تويت
گوم واسي فاطمه وانتحب وياها فاگده ألزهره أبوها أم الحسين
خادم محمد وال محمد.... الشاعر أبو إيمان
اهمل ادموعك دمه وابچي دم لبچاها فاگده ألزهره أبوها أم الحسين
**********
گوم وأنحب ياموالي گوم وأهمل بالدمع
فارگت فاطمه أبوها وذاب من عدها الضلع
گوم واسيها أبحزنها واجعل أدموعك نبع
من اثر غيبة وليها الگلب من عدها أنفجع
بالألم أم الحسن تبچي وحزنانه والدمع من دم يشيعه ايغرگ العين
عين تبچي أبحزن وعين دم غرگانه فاگده ألزهره أبوها أم الحسين
****
واسي ألزهره الزچيه بهاذه ياشيعي المصاب
ونوح نوح أم المصايب من ذخرها عنها غاب
مأتم ابگلبك انصبه والحزن افتح له باب
وشيل من گلب الزچيه لن كثر بيه المصاب
غاب عنها المصطفى وصعب حيل افراگه وچانت ألزهره من أبوها ما تمل حين
ويا جفنها ألما غفه بدمعته الحرا گه فاگده ألزهره أبوها أم الحسين
****
هواي من دهر النوايب شافت ألزهره عجب
والگلب للحزن مضجع أصبح وندري السبب
هواي بالزهره مآسي وما أضنها تنحسب
هالعمر عاشته بيهن اُمنه والمدمع يصب
فارگت كلمن تحب والصبر عنوانها وبالصبر ضلت تعيش ألزهره أسنين
والدمع منها يصب بيها جار ازمانها فاگده ألزهره أبوها أم الحسين
****
هاي ياشيعه الود يعه هاي أمنه الطاهره
گوم واسيها ابونّينك وابچي دم للي جره
بضعة الهادي محمد ياموالي أمكدره
وفارگت هليوم أبوها وعگبه ضلت حايرّه
أم أبوها وبضعته بالگلب مصيوبه من اثر فقد الاحبه ياموالين
جفن تهمل دمعته وبحزن مسچوبه فاگده ألزهره أبوها أم الحسين
****
حايّره بنتك محمد حايره وملها ولي
عگب عينك ياابوها والدمع منها ايهلي
حيره تملكها وحزنها حزن ما بعده يلي
والگلب بهمومه تدري ونارعگبك يصطلي
نار شبت بالگلب تستعر يالوالي والگلب لو راد يصبر صبره امنين
مبقى بس النحب والدمع ضل هالي فاگده ألزهره أبوها أم الحسين
**********
گوم وأنحب ياموالي گوم وأهمل بالدمع
فارگت فاطمه أبوها وذاب من عدها الضلع
گوم واسيها أبحزنها واجعل أدموعك نبع
من اثر غيبة وليها الگلب من عدها أنفجع
بالألم أم الحسن تبچي وحزنانه والدمع من دم يشيعه ايغرگ العين
عين تبچي أبحزن وعين دم غرگانه فاگده ألزهره أبوها أم الحسين
****
واسي ألزهره الزچيه بهاذه ياشيعي المصاب
ونوح نوح أم المصايب من ذخرها عنها غاب
مأتم ابگلبك انصبه والحزن افتح له باب
وشيل من گلب الزچيه لن كثر بيه المصاب
غاب عنها المصطفى وصعب حيل افراگه وچانت ألزهره من أبوها ما تمل حين
ويا جفنها ألما غفه بدمعته الحرا گه فاگده ألزهره أبوها أم الحسين
****
هواي من دهر النوايب شافت ألزهره عجب
والگلب للحزن مضجع أصبح وندري السبب
هواي بالزهره مآسي وما أضنها تنحسب
هالعمر عاشته بيهن اُمنه والمدمع يصب
فارگت كلمن تحب والصبر عنوانها وبالصبر ضلت تعيش ألزهره أسنين
والدمع منها يصب بيها جار ازمانها فاگده ألزهره أبوها أم الحسين
****
هاي ياشيعه الود يعه هاي أمنه الطاهره
گوم واسيها ابونّينك وابچي دم للي جره
بضعة الهادي محمد ياموالي أمكدره
وفارگت هليوم أبوها وعگبه ضلت حايرّه
أم أبوها وبضعته بالگلب مصيوبه من اثر فقد الاحبه ياموالين
جفن تهمل دمعته وبحزن مسچوبه فاگده ألزهره أبوها أم الحسين
****
حايّره بنتك محمد حايره وملها ولي
عگب عينك ياابوها والدمع منها ايهلي
حيره تملكها وحزنها حزن ما بعده يلي
والگلب بهمومه تدري ونارعگبك يصطلي
نار شبت بالگلب تستعر يالوالي والگلب لو راد يصبر صبره امنين
مبقى بس النحب والدمع ضل هالي فاگده ألزهره أبوها أم الحسين
خادم محمد وال محمد.... الشاعر أبو إيمان
تعليق