هنيالة اليزورك سيدي مظلوم
ويشرحلك الامة ونيرانة مستعرة
يبن المصطفى يبن داحي البوب
يخو زينب يا اخو العباس
يا مهجة كلبنة و يا ابو النوماس
يا جد المنتظر كول لابنك كوم
خل يحجي و يسولف ويطالب الثارات
خل يطلع ذو الفقار يكول
وينة الطبر حيدر الكرار
وينة العاصر الباب وينة الذبح الحسين
وينة الكاطع الجفي وينة السبة الاولاد
وينة العذب عمتي ويسرها لابن زياد
اطلع سيدي قل الصبر والله
ما نكدر ننام ولا نشوف النوم
وينك سيدي وتشوف هذا الحال
وينك يبن داحي الباب
*********
طال انتظارك والحلم ضاع
حتى طير السعادة مل من الغنى وراح
يا امل كل يتيم تدري
اليتيم صار بدارك يحوم
اجينا ابيوم ميلادك ونفتحلك جرحنا ا
مو بس جرح بينا سيدي اجروح وية اجروح
ما نكدر نحدد يا جرح نشجي
يا نور الائمة وخيرة اهل الناس
ما تنهض تطفي نيران مشتعلة
ما تنهض تداوي اجروح مستعرة
وين انروح يبو صالح ما انة ولا مجان
رد علينا الطف ورد علينا حسين
وردت ال اميه وبنو العباس
لبغضك سيدي سيوفهم طلعت
من بعد جدك محمد بغضو علينا الناس
وطبرت المحراب بالراس مرسومة
وضلع امك الزهرة ها هوة بالباب
وراس حسين فوك الرمح حطونة
وراس حسين فوك الرمح حطونة

و السلام عليكم و رحمة الله و بركاته