض الطفوف انته الرءوف
الخادم أبو أيمان المجراوي
تعليق