تويت
العقيله تخاطب امير المؤمنين ع
گوم بويه ياعلي گوم شاهد حالي باليسر لمن صفيت اخلاف الحسين
لا معين اولا ولي والشمر يبرالي باليسر لمن صفيت اخلاف الحسين
بويه المن اشكي حالي ومنهو يسمع شكوتي
وانه ايام وليالي تجري عالخد دمعتي
بويه هذا الي جرالي وبويه هاذي حالتي
باليسر ماليه والي وشمر يحدي ابناگتي
* بحيره بويه والتفت ودمعتي هماله واندب اب ونه يبويه انه كل حين
بالغرب بويه شفت حالي مصعب حاله باليسر لمن صفيت اخلاف الحسين
بويه بيمن انه اصبّر دمهة اعيوني الجرت
وضعني اخلافك يحيدر بيه عدوانك سرت
بويه صرخات اليتامه نار بيه وجرت
حين الينادوني عمه حيل نيراني اسعرت
* التفت المن حرت وياطفل ابراله وطل طفل يصرخ يعمه ودمعه بالعين
بويه مذهوله صرت ابحالي واليجراله باليسر لمن صفيت اخلاف الحسين
بويه ايام وليالي تحدي بينه اهل الكفر
بويه واحنه ابلايه والي بويه يافارس مضر
بويه عفنه حسين طايح بويه وعفنه الگمر
فوگ گاع الغاضريه بويه وجينه ابيسر
* عالارض عفنه الشهم بويه تجري ادمومه امخضب وجسمه سليب وماله امعين
بويه وانه اگلبي هم بيه عشت مالومه باليسر لمن صفيت اخلاف الحسين
بويه شفنه امنالمصايب كل مصيبه ابلايه حد
بويه ياحيدر سندنه سافر وعنه ابتعد
بويه ما بين الاجانب لامحامي ولا سند
واحنه ياحيدر ولايه بويه وشنذكر بعد
* الولي عنه ابتعد وبالغرب ضلينه بينه انزل كل قسوته ياعلي البين
المن انعاين بعد ومنهو ينضر لينه باليسر لمن صفينه اخلاف الحسين
الخادم راجي الشفاعه ابو ايمان المجراوي
تعليق