تويت
بسم الله الرحمن الرحيم
السلام عليكم ورحمه الله وبركاتهأرجوأن تقبلوني عاشقا مواليا للحسين ع وأهل بيت النبوه معكم على بركه الله
وأقدم
قصيده رثاء عن لسان حال أميرالمؤمنين ع في وداع
الزهراء ع قرأت من قبل سماحه الشيخ هاني القرناوي
بمحضر الرادود الحسيني الحاج مله باسم الكربلائي في
منطقه قلعه سكر بمناسبه ذكرى رحيل الصديقه الزهراء ع
بقلمي المتواضع أخوكم خضير عباس الحسني
زهراء الروح ع
الكل لمت شمل يافاطمه فراك
وداعا يالزجيه أم حسن وحسين
بأمان الله عليج الكلب مفجوع
على المثلج يحك لو تهمل العين
أنه الصابر زمانه ولاوه دنياه
وداحي البوب جفي وأنتي تدرين
لجن فركاج مني هدم الحيل
وشلع كلبي وداعج من تونين
عفتيني بحزن بعدج والايام
ماتشفي الجرح وألتذ بالسنين
يمر عيني من أغمض حزن فركاج
اشوفج يالزجيه أكبالي تبجين
حزن يتبع حزن وهمومج أثكال
وجروحج علي يالزهره تخفين
ماهلج وانه المالوم عالراح
أخوي أحزام ضهري النبي يس
عن سطرة جبين البيه ضوه الكون
ولاعن عصرتج بالباب تحجين
ظلعج بيه كسر والمحسن الراح
مكابر والهظم مثل السجاجين
مابين المرض والحسره والاه
بشوك الام لبنهه لطه تردين
شجاه غصنج ذبل يازهره الروح
وعمرج ماكمل من رحتي عشرين
شلون أحمل الفركه وعيني تبراج
بريعان العمر وعرضلج البين
أنه البيدي دفنتج والكلب ذاب
وعفاه لفركتج ماصار نصين
وحك المصطفى لوما أمر جان
على مصابج أنه لكلب الكونين
نسالكم الدعاء
تعليق