ملاحظة / الموضوع منقول من موقع مدارس ال الصدر
تنبيه -/
قمت بطباعته حرفيا بالنص كما وجدته ولم اغير اي كلمه فيه حتى الاه ذكرتها
معلومه -/
مابين الاقواس هو كلام الاخوة من جيشالامام المهدي
اعوذ بالله من الشيطان اللعين الرجيم
بسم الله الرحمن الرحيم
وصلى الله على خير خلقه محمد واله اجمعين
اللهم صلِ على محمد وال محمد وعجل وفرجه العن عدوه
هسه انتو بجيتوا وصيحتو وتعبتو لعد خلي نحجي اشويه ارتاحو اشويه اخذو نفس ونطونه مجال اشويه انسولف من زمان ماشيفيكم من زمان ماشيفينه ( وهنا تعالت اصوات البكاء )فانطونه اشويه انسولف (والله سيدي مشتاقيلك )ادري مشتاق خو مو ( مشتاقيلك سيدي ) مشتاق مو تمردني خو اشويه اشويه )البكاء مستمر) جنكم بعدكم ما خلصتو ( اعذرنا سيدي ) يله خلصو والله كريم
هنا تعلن الاصوات بالصلاة على محمد وال محمد (اللهم صلِ على محمد وال محمد وعجل فرجه والعن عدوه
لعلنا نعلم والكل يعلم والعدو يعلم مالجيش المهدي جيش الامام المهدي ( سلام الله عليه من وقفه مشرفه ضد الاحتلال الامريكي في العراق ضحى الكثير منهم بالدماء وبالاموال وبالانفس وقفه جميله لا ينساها الله سبحانه وتعالى لنا ولكم في الاخرة ان شاء الله ولا ينساها المجتمع ولا التاريخ هم ان شاء الله لان لولا مشيئة الله لما كنا مقاومين اصلا ولعلنا كنا في لولا مشيئته والعياذ بالله عملاء او لاهين في الدنيا وومغانمها لكن الله من علينا بان نكون من المقاومين من الله علينا ان نكون من المجاهدين وهذه نعمه يجب ان نكون انا وانتم على قدر هذه النعمه مثل ما من الله علينا بصلاة الجمعه بأمامة السيد الوالد الله يقدس نفسه الزكيه وقال هذه نعمه خاصة يجب ان نشكرها فالمقاومه هم ما ادري هسه نعمه خاصه نعمنه عامه الله العالم لكنه يجب ان نكون على قدر هذه النعمه ونشكرها حق شكر لا تصور انه انت لو اني مقاوم يعني فد شي بسيط لا هذه نعمة من الله من الله بها علينا وببركة اهل البيت سلام الله عليهم وبانفاس محمد الصدر من الله علينا بان نكون مقاومين فهذا وسام فخر دائما في الدنيا وفي الاخرة لكن شنو معنات هاي يعني تمشي بالوسام تفتخر امام الناس اني مو مقاوم وانت ...اني مقاوم وانت مو مقاوم المقاومه يعني خدمة الناس ..المقاومه يعني محبة الناس .. المقاومة يعني تخليص الشعوب من العبودية ومن الاحتلال لا ان يكون لك ..لك من المعبودين لا حبيبي لا تسوي الناس الك عبيد وانما بالمقاومه سوي الناس كلهم الك شنو اخوة دَ تلتفت لو ماجاي تلتفت لو بعدك تبجي اترك البكاء البكاء ليس لكم.... لكم الصبر الله يجتبي من عباده اناس يصب عليهم البلاء حبيبي اذا صب عليهم البلاء وصبروا يكونون نعمة العبيد اذا صب عليهم البلاء وجزعوا كانوا بئس العبيد كول لا فهل انتم ممن اجتباهم الله ليصبروا على بلائه اذا تصبرون على بلائه يجب ان تكونون على قدر المسؤليه وعلى قدر البلاء وعلى قدر شكر نعمة المقاومه كل هذه مسؤوليه كبيرةعلى رقابنا حبيبي يجب ان نكون محصنين .. محصنين انفسنا من كل سوء والا انت او اي شخص مقاوم ويسيء الى المقاومه من بعيد او من قريب فاحسله ايدير وجهه ويروح سمعة المقاومه اهم من مقتدى اهم منك ومن اي شخص اخر قريب او بعيد انت يجب ان تحافظ على سمعة المقاومه بكل ما اؤتيت من قوة ما يصدر منك لا صغيرة ولا كبيرة مخالفه للاحكام الشرعيه مخالفه للاخلاق شوف احنه صرنه مقاومين وخطنه مقاوم واسسنه جيش المهدي وقسمنا ورتبنا اهً العدو ضدنه ايشيع الاشاعات ويمزك بينه خوب مو اشكال لكن لا يكون تمزيق المقاومه من الداخل تمزيق المقاومه من خارجه معلوم حبيبي من ايكلولي امريكه كتلت واحد لو داهمت واحد هذه شرف الي وسام احطه شهيد اخلي اذا انقتل امام الاحتلال هذا شهيد وفخر الي وفخرلجيش المهدي وفخر للتشيع وفخر للاسلام لكن اذا اشوفكم تتصارعون فيما بينكم وتتنافسون فيما بينكم انتم العراقيين لا مو بس العراقيين انتم في داخل جيش المهدي تتصارعون هذا تشويه لسمعة جيش الامام المهدي هاي النقطه الاولى خلوهه ابالكم اي تصارع اي خلاف اي تنافع بين افراد جيش الامام المهدي سواءً المقاومون او الممهدون او غيرهم معناته تشويه لسمعة جيش الامام المهدي وهذا خط احمر لا يمكن ان يتعدى لا مقتدى ولا غيره لا اعلا منه ولا ادنه منه زين معناته مقاوم يعني شنو ومو معناته انهُ كل الناس عبيد الي واخليهم ايخضعون الي لا بل انا كمقاوم تابع للشعب حبيبي وفي خدمة الشعب واريد نصرة الشعب واريد تحرير الشعب اما اذية الشعب اذا نتجت واذية الناس اذا كانت المقاومة تؤذي الناس فهي حرام والمراجع احنه سألناهم انه بنفسي سألتهم حبيبي كالوا اي مقاومه تؤذي الشعب تؤذي الناس هي حرام اولا اذيتهه باحد يعني.. امرين اما ان تؤذيهه بسلاحك يعني هذا هم حرام تضرب هاونات لو تضرب العبوات بنص البلده وبنص مدري كذا هذه كلها امور حرام شخصك انت كمقاوم تتكبر عليهم وتجي تاخذ بيوتهم وتاخذ مقراتهم وتاخذ كذا هذا هم حرام حبيبي احنه بالتيار الصدري بالحوزه العلميه اي تسميه من التسميات الي تردون اسموهه يجب ان نجعل من الجميع صديقا لنا ليش لان اذا عدوك ما راح يسمعلك حبيبي اما اذا صديقك وبالاسلوب الحلو راح تهدي الناس راح تكون منطلقا لهداية الناس والا انت ليش تريد تحرر العراق اذا اتريد الناس يبقون على جهلهم وعلى ظلالهم وعلى اذيتهم خو عوفهم ليش تحررهم اذا تحريرهم راح ايصير سبب لاذيتهم هم عوفهم انت ترحررهم لاجلهم صحيح مرضاة الله اولا لكن مرضاة الشعب ثانيا حبيبي ولا يمكن ان يكون رضا الله بأذية الاخرين اطلاقا لا تصور فد يوم من الايام يكون منطلق ان اذية الناس رضا الله او سببا لمرضاة الله مستحيل مهما كان هذا الشخص ومو انتَ اتحدد هذا الشخص زين او موزين اغلب مواغلب هسه بعض الناس ممن يحسبون على جيش المهدي اينصب روحه قاضي وينصب روحه شنو جلاد تعال انت عميل .. تعال انت عميل شيله وطُكه انت لا قاضي ولا انت حبيبي شنو جلاد اكو قيادات الك اكو ناس كبار تعرف من هو المخطئ ومن هو المو مخطئ ومن هو المصيب اما انت تجي تتحكم بالناس لانك انت مقاوم هذا اكبر خطئ واكبر جريمه واكبر تشويه لسمعة المقاومه والا انا خو اشوف كثير من المقاومين في داخل العراق وخارجه يعملون لارضاء الناس قدر الامكان انت مو تكول انا ارضي الناس لعل رب العالمين يزعل لعله رب العالمين ما يرضه عني لعل رب العالمين يتأذى مني لا ماكو هجي شي انت من ترضي الناس راح اتسوي قاعده شعبيه المن للمقاومه والقاعده الشعبيه للمقاومه التمهيد لصيرورة قاعده للمقاومه .. قاعده شعبيه للمقاومه هذا يرضي الله سبحانه وتعالى فأنت بتصرفاتك راح اتسوي قاعدة شعبيه كبيره محبه متعاونه مع المقاومه وافعالك المسيئه والمشينه والطالحه غير الصالحه راح اتبعد الناس وتنفر الناس الان المقاومه اذا هي ما اكدر اكول مكروهه بالعراق لكن قاعدتها شنو اضمحلت حبيبي كول لا بسبب شنو بسبب تصرفاتي وتصرفاتكم كول لا تصرفاتكم خلي اتصير حسنه حتى الاخرين ينجذبون الكم ولا انه من تصديت ما تصديت انه اني .. انا صدري وابقى صدري واتشرف ان اكون صدرياً لكن مو معناته ان حكر على الصدريين لكن شنو شويه شويه من تصرفات بعض الناس المحسوبين عليه انعزلنه واسونه في بوتقه واحده وفي مجموعه واحده والكل انعزل عنه وكأنه الجميع اعداء لنا حبيبي ما اعلم الكثير من الناس ما خلونه صديق اهه مع انه السيد الوالد شنو كان ايكول خلي خط رجعه ويه الجميع حبيبي مو اتخرب وتشعله وتطلع وبعدين تعال يا مقتدى طلعني واذا مطلعتكم اصير عدو الكم لا اتورط روحك هاي ما سامع لا ادوس على الجني وتكول بسم الله الرحمن الرحيم فانتم هم لا دوسون على الجني ولا تكولون بسم الله الرحمن الرحيم انت عملك مقاومه قاوم محد لازمك طبعا هذا الكلام بعدين أأ لا ن احنه اتقسمنه مقاومين وممهدين هذا امر اخر لكن دنحجي كلام عام انت مقاوم يعني هدفك الدبابه هدفك الطياره هاي كله وين بركبتي حبيبي شتحمل وشتحمل واذا انتم ماشاالله لاواحد ولا عشره مليون ومليونين وين انطي اذا كل واحد ذنب هاي مليونين ذنب براسي وين انطي وجهي فانتو يابه العمل الصالح سوو يعني منكم ومن ضمن حياتكم مو اذا واحد اخطئ الزمتو وكتلتو وذبحتو على اساس يابه شنوا نريد نهدي هو انت اذا كتلته وصكيته بعد اشتهدي منه راح صيروا بمنطلق لهداية الناس اما انه مثلا الواحد يطلع .... مواني هم اتحملوني اشويه كلبي امحمل (براحتك سيدي براحتك )هم اطلع الي عندي .. ميخالف ( على راحتك سيدي ) يله يطلع واحد اسويله جريمه يكتله شرطي يكتله عراقي ايزيلنه وحده وتطلع موهييه تطلع جيرانه زين طلعتوا وياه اتلاثين فرقه من جيش لا موفرقه لواء ومجاميع وسرايا يابه شنوا نريد ننتقمله ولك هو مجرم اشتنتقم منه اكول اشتنتقمله تنتقم لمجرم خلوني مثلا خلو قياداتكم لا هذا صالح طلعوا فزعوله فركضوفزعوله وقياداتكم كالت لا هذا موصالح لا تفزعوله اني كاعد اهنانه مرة وواحد بيه اتصل اتصل من المقربين يمه كاعد اني خابر كله لا تضرب اها كله ضربنه دوريه مال شرطه ويصيح ومتحمس كتله كله شسمه حرام لا تضرب الدوريه كله ولك شنو حرام انت عميل يعني سواني الي عميل حبيبي اذا اني اكلكم عميل اليضرب الشرط هاني هم اصير عميل كلنالكم وزعوا ورد وزعوا مصاحف ايكولون يابه منه ايجمعونه ورد ويجمعونه مصاحف سجاجين تجي بظهورنا مو سجاجين يعني قنابل والكذا ادري ما يصير حبيبي تركتوا المحتل يفتر بدباباته وبطياراته وتحولت على العراقي شكوهسه حكومه مو صالحه فاسده نعم حكومه فاسده وحكومه موصالحه حكومة احتلال نعم حكومة احتلال بس ياهو الي كالك اتكتلهه القتل مودواء لكل شيء بالعكس هو الداء باجر عكبه انت هم اصير حكومه لا سامح الله طبعا زين هم يجون شنو يكولون انت عميل ويكتلوك ترضى زين ليش ما ترضى على نفسك ترضى على غيرك افرضه عملاء يعني كل عميل ينقتل كل واحد ما ترضى عن عمله يجب ان يقتل ومو عمليه هذا جا شنو نو فرقنا عن الارهابيه ذوله والوهابيه فالوهابيه هم يكلولك انت شيعي موزين عقيدتك فاسده وهو يحجي برايه واكتله ليش تجي عليه لعد خو احنه هم دنشوف اي واحد ويه سالفتنه ويه قضيتنه لان اصحاب قضيه صاروا اهواي ما شاء الله وشيله وذبح بيه هم جا شنو الفرق هذا مو اسلوب حبيبي اني واحد من الناس من اشوفك تجي تنهرني باسلوب مو لطيف اكول هيج من جيش المهدي هيج من مقتدى بعدين وين توصل لمحمد الصدر والينسب بسببه محمد الصدر اتفل بوجهه اني حبيبي خلي اني ينحجي علي بس توصل لمحمد الصدر لا وتوصل مو ياريت لمحمد الصدر حبيبي جاي توصل للاسلام وللتشيع وماشاالله انتو كله هاي النخبه مال جيش المهدي صايره بالوجه هي الاسلام صاير على كولة ذاك من انهدمت سامراء كال ولكم ماكو بالشيعه غير جيش المهدي حتى يدافعو عن سامراء اني ادري بيكم محاسن هوايه بس استغلوهه عوفوا المساوئ عوفوا الصراعات ابيناتكم امير المومنين اتحد ويه معاويه حتى يوكف ضد الاعداء ضد الغرب وانتم ابيناتكم ما تتحدون الى ان وصلت فلان وفلان من يجيني واحد سبحان الله هسه اني هما عندي اسمه كعد يمي من المقربين السلام عليكم السلام الان بالسجن هو فلان وفلان منك من المقربين من العملاء واريد اكتله كتله هذا تكتله يعني تكتلني حتى وان كان عميل انت مو ما خالك احد على العملاء وادور العملاء وتكتلهم انت كفيل تكتل امريكي تفجرلك مدرعه تفجرلك دبابه تفجرلك طيارة اني خليتك على العملاء تكتل بالعراقيين الى ان اشوهت سمعت جيش المهدي وسقطت سمعة جيش المهدي مترهم وانه اصور صارت القيادات تابعه الكم ومو انتم تابعين للقيادات احط اعليكم واحد يابه هذا ما نقبله والله شنو منرتاح كذا وكذا وهو قبل اسبوع كان احسن الناس ومن المعصومين مجرد خليناه اشويه فوكاك قائد اعليك يعني مسؤول عنك بالسريه لو بالواء صار موخوش وكمتوا شنو اسقطون بيه قياداتكم اطيعوهه ما دامت معينه ممن قائدكم وماكو شسمه ماكو طاعه يابه غير اني خال السيد الفلاني والشيخ الفلاني اينصبلكم قيادات يعني هذه القياده توصل الى اهنا بعدين الى اهنا يعني انت ما راضي عني اذا ما راضي عني انت شكو لا حكني لهنا من ينصبه .. من انا منصبه فهوانا منصبه حبيبي ما يصير ما ترهم على كلشي تعترضون صحيح عراقيين واسلوب العراقيين كله اعتراض بس انتو المفروض النخبه مال العراقيين مو اي عراقيين اشلون ما جان واضح لو مو واضح (واضح سيدي ) مفاسد بجيش المهدي اكو اهوايه كما هي محاسن اكو اهوايه وحنه كاعدين مثل كعدة جيش المهدي موتكول راح تكسر بينه كدام الناس وتأذينه مفاسد اهوايه اكو واصور انتو تعرفون بالمفاسد اكثر مما اني اعرفه هاي المفاسد اذا انتهت معناهه صدكني واقسم بالله العلي العظيم يعني ننتصر ونحرر العراق بس اذا المفاسد موجوده يعني تحرير العراق ماكو يعني الامريكان كاعدين على اركابنا اهه معناته يعني شنو الشعب العراقي ميحب المقاومه لا انت موتكول الحكومه فاسده خو هو شعب العراقي هم ايكول جيش المهدي فاسد خو ليش احنه خوب همه خلي يحكمون بابه اعطي الوجه الحسن للمقاومه اعطي الوجه الحسن للشيعه باي تصرف تصرفه حتى هذا البطل من اشيله اتحطه اهنا شوفه مناسب مرضي لله سبحانه وتعالى يله تشيله وتحطه اهنا والا عوفه ميخالف اشويه اطول اعليكم ( تفضل سيدي اتفضل ) احم احم وكوفتو خوش وكفه بالانتفاضه الاولى عاشت ايديكم ورحم الله والديكم ارعبتوا العدو وسكتو اعليه سوك هم بعد شكو اهه وشردتو الا اشويه يطلع لكن بعدين هم خربطنه هم بقه بالانتفاضه الثانيه عاشت ايديكم ورحم الله والديكم ونعم المجاهدين ونعم الكذا بس بالانتفاضه الثالثه ليش بروح ابيكم مو كلنالكم وزعوا ورد وكعدوا وسكتوا احنه عدنه انتفاضتين اولى وثانيه لا اقبل ان يكون هناك ثلاثة انتفاضات اهه انتفاضه اولى وانتفاضه ثانيه باعتبارها ضد المحتل اي شيء او عمل عسكري ضد غير المحتل فهو مو انتفاضه وانا بريء منه الى يوم الدين الاهم من ذلك عوفنه هذااا كله مضى ولي صار صار ولي راح راح غفر الله لنا ولكم وان كان اعليه تبعات مو مني من الله سبحانه وتعالى اولا ومن اعدائنا ثانيا شوف الحكومه شتسوي بيك شردتك ومهجرتك ومكتلتك ومعتقلتك هاي الكنه انريده لو هاي جنه اريد بالمقاومه انقوم حكومه قويه اتكول للمحتل طلعوا اذا المقاومه والسلاح ما كدر يطلعه الحكومه توكف بالبرلمان والوزراء يوكفون برئاسة الوزراء ايكولون للمحتل الله وياكم اما احنه سوينه من الحكومه عدوة اشصار تطلب المحتل يبقه حتى احنه مانعتدي اعليه ميليشيات وارهاب باقين بالعراق فبعد منكدر انطلعه المحتل على كلٌ حكومه مادام بالوقت المحتل فهي حكومه موصحيحه لكن مومعناهه اتعديك ولا معناه هان اتعاديهه ولا تقتلها ولا تقتلك خلي الاطراف الاخرى بالسياسه الاخرويه لا الدنيويه لتخاف مااتنازل الى يوم الدين لن اتنتزل لا الى اي شخص في الحكومه وهو عدو للمقاومه ولن اتنازل عن المقاومه ولن اتنازل عن عدائي للمحتل لكن مو معناته انه ما طلعكم من بلائكم لا تصورون اني ناسي المعتقلين ولا ناسي الكذا بس هي عبره الكم حتى تتعظون زين فاكو كثير من المجاهدين ومن الصابرين ومن المؤمنين المؤدبين في السجن هذا اني اسعى الى اخراجهم ان شاء الله بكل ما اؤتيت من قوة لكن اني خوفي وتبعدي منكم تدري ليش لان اكو بيكم سيئين انتو طلعولي السيئين حبيبي قياداتكم خلي اطلع السيئين منكم حتى من ادافع عنكم من اتكلم عنكم من اريد اطلع المعتقلين اطلع المؤمنين ما اطلع الفاسدين حبيبي من ادافع عن المهجرين من انطيهم افلوس من اداريهم ادري هي الكمه لي راح انطيهميا راح انطيهه الواحد لواحد صالح وليس لواحد فاسد من اعطاء الكمه الى واحد فاسد معناته شنو معناته اعانه على الاثم والاعانه على الاثم شنو راح ايصير اعليه راح ايصير اعليه حرام مو عليك صحيح ان الافراد في جيش الامام المهدي هم القله لكن حركين حبيبي مؤذين يتخشخشون منه ومنانه واليابس ياكل الاخضر اني ادري ان النسبه الاخرى والفرشه الكبرى في جيش الامام المهدي هم منو الصالحين لكن لا تخلون اليابس ياكل الاخضر ميزوا ما بين الخبيث وما بين الطيب حتى انه اعرف اشلون ادعمكم اذا ذاك الوكت اقصرت واي طيب من الطيبين من جيش الامام المهدي اني اكون امام الله الطالح والمقصر مو انتو تبقى بقاء خارج العراق يجب ان تحافظوا على قانون الدوله وعلى الدوله ولا تؤذوهه اينما كانت ايران سوريا افغانستان اوربا واي مكان وان كان خارج الدول الاسلاميه وانا ارفض دائما لكن مو معناته هم نزل هم ادبج على السطح هم كاعد بدولتهم وهم أذيهم ميصير ماترهم ومن ثم هم اكلك التزم بالتعاليم الشرعيه والاسلاميه واتقي بلد غريب حتى لا ايكولون شوفوا ذوله جيش المهدي سوو كذا محرمات وكذا ويعتدون وكذا يفعلون جافتلك على بيت غصبن اعليك ايهجره ايجرلكياه كوه هي مايريد ايجرلكياه بيتي ومالي وانا مسلط على مالي من الله سبحانه وتعالى مو تجبره ان ايجرلكياه وكذا او تطلع منه او تفرض لا بالطريقه الادبيه بالاخلاق العاليه تقنعه بيهه باب وجواب اما ان تعدتي اعليه او تضربه في سبيل ان ايجرلك بيت فهذا اكيد من المحرمات كول لا زين فعليه يجب ان تتحلوا بمكارم الاخلاق وبتطبيق الحكم الشرعي فاذا طبقتم الحكم الشرعي فانتم من المتصلين اهم من ذلك قسم جيش المهدي جيش الامام المهدي الى قسمين شنو همه المجاهدون والمقاومون يعني اني مقسم الاول الذين يحملون السلاح ويواجهون العدو يجب ان يكونوا مدربين ومؤهلين مو اي واحد ايشيل سلاح والطلقه بدال متروح على عدو تضرب الصديق والهاون بدال ما يوكع على المقر مال العدو يوكع على مقر الصديق كل هاي خطأ كل هاي حرام كل الناس وياكم قسما بالله العلي العظيم كل الناس ويه المقاومه لولا هذه الخربطات اطب للمرجع الفلاني ايكلي انت بريء الذمه امام الله اطب للمرجع الفلاني ايكلى المقاومه وهلة الله بالمقاومه واستمر على المقاومه اطب على العدو الفلاني متوقع هيه يتفل بوجهي ايكلي رفعتوا رفعتوا سمعة الشيعه ورفعتوا المذهب ورفعتوا الكذا لكن هذه الخربطه الخربطه تركوهه حبيبي حتى لا تنحسب على المقاومه اي واحد ما يعرف ايقاوم يكعد ينتظر دوره .. ينتظر دوره بالتدريب بالتهأهيل بعدين يلزم بندقيه ويلزم هاون ويلزم مدفع مو اي واحد اجه لزم شنو لزم هي وصلت الي المدافع وكعت اعليه وانه بالحنانه هاونات مال جيش المهدي تركتو يعني المحتل وتركتوا الحكومه وتركتو ا اعدائكم المتنافسين بينكم وجيتو على الحنانه واضربوهه اقدس بيت عدنه احنه بعد بعد اهل البيت سلام الله عليهم اني من مكاني اني المأسس جيش المهدي انزعجت شوف جيش المهدي هيج سوو لعد ذوله العوائل الكاعدين ببيوتهم هم وجهالهم شيكولون بله بشرفك لو حزب اخر ضرب هاون مقاوم وكع على بيتك زين ليش ترضى توكع بيت الاخرين وانت واحنه كون محد يوكع ابيوتنه شنو احنه رب العالمين شنو منزل بينه وحي ماكو هيج شي ترة مترهم يعني هو انت لو اتصير منهم وبيهم من الشعب لو الله وياك اطلع ودير وجهك وروح اخوان صعدو اطلعنه ودرنه وجهنه ورحنه فاذا تريدون التيار يمشي حاله التزموا بانه لا مقاومه الا لمن يعرف المقاومه صحيح اني ادري بيكم صارت خبرة بس تحتاج ادارة تحتاج ترتيب تحتاج اليات تحتاج الى تسلسل هرمي بالقيادات مو قيادتك تكول لا تفجر فلان عبوة لو لا تضرب اهه تدري مرة اشصارت الاسبان اول سقوط اسبانين من جانو الاسبان مروا كدامي بيت الاشتراكي بيت السيد مصطفى اخويه تندلو اكيد مكتب الاشتراكيه يمه قريب الحمايه من الطرف الثاني وبيتي من هذا الطرف مروا الاسبان ابين الحمايه وابين البيت الرمي صار على الاسبان وين صار على البيت كله واني ارشكت بالطلقات والاسبان راحيين واصلين لمقرهم اصلا موانتو هيجي راح تفسد ماراح تصلح ..راح تفسد ماراح تصلح راح تنكره ماراح تنحب الزم السلاح ادرب عليه انتظر دورك الى ان تدرب عيه وبخدمتك انتخبنه نخبه هاي النخبه راح تدرب اذا اعتدت اعليكم انكصه كص اذا اذتكم او حجت اعليكم انكصه كص مو معناته انتو ماراح اتقاومون ولاماراح تجاهدون انتظروا ادواركم بالمستقبل خوب احنه مو كل الشعب العراقي راح انسوي مقاومه وذلك قسمناه الى ممهدون والى مجاهدون زين يعني ايكون كل الشعب بصغاره وبكباره يجاهدون زين الثقافه وين صارت الفكر وين صار الاعلام وين صار الادب وين صار الشعر وين صار تدري اكو كاريكاتير سقط احتلال اكو شعر سقط احتلال موعبالك كون بس اسلاح حبيبي هواي اكو طرق هذا الشاعر من يوكف على المنبر او يوكف على المنصه ويشعر شعر ادبي واخلاقي ومنطقي ايجوز ايسقط احتلال ويسقط دول ترسملك رسمت كاريكاتير على احتلال لو على حكومه ماتريده هاي احسن من هاي الاعمال المشينه احسن من ازينلك وحده وتطلع جيرانه لو تروح تحركلك محل عبالك مال خمور يطلع بي شرابت وعصير مو لطيفه يعني مو اختصاصك هذا امر بالمعروف وانهي عن المنكر لكن مو بهل طريقه حبيبي على اساس انت من احركت محل ابو الخمور ماراح يجي ايفتح مرة لخ راح ايفتح مرة لخ وغصبن اعليك واذا عنده بطلين ايسويهن عشرة لو اطب اعليه بالامر بالمعروف وبالنهي عن المنكر وبالاسلوب الحلو ماجان صار هيج لعله اهتدى ولعله هو اغلق محله ولعله هو احرق محله بايده مو انت اتحركه وبعدين له حقوق قانونيه ايكون ايسجنونك وايكون كذا وكذا حجيلكمياه هي بالجمعه الامام الحسن والحسين شافولهم واحد يتوضه بالخطأ بطريقه ادبيه علموا اتوضو كدامه الوضؤ الصحيح كلهم اني اعرفيكم يعني ما معناته انتو معصومين واولاد معصومين طبعا بالفحوى مو بالنص وفعلا صار شيعي من وراهه وكذا و ولا اذوه ولا اذو ارواحتهم اما انه عزلناكم او اذيناكم او بعدناكم لا كلٌ ينتظر دوره اني اذا ما اعرف احمل اسلاح ما ادخل بال اني اذا امر او قرار يجب ان عندي خلفيات .. ماعندي خلفيات له ما اقرره او اروح استشير اروح اسأل يابه هيجي لو هيجي بعد فضلأ عن انتم اي واحد مو اختصاصه لا يدخل بيه ولا اذا ادخل بغير اختصاصه يفسده من باع درا على الفحام ضيعه.. زين.. الممهدون هي المقاومه الثقافيه والفكريه و الادبيه اه اي عمل يصدر منهم سيكون حبيبي محسوب اعليهم ويسيء الى سمعتهم اذا كان سيئا اما اذا كان صالحا يكون وجه مشرق لهم من ايريد مقاومه عسكريه ينتظر دوره من ايريد مقاومه ثقافيه أيهل نفسه حسب الشروط التي وضعت يا وضعت قسما بالله العلي العظيم اني كاعد وحدي واكتبت نظام مال الممهدون يعني انطيته الى بعض الاناس صححو بيه رتبوه وطلعناه للناس على انه ايطبقوه لحد ايكلك اني سويته ولحد يدعي كذا اهه ويمشون امرهم اذا افسدوا انا ذاك الوكت اسحب النظام اكللهم ديرو اوجوهكم وروحوا انك تتعدى وغصبن اعليهم وطب بالممهدون الا اطب للممهدون الا اطب للممهدون واخربه هم مو صحيح عندك طرق وابواب تدخل منها فاما ان اصير مقاوم بالمقاومه الثقافيه والادبيه والشعريه والكذائيه واما ان تنتظر دورك بالمقاومه الجهاديه وبين هذا وذاك يجب ان لا تفسد يجب ان تقوم نفسك بكل ما اؤتيت من قوة مو قوة العضلات قوة الايمان حبيبي صلاتك صومك تسبيحك استارك حجك عوف الامربالمعروف والنهي عن المنكر مو رأسا كبل عن الامر بالمعروف والنهي عن المنكر واحدنه لا يصلي ولا يصوم وانت ليش ما تصلي وتصوم دصلي انت وصوم وبعدين تعال أمرني وانهاني زين فانتو جان السيد ايكول بعضكم يقوم بعضك اريدكم خليه وحده مجموعه وحده ما يمكن اي واحد يخترقكم حبيبي اذا اتاخيتو بيناتكم وتحاببتو شفت واحد اخطأ ..هسه ..واحد اخطأ الزمه اكله حبيبي انت هيج اخطأت سمعك اطاعك وامام الله اطاعك ومشي هو ما اطاعك اصلا اطاع الامر بالمعروف والنهي عن المنكر يعني امر الله ما اطاعك بعد على الله عقابه وعلى الله ثوابه خو مو انته صايرلي قسيم الجنه والنار و هذا تحوله على الجنه وهذا على النار عدكم محاسن كثيره كبيره فسخروهه طلعوهه للناس حتى الناس تستفيد منهه اول مرة فيدوا جماعتكم حتى تتحدون تتكاتفون حتى ونهدي الجميع حبيبي اذا احنا كنا صحيح مقتدين زين اكو من يقول .. اكو من يقول ان قياداتنه وناسنه عافونه تركونه لا فلوس لا اعتناء لا مداراة ..زين ..ماعافوكم حبيبي لا تصورون مثلما ايبينولكم الاعداء وبعض المنشقين انه مقتدى وكعله على كنز وكون كل واحد يطيكم كذا مليون اشوكت احنه كنه نمشي بالملايين حبيبي مضاهرتين ما ادعو الها اصلا انت تدرون انا ابضيق او محتاج الى مضاهره انتو اتهبون اذا سمعتوا بيه محاصر جيش الامريكي حاصرني بالبيت واشوف الملايين للنجف جايه اطلعني والله ولا ادفعت ولا درهم هسه الا اسوي سيارات واسوي طيارات وادللهم ومدري شنو كون يله يجون مضاهره اهه لا يصير هدفنه هو المال صحيح يجب ان تعيش يجب ان اعيشك يجب ان اعيش عائلتك بس لا تجي تفرض اعليه شروط هسه عبالك عليه سهله من اسمع واحد من جيش المهدي جاي يمد ايده لفلان وفلان تروحون تاخذون من المجموعه الفالنيه والناس الفالنين والشخص الفلاني مو حلوه لكن احببت انه البلاء الذي يصب عليكم تخرجون منه ناجحين انه ذاك الوكت اتكفل بيكم حبيبي من (هنا كلمه غير واضحه من المصدر )مئة مليون اذا وصل الى ايد باطله يعني انب الحرام اعليه حبيبي ميصير فانتو اذا اتريدون تاكلون لكمه حلال تعيشون عيشه حلال سوولكم نظام ثقافي نظام علمي نظام ادبي نظام اي شيء نظام يعجبك شغله حصلك شغله حصلك نجار و حداد وانه انطيكم الفلوس ام انه تجي اسمع واحد من جيش المهدي جاي متعرك ويه القائد مالته ليش ما تنطيني فلوس ايريد يبسطه اشتصورون هسه اطلع الفلوس انطيهيا اكيد ما راح انطيهيا ميه الميه ما انطيهيا متقبل خطأ اما من اسمع واحد هذا يمدح وان افعاله جيده وجهاده سابقا جيد والان بثقافته وادبياته جيد اني غصبن عليه من دون ان واحد ايكلي اشيله وكله وصله الفلوس واذا عاش بفقر او عاش بعازه ذاك الوقت اني المقصر فقوموا انفسكم حتى اتعاون وياكم حبيبي وانا بخدمتكم بالصغيره وبالكبيره وكل من حولي ايضا بخدمتكم في الصغيرة والكبيرة بس الوجه الحسن طلعونه بيه ما اريد كلشي منكم (ان شاء الله سيدي )اه ما اريد اكلك سوي افلان شي صير معصوم بس التزم هذا بالامور الصغيره حتى ليش لل ينجي عليه ولا ينحجي على محمد الصدر ولا على الاسلام ولا على التشيع انت وجه التشيع صاير وانت وجه التشيع هم صاير بوجه المدفع هم صاير ايكولون العلويين مقدمون على قطع الرقاب فصار جيش المهدي مقدم على قطع الرقاب هم ميخالف هي هم زينه هم حسنه لكن يجب ان نتحمل المسوؤليه ونكون علة قدر ها زين شي اخير اكو مقاومه ثقافيه كلنه ومقاومه عسكريه اكو مقاومه سياسيه خلونه نشتغل حبيبي خلي السياسين ايشتغلون بفالهم مو شالو مثل هذا البلكتله وكتلوه يابه عميل يابه لانه سياسي ما يقاوم خو هي مو كله اشيل اسلاح وتقاوم جاي ايقاوملكم ضد ..عبالكم هي هاي قليله الكتله هسه انه هم مو في معرض المدح او الذم من طقطقوا على بالبرلمان ورادوا الاتفاقيه ايبطلوهه هو هذا في حد نفسه جهاد حبيبي او الهيئه السياسيه عميله ايكون كله نكتله او مدري شنو عميل لا حبيبي اكو فد شي جهاد سياسي اكو جهاد عسكري اكو جهاد ثقافي كل واحد ديشتغل بشغله لكن يجب ان تنسيق بيناتكم مو ابو المقاومه السياسيه ايكول اسكت انت اصعد ابو الثقافيه اتنزل انت مدري شسوي لا اكون ترتيب ابيناتكم انت جناح مثلا لكن اني ما احب هاي التسميات انت هم جناح عسكري وجناح سياسي وجناح ثقافي خو هاي اذا جناحين واحد ايهبطني واحد ايطيرني راح اتخربط بمكاني واوكع تنسيق بين كل الاعضاء انت جسد واحد انت ايدك اذا انشلت بعد ما تكدر تشتغل عينك اذا انفكست بعد ما تكدر تشتغل رجلك اذا انكسرت بعد ما تكدر تمشي فالتنسيق بينكم وكلكم صدريين وكلكم يعمل على ما حدد له لا القيادات تكدر تستغني عن القيادات الطبقه الشعبيه التي اعزتنا بالجهاد وبالمقاومه واعزتنا بالمظاهرات لحد الان مظاهراتكم تنضرب بيه المثل حبيبي والله الف واحد شنوا لف واحد الكل يحبكم بس هو هذه لازمين اعلينه زله شنو ما مرتبين فترتبوا يعني الا مقتدى يجي يرتبكم خو انتو احسن من مقتدى انتو ترتبوني موهو يرتبكم حبيبي عوفوا هي الامر بالمعروف والنهي عن المنكر يمكن اليضوج عوفوا الامر بالمعروف والنهي عن المنكر يسقط في حاله انه ذاك الثاني ما يسمع اني الزم الشيخ مثلا او السيد مثلا سوي افلان شي صلي جا ما يصلي شسويله اعوفه الله وياك لا تكرهون الناس بيكم فعليه اسمعوا هذه الرشادات لعله تكون (شرب ماء ثم اكمل حديثه ) في صالحكم يجب اني اعليه ايضا اتعهدلكم اذا ارفع المستوى العلمي والمستوى الثقافي والمستوى الجهادي وكل المستو...اني ارفع المستوى الاقتصادي لجيش المهدي مو راسا اتروح اصير مخطأ اتريد تاخذ منا ومنا اصبر اشويه لعل قياداتك اتريد تختبرك ما يصير قيادة تختبرلو ايصير تختبر ( ايصير تختبر ) خلص جاي اختبرك نجحت بالاخبار اني ذاك الوكت بما عندي من مال قليل مو تسمع فلان وفلان ان مقتدى وكعله على كنز اقتسم اللكمه وياكم واكل وياكم اللكمه هاي نصين اقسمه انيطك الك والثاني هم ما اكلهه مالازم انتو اكلوهه اني هم رجل بالدنيا ورجل بالاخرة هسه اخلي راسي واموت لو تجيني الطلقه واموت بس انتو شباب بعدكم كدامكم عمر وكدامكم مستقبل كدامكم مجتمع عيشوا بعزه عيشوا بوسعه مودائما هوسات حتى هذه طبعا ذاك اليوم واحد حجاهه طبعا كلي حتى الهوسات اني جاي اقره بكتاب تاريخي عن العراق عن ثورة العشرين حتى الهوسات التي القيت في ثورة العشرين كاتبهه يعني حتى هوساتكم راح تؤرخ حتى هوساتكم يجب ان تكون مسؤله حبيبي لانه راح تؤرخ في التاريخ راح تنكتب بالتاريخ انه جيش المهدي هيج هوس المقاومين هيج هوسوا كلشي كل صغيره وكبيره انت مراقب عليه بما انه انت صرت مجاهد )....