تويت
كاظمِ الغَيض
وداعاً كلت باجر تنتهي احزاني
وكافي الخام الأسود غطه حيطاني
اثاري احلامنه بكد الشظايا السود
وبكد بيت الأبيض حقد جيراني
من سجن السجن ياكاظمين الغيظ
ماحان الوقت ويموت سجاني
ألف صدام راح وجاي ألف صدام
وألف حجاج إجه ومازحزح إيماني
أنه بذرة حسين ومنهج الثوار
ولهسه بمسرح الطف مسلم وهاني
شماردت آنه أغلس وأبلع آخر موس
تفضحني القصيدة وسطوة إلساني
دكلي منين أجيب اليبجي مرة إوياي
وكلها تريد مني ومحد إنطاني
موكتلي الإجالك راح يبني البيت
إووردة بكل شبر يزرع إبستاني
أشوبس السرف والقتل والتفجير
وزرع الطائفية إبين خلاني
ومن ورد وطنه وخضر البستان
بفاس الحقد ردوا كطعوا أغصاني
وآنه الشجعتهم من نهبت الدار
وذبحتك ياوطن وإبليس إغواني
حسافة نعيش فوضى وساحة للإرهاب
وعلى أصوات المدافع تصحه رضعاني
أنه ضد الإرهاب وضد قتل الأطفال
وضد الأمس بأرض الغربة ذلاني
ولاأصير إويه غيري وأعبد الدولار
وأتيه دربي وآنه حسين عنواني
ولاأحمل سلاحي وأضرب الثوار
وأقمع إنتفاضة تقودها خواني
أنه المفروض أقاتل من أجل هالكاع
وحرام بغير كاعي يسيل شرياني
وإلمن نفترق والوطن ذو الصدرين
وعلى حب حيدر الوداك وداني
وإذا هسه أعله راسي أمريكا خلت سيف
باجر هم يجيك الدور وتعاني
وصدكني القذايف ماتميز زين
ياهو البينه صدري وياهو سستاني
أضحك بالجذب مجبور أجامل بيك
وسيفك حز وريدي ونحري وأدماني
ياكاكه حمه يقليم كردستان
شجاله البيش مركة وينكر إحساني
موجلاد واحد طكنه آنه إوياك
وحلبجة التنجرح والهور اليعاني
الوطن نفس الوطن والدين نفس الدين
وأنه العباس أمس كطعوا ذرعاني
أنه سني أعله شيعي مركب ومخلوط
من أطيح السني كبل الشيعي ينعاني
الأدين إثنين بس بكضة الرشاش
مايفترقن أعله صدور عدواني
تريد هلال شيعي لومثلث موت
تريد إنت تفرق ماي نهراني
تره الدجال الأعور عالعراق يحوم
وبأرض النجف عسكر السفياني
وإذا تغير علمنه وباجر الدستور
وعكب باجر تحرف آيات قرآني
ماتعبر علينه أفلام هذا وذاك
ونعرف زين ياهو المجني والجاني
من عظام أخوتي كرسي إلك سويت
إوورقة إنتخابك جثث شباني
مجرد هسه صوت تريدني بصندوك
وأمس وحدي تركتني وهسه تنخاني
تضمن لي الحاكم مؤمن إلي يصير
وتضمنه شريف وموقفه إنساني
أمس وحدي تركتني وآنه أحشم بيك
وأصيح إلحك علي موذبحوا آذاني
وهسه تكلي حيدر خايف يشيله
من نص الأذان ويضعف إيماني
حيدر مستحب ينذكر بالآذان
بس الواجب إنت تصون كيعاني
دفعت آنه الضريبة أمس بالتسعين
ولحم أطفالي ليهسه أعله بيباني
ولهسه عظام إخوتي مدفنة بالفاو
ولهسه بنهر جاسم تبجي قمصاني
ومونزوة وغريزة وسكتت مجبور
وإذا طخت براسي أرجع إلعصياني
وداعاً كلت باجر تنتهي احزاني
وكافي الخام الأسود غطه حيطاني
اثاري احلامنه بكد الشظايا السود
وبكد بيت الأبيض حقد جيراني
من سجن السجن ياكاظمين الغيظ
ماحان الوقت ويموت سجاني
ألف صدام راح وجاي ألف صدام
وألف حجاج إجه ومازحزح إيماني
أنه بذرة حسين ومنهج الثوار
ولهسه بمسرح الطف مسلم وهاني
شماردت آنه أغلس وأبلع آخر موس
تفضحني القصيدة وسطوة إلساني
دكلي منين أجيب اليبجي مرة إوياي
وكلها تريد مني ومحد إنطاني
موكتلي الإجالك راح يبني البيت
إووردة بكل شبر يزرع إبستاني
أشوبس السرف والقتل والتفجير
وزرع الطائفية إبين خلاني
ومن ورد وطنه وخضر البستان
بفاس الحقد ردوا كطعوا أغصاني
وآنه الشجعتهم من نهبت الدار
وذبحتك ياوطن وإبليس إغواني
حسافة نعيش فوضى وساحة للإرهاب
وعلى أصوات المدافع تصحه رضعاني
أنه ضد الإرهاب وضد قتل الأطفال
وضد الأمس بأرض الغربة ذلاني
ولاأصير إويه غيري وأعبد الدولار
وأتيه دربي وآنه حسين عنواني
ولاأحمل سلاحي وأضرب الثوار
وأقمع إنتفاضة تقودها خواني
أنه المفروض أقاتل من أجل هالكاع
وحرام بغير كاعي يسيل شرياني
وإلمن نفترق والوطن ذو الصدرين
وعلى حب حيدر الوداك وداني
وإذا هسه أعله راسي أمريكا خلت سيف
باجر هم يجيك الدور وتعاني
وصدكني القذايف ماتميز زين
ياهو البينه صدري وياهو سستاني
أضحك بالجذب مجبور أجامل بيك
وسيفك حز وريدي ونحري وأدماني
ياكاكه حمه يقليم كردستان
شجاله البيش مركة وينكر إحساني
موجلاد واحد طكنه آنه إوياك
وحلبجة التنجرح والهور اليعاني
الوطن نفس الوطن والدين نفس الدين
وأنه العباس أمس كطعوا ذرعاني
أنه سني أعله شيعي مركب ومخلوط
من أطيح السني كبل الشيعي ينعاني
الأدين إثنين بس بكضة الرشاش
مايفترقن أعله صدور عدواني
تريد هلال شيعي لومثلث موت
تريد إنت تفرق ماي نهراني
تره الدجال الأعور عالعراق يحوم
وبأرض النجف عسكر السفياني
وإذا تغير علمنه وباجر الدستور
وعكب باجر تحرف آيات قرآني
ماتعبر علينه أفلام هذا وذاك
ونعرف زين ياهو المجني والجاني
من عظام أخوتي كرسي إلك سويت
إوورقة إنتخابك جثث شباني
مجرد هسه صوت تريدني بصندوك
وأمس وحدي تركتني وهسه تنخاني
تضمن لي الحاكم مؤمن إلي يصير
وتضمنه شريف وموقفه إنساني
أمس وحدي تركتني وآنه أحشم بيك
وأصيح إلحك علي موذبحوا آذاني
وهسه تكلي حيدر خايف يشيله
من نص الأذان ويضعف إيماني
حيدر مستحب ينذكر بالآذان
بس الواجب إنت تصون كيعاني
دفعت آنه الضريبة أمس بالتسعين
ولحم أطفالي ليهسه أعله بيباني
ولهسه عظام إخوتي مدفنة بالفاو
ولهسه بنهر جاسم تبجي قمصاني
ومونزوة وغريزة وسكتت مجبور
وإذا طخت براسي أرجع إلعصياني
تعليق