تويت
بسم الله الرحمن الرحيم
اللهم صلي على محمد و على آل محمد و عجل في فرجهم الشريف
السلام عليكم و رحمة الله و بركاته
اللهم صلي على محمد و على آل محمد و عجل في فرجهم الشريف
السلام عليكم و رحمة الله و بركاته
أنا توني كنت حاط موضوع عن الإعجاز القرآني و الي كنت أتكلم فيه عن الكلاب هالمره هذي المعجزه راح تفيدكم إن شاء الله أكثر من الأولى و بدون كذب و الله العظيم إني جربتها أكثر من 10 مرات و حمتني و الله أولا خل أقول لكم قصتي
طبعا هذي كانت أيام الثنوي , الثناويه مالتنا كانت شديده شوي علينا , يعني ما تخلينا ناخذ راحتنا بتربية الشعر (يعني نربي شعر طويل) ولا نسوي تسريحات ولا نلبس الجنز الرمادي و غيره و طبعا انا كنت من الي يربون شعره يعني شعري كان طويل وقتها و كان وقت الطابور إيون المدرسين و يطلعون الطلبه المخالفين و كنت أنا أخاف انهم يطلعوني و يعطوني إنذار و يقولون لي قص شعرك عاد انا شعري وقتها كان غالي علي
و المشكله العوده أنه الصف الي انا فيه ولا واحد فيهم ريال !! الكل يوقف آخر شي يعني يخلوني أنا اول واحد و هذي المصيبه العوده يعني 100% راح أنصاد و الي وراي كانوا يقولون بس خلاص إنت اليوم راح تقص شعرك , 
بس مو علي , طبعا انا قعدت أقول ليش ما أحمي نفسي منهم ؟ و شلون أحمي نفسي منهم و والله ما أقص عليكم أحس أني مثل شفت وايد شغلات جدامي مرت علي سالفت الآية مالت سورة الكهف ( وَكَلْبُهُم بَاسِطٌ ذِرَاعَيْهِ بِالْوَصِيدِ )الي تقولونها حق الكلاب عشان يسكتون قلت عيل شنو الي يحميني ؟؟ و أقعد أفكر شوي ولا أتذكر قصة الرسول صلى الله عليه و على آله و سلم ليلة الهجرة يوم قدر يطلع من بين رجال قريش الي خططوا أنهم يقتلونه بضربة رجل واحد و تذكرت الآية الي قالها و خلتهم نايمين عشان يقدر يطلع إلي إهي :بسم الله الرحمن الرحيم ( وجعلنا من بين أيديهم سدا ومن خلفهم سدا فأغشيناهم فهم لا يبصرون )
صدق الله العظيم
و انا كنت قاعد أقولها طول الوقت و والله ما اقص عليكم , صار الطابور و يا وقت المدرسين الي يطلعون الطلبه الي شعرهم طويل و المخالفين و انا ما كنت اموقف عن قراءة الآية و والله المدرسين طلعوا طلبه شعره أقصر من شعري و ما طلعوني مع أني كنت واقف أول واحد . سبحان الله و الله القرآن فيه معاجز لو الناس بس تعرفها تعيش بخير .
و هذه هديه مني لكم و ترى جربتها أكثر من مره و ولا مره صادوني و الكل متعجب شلون ما صادوني و ما قلت لهم إلا آخر السنه عشان لا تخترب علي :P
و إن شاء الله راح تفيدكم في حياتكم و تحميكم من أعدائكم و تحمي أهم الشي الطلبه الي للحين يعانون من تشدد الثانوية , إييييه أيام و الله
و إن شاء الله راح احاول أكتشف المزيد و أخبركم عنها و الي عنده بعد أي إكتشاف بالقرآن لا يبخل علينا
تعليق