تويت
قصيدة مهداة الى الامام المهدي (عج)
على دروب المخاطر نزحف زحوف
وابدا مانهم بالصار واليجره
شجره انتم فرعهه من النبي المختار
ومثلكم ربنه مايخلق بعد شجره
يابيت النبوه ومهبط التنزيل
ياحكم الجليل وقوّته وقدره
كل لحظه المصايب ياولينه تزيد
مثل خيط الصبح لمن يطر فجره
من سيف المرادي ومحنه المسموم
من ضلع الزجيه المحد يجبره
من جف الكمر عالشاطي لمن طاح
من راس الحسين يرّتل ويقره
من ظلم لظلم من طاغيه لطاغوت
من يوم السقيفه دموعي متوجره
مخسوف الكمر بس وجهه ماينشاف
لأن خد الزجيه تحمل السطره
اذن ماظل عذر ياسيّدي اترجاك
سل سيفك يغايب عالعده وشهره
مظلومه الزجيه ومنهه محسن طاح
واظن ساعة ظهورك فرحه الزهره
(نسال من الله القبول)
تعليق