أنة اختك يعباس ودحاجيني
ريت الصاب عينك صابني بعيني
**********************************
أنة اختك يخوية وردعلية جواب
ترضة ميسرة وتوليني ناس اجناب
أنة الضليت وحدي وكل هلي غياب
حسافة مجتفة للشام ودوني
*********************************
أنة اختك وجيت انخاك ياعباس
شلون اصبح وحيدبين هل الارجاس
عكب عينك يخوية تفرجة هلناس
خذوني ميسرة وشمرواليني
********************************
انة اختك وجيت اتعثربممشاي
سبية بقيت وحدي وتاه مني الراي
اجيت انشدودورعل اخوالوفاي
أدورعليه ماواحديدليني
******************************
أنة اختك ونوح واسجب العبره
موحتة الكلب مل ونفذصبره
حزينة الروح ضلت بلكب جمرة
يمرطاريك نيران وتجويني
******************************
أنة اختك حسافة الكوم يولوني
ماظنيت من عدكم يبعدوني
ولاظنيت الارض الشام يسبوني
غريبة بهل الوطن والوكت وسابيني
******************************
للشاعرالمبدع
حسن ناصرالمرياني
نسألكم الدعاء