بيت المحنه
.................................................. .........

والله ماادري شااكول..

السوالف تستحي اتسولف عليك..

بية زارع كل جمالك..
وحتى لحظاتك واديك..

كلي شحجيلك.. قصيدة.. وانت بس.... بضحكتك..ميت الف شاعر..

شاعر..ابجفة مساحة..ويمة مطروحة الخواطر..

رجعتلي روحي من جف الضياع..
يل صرت لكمة محنة..وانة قوم من الجياع

يل تكونت الطريق..وصفنتك صارت متاع..
......

وزين اتذكر ..وكفتك..يوم كلشي بعيني طاح
اتحولت بلسم حقيقي... وانة كتلة من الجراح..

هذا كلة.. وانتة غايب عني وسنين المسافة..
وصوتك يحول بكائي..ضحكة وورود وترافة..

ومرة اخرى...

سنين وايامي وصديق..تحولوا كلهم جرح..
وخطوتي باعت طريقي..وفارك عيوني الصبح

وفجاءة منك..

دك خيالي..زادك..وشايل ملح..

كتلي هاك..

هاك اخذ كل ما تريدة..صوتي مصدر بابي ..جفي
دنيتي ..باجر ..ضحكتي..حتى احلامي الجديدة..

هاك اخذ كل ماتريدة..

وانة اريدة..
بس اريدة..
ماريد اعيوني تغفة..وتكبر بغيرك حلم..
وانة اكلك للعلم..

(انت المهم لو مهم غيرك مهم مو مهم)

وكلبي ردد لك نشيد
...............
(يااغلى من ايامي..يااحلى من احلامي.. خذني لحنانك خذني وعن الوجود ابعدني)

وهسة بية اشكد حنين..

صفنة .. وبطور السنين..

حاط عيني..بعيني..وانطر.,.

تحضر.. وتشلع صفنتي..
وتكبر بخلكي عمر..



_________